我已經無晒辦法,點樣先至幫到佢?

crt1234

我個仔
腦筋反應慢,思考方面較遲鈍
反應同學習能力比一般人差(但並非智障)
除左打招呼例如早晨,ByeBye之類既說話之外
對其他大多數說話要諗兩諗先俾到反應,相反大部份人都可以即時回應
就連稍為複雜既句子都要諗一陣先講到出...仲要斷斷續續咁

係已經自細個果陣小學已經係咁
小學果陣其他同學見到佢反應慢就恰佢,愚弄佢,
到中學果陣果D同學仲變本加厲,搞到精神出現少少問題
到果陣仲未被其他人察覺
到出來做野果陣(餐應),初時做野都冇問題,其他人都比較包容佢
但後來換在班後生既新同事之後情況就開始變壞,果班同事成日玩佢不特止
仲分化佢同其他舊同事,孤立佢,最後成間公司既同事恥笑吓,精神病爆發之後斷斷續續住左幾年院
到五年來稍有好轉先無繼續住院,但每隔三個月都睇一次心理醫生兼且有社工跟進(到果陣時先發現有問題)
再出來做野因先天腦筋差+精神料藥物副作用+以前經歷過既事仲緊緊於懷(疑心重,成日懷疑人地想玩佢)
加上包容佢既公司越來越少, 近年來份份工都做唔長
社工同心理醫生既作用越來越低
甚至有社工想用正能量來感染佢反被佢既負能量感染到, 部份社工/心理醫生見到咁既情況都無可奈何.....
我都被強大既負能量感染到而要見社工

揾晒專業人士都幫唔到D乜.....我都想搵個可以說服到可以有番點點自信,可以點.....

crt1234

pipi331 發表於 12-2-8 13:29
叫您仔去做吓義工, 唔少志願機構都需要義工幫手做吓D輕可嘢, 叫做有D世藝...
其他嘢慢慢再諗..... 如您講到 ...

之前都有做過義工
但不幸遇到壞分子去「街邊財務」借錢,之後乘機「借」走佢去財務借返來既錢
搞到打足差唔多成年官司先搞掂
後來先知果班人係慣犯, 後來佢地因犯類似個案而繩之以法

果次事故之後,佢就好怕做義工.....
返教會係咁,連做義工都係咁.....
成日都咁唔好彩遇到壞分子.....

crt1234

今日下午約見新既心理醫生
同個囝再做多次心理評估
發覺個仔有種可怕想法
覺得智商低於標準去安樂死,對任何人士(對家人,對自己)都係好事,
因死左就唔駛成為他人負累
與醫生相討下發覺問題嚴重,睇吓可唔可以盡快安排支援.....