12 月bb的疑惑??

Parisienne

其實小朋友差兩、三個月真係可以差好遠。
如果12月B，我會情願遲一年等佢做大B。

最近聽咗趙sir --趙榮德嘅幼稚園講座 (前喇沙書院副校長)，佢話在任時跟唔上的小朋友大部份都係細B，所以勸我哋家長要比足夠時間個小朋友成長，唔好怕遲一年就會輸！其實小朋友從小培養自信心係好重要，如果因為係細B，成日跟住人尾，其他小朋友得但佢未得 (如聽指令，大小肌肉發展，自理能力...)慢慢佢會覺得吃力同比下去，如果喪失學習興趣，對小朋友無好處。

所以大部份名校(尤其一條龍)都唔鍾意收細B。
不過有好多家長情願到小朋友跟唔上才Repeat一年，覺得咁樣着數啲。

睇你點諗:
-起步遲，但做大B。小朋友100%ready，會有自信啲。
-起步早，時間上快人一步，但做超細B，持續觀察，小朋友太吃力先repeat一年，但可能有機會唔钟意返學。

我囡囡9月B，唔算超細但都係細B。
全班得佢一個9月最細。
Nursery上學期評估話佢唔識跳，要我哋留意佢什麼大肌肉發展，教佢點發力跳....！我忽然變得緊張，返到屋企即刻train佢跳。
可能我心急，又同屋企人講老師話佢唔識跳，我囡囡聽到之後，半明半唔明咁博命用力試跳，但唔得，跟住佢好心急話: 「媽咪，我跳唔到，係咪唔叻??」

嘩！我個心當場酸到想喊出嚟！我話 :唔係，你好叻，你大少少就得喇!

come on!我媽見到嚇一跳，好話我連跳都迫個囡！發神經! 結果，我無再叫個囡跳。提都無提。

一個星期後，佢自已忽然間識跳。
就係只差那麼的一星期。
而家??成日跳飛機 hahaha...

原帖由 cincin_ko 於 10-5-26 00:35 發表
ai..我BB係09年12 月細b~
知道都好微機會會有好學校收佢係那學年讀K1 or N1 ga la..即2012年.9月.

想請教細b 的父母, 有冇學校會收遲一年的學生做大B?

E.g. 今年suppose 收07年1月1日至06年12月31日bb, 但係佢會收 ...

Parisienne

Hi DaisyDaisy,

我地最終决定讀啟小幼
你講得啱，我地有信心個囡一定可以愉快學習！老師nice，課程好，又有啟發性。校舍環境等都好適合小朋友成長。
係呢，咁你揀咗邊間？方唔方便講？
其實可以考啟小幼插班.....

原帖由 DaisyDaisy 於 10-5-26 07:27 發表
係呢，Parisienne你同你小朋友最後決定讀啟小幼OR浸小幼呀。

我個大仔原先想上啟小幼K1，依o家無讀啦，好可惜，啟小幼是間好學校........

Parisienne

入讀N1主要都係想阿B學吓獨立，基本禮貌、秩序、介片、自理能力如自已攞匙羹食嘢、抹嘴、排隊去廁所等。

如果你指嘅智能係學術上如認顏色，ABC，唱數...等，反而唔需要膽心，因為可以學得好快。

至於大小肌肉同自理能力，其實係講緊同一班裏面，一個12月細B同3月大B〝相比〞之下嘅difference！差咗九個月對咁細嘅小朋友係可以好大分別。

例如老師叫小朋友跑去前面攞個紅色波，相比之下一個3月大B無論响聽指令、大小肌肉控制、反應等都會比細B快。如果班裏只得一兩個12月細B，其他大B漸九成幾，差別就相當明顯。如果咁啱阿細B性格係敏感，佢一定知道自已慢，or 有啲根本唔知做緊乜。慢慢，對阿B會有一定形嚮。

Nursery唔係playgroup有父母陪，老師幾好都唔可能分分秒秒陪住你。除非你揀D師生比例出名少，細B比例收得較多嘅Nursery，咁就very good！因為講嚟講去都係最怕細B無自信啫。

亦有人話，細B同大B一齊混齡教育亦有好處，好多外國都有例子，大嘅會照顧細，細嘅會跟大，學得仲快！不過一定係間學校有咁嘅理念同配套囉。
如果唔係，阿細B次次都攞唔到個紅色波，你係佢你會點？
好簡單，唔好玩咪唔想玩囉.....！
咁.......

就大件事喇！

原帖由 tantanmama 於 10-5-27 15:00 發表
我個女都係08年12月尾, 已有兩間學校收佢出年插班讀N1. 我仲未揸定主意俾佢做大B定細B. 因為我個女係返育嬰園的, 無論大小肌肉同自理能力等已經好OK, 但智能上嘅嘢我就冇點谷過佢, 唔知佢ready正式返學未.
如果做大 ...

Parisienne

我覺得既然決定做大B，應該一開始就做，唔係做咗半年插班細B後，再等Repeat 時先做大B。
因為講嚟講去都係膽心阿囡响做〝細B〞個半年插班生涯裏面出現問題。

不過，其實扣埋X'mas 新年、農曆年、Easter holidays等，剩返都唔係好多時間。如果間學校口碑好，可以照顧細B，而你又唔係全職媽媽，咁半年細B生涯都OK啦。

我自已就prefer N1repeat。
因為佢插班先join得果半年，好多基本條件相比下仍有距離。如果未準備好就面對K1 ，仲要繼續做細B，又要轉埋校!(唔知有無理解錯，你話K1育嬰園收，同N1英文nursery唔同學校)....倒不如比囡囡Repeat N1裝備好啲。

但有好多家長覺得Repeat K1學嘢多D，著數啲。
睇你覺得乜嘢重要囉，亦要睇小朋友性格。

原帖由 tantanmama 於 10-5-28 09:35 發表


謝謝你的意見. 咁如果做大b, 請問repeat N1定K1好D呢? 目前已有學校分別收咗我個女出年2年插班N1同2011年8月讀K1.
收N1的是英文幼稚園, 有外藉老師做班主任, 唔需要再帶個女上英文同普通話pg, 但呢間學校冇學卷,  ...