考小一會睇背景嗎？

Parisienne

okangelmama 發表於 13-2-14 20:13
咁應該仲有野要考慮，如a同學醒豬豬，又有啲懶惰咁，但b同學則勤奮有禮，有啲小聰明，咁學校係咪重係睇背景 ...

問題係 : b同學啱啱想發揮果' 啲啲小聰明' 時，已經times up......唔好唔記得，面試時間其實好短，而且多數group interview。而諷刺嘅係，a同學果''啲啲懶惰 '，又未必會在面試時被擦覺喎.....

公唔公平？
我信小朋友個個都叻，但面試向來都講天時地利人和。

背景人人唔同，人比人比死人；此地不留人，自有留人處。

除非你家境相當清貧，兩公婆又小學未畢業，住劏房靠綜援，又唔知點解唔覺意生咗四件( 双胞胎 )，有官津唔讀卻偏要考名牌私校，但個心又覺得高攀唔起，驚被人睇低一線.....咁，就真係無嘢好講！否則自己正正常常，盡了全力，又何必想得太多。

你希望得到私、直學校〝一視同仁〞的同時，似乎係自己先嫌棄〝有教無類〞的官津學校。
你揀人時人揀你也。

家校家校......始終家庭和學校是要合作無間。要明白學校想知家庭背景，了解父母會有多少能力去backup子女，乃屬正常。如果真係只揀貴族家長嘅學校，入到去都未必適合自己，咁，又何需介懷？