RC VS clear water bay school 請問各位會點選擇呢

aidan08

Maoku 發表於 13-3-17 22:54
用NR入又如何？只係代表你持財去插隊打尖。ESF/RC用NR制度其實係另一種不公義的制度，用啲種方面 ...

對於'真材實料邊間都考到'，實在不敢苟同.....而家競爭太過激烈，而每間學校都有各自的priority policy，講真，無passport、無siblings、唔係staff、唔係校友，真係喺好多學校都等同機會微乎其微。我眼見就算有以上是但一個優先條件的，都好多考唔到，而D細路完全無問題。而且，四、五歲人仔，講 "真材實料" 講 "實力 " 實在係言之過早，再者，一次interview定生死亦係事實。Target國際學校的家長，好多事實上係喜歡國際學校的教學模式同理念，所以一早比仔女入讀國際學校的preschool，好多人都返唔到轉頭去local school，著急好正常，搵方法令仔女易D入到亦好正常，買個保險亦係好正常。虛報確實係唔啱 (不過，另一面睇，ESF亦知排斥講廣東話的小朋友係不合時宜先會改變啦，證明的確係個漏洞，亦唔公平！)，但買NR何罪之有呢？差不多間間IS都有不同名目的優先入學收費機制啦！呢個世界根本沒有完全的公平，我反而覺得教細路要早d比佢知道呢樣嘢添呀，呢個根本係現實。講真，比某個國籍優先，比sliblings優先又好公平咩？

aidan08

Maoku 發表於 13-3-17 16:45
話其他人反應大，不如諗下自己講咗啲乜！Shrimppiggy 你自己早前有兩個offer喺手，RC同SJS，最後你㨂咗後者 ...

大部份家長幫仔女報學校都唔止一間，是買個保險，好正常，只報一間反而係唔正常啦！最後有得選擇的話都要取捨，唔揀嗰間唔代表係覺得唔好喎，只係揀一間適合自己啫。唔洗叫人當日唔好考！講真如果知道有一間實收而自己又覺得good enough的，咁就真係唔會考多間啦，邊個鍾意帶住個小朋友周圍考學校等結果？

同意你講網上發言要持平，要負責任，that's why我要講吓公道說話。