有關40網旅小一問

conniewktang

ying8 發表於 17-7-10 21:13
如果你想入表荔天或協和，一旦派唔到又想叩旅小，仍有機會，因叩旅小嘅全部可參加筆試，但聽講試題比111嘅 ...

本帖最後由 conniewktang 於 17-7-10 22:50 編輯

以今年為例，多了好多外區校友及其他人入旅小（葵涌丶荃灣丶青衣丶大圍同九龍其他區，家長冇校車也不介意，校舍大小也不在意，而且他們PM我話孩子一心入旅小，最多搬屋，直私考了只作backup，（他們有自行,大抽獎,110同000叩門入，好多學術水平高，有閱讀習慣，有些K2已考了GAPSK, 什至考了starters, movers等，基礎漢字500，全部25本已識)。
所以40網若想入旅小，始終是熱門學校，如果不選第一志願，我諗叩門比較難，加上細路人數又多！

conniewktang

thyhma 發表於 17-7-11 10:13
近年旅小學生升旅中，表現咁好，如果我係旅中校長，都優先收番啦！
估唔到最叻嗰批學生，寧願跨去港島讀名 ...

旅小收kg生其實冇茘天同協和咁靚，但學校管理好，老師教得好，越做越好，老師教到咁嘅成績實在難得，因是學校老師自己教出來不是只靠收生質素好及家長自己谷。
今屆派位受2014及2016雙數年升中的師兄師姐考Pre S one AT 成績影響，咁嘅成績，即2016果屆Pre S one AT都同樣考得好好！
詹校長的團隊真係得！

conniewktang

conniewktang 發表於 17-7-11 10:48
本帖最後由 conniewktang 於 17-7-11 11:06 編輯

B1為主，其次b2, b3只13個（10％）。
可能因為教學好！

conniewktang

thyhma 發表於 17-7-11 14:22
對，睇番旅小升中名單，好大部份都係B1、B2中學，估計B3只有約10-15%，以津小黎計，真係唔錯。 ...

我叫一間中學副校數過，佢話只13個b3，13/120二10.83％。我唔肯定。

conniewktang

michellelee1979 發表於 17-7-12 00:49
乙二都入到，真係估唔到。

本帖最後由 conniewktang 於 17-7-12 01:15 編輯





今年情況特別，加了咁多位！由每班平均27人變三十幾人一班，4班變5班。我覺得來年唔會咁易入，乙二入的機會好微！旅小之前低調，但是，宜家多人討論，又hit, 多了咁多外區人報，而且本區kg家長又like，按常理，如果家長like旅小，會唔會把旅小放乙二? 你話佢哋敢唔敢這樣填？我就覺得太過危險，並且浪費了個選擇。

conniewktang

ying8 發表於 17-7-12 05:39
唔奇吖，旅小係上年自行應收左好多表，幼稚園好多同學仔都報左，點知去到統一，教育局只係話全區間間學校 ...

如果40網的，去到要叩門，冇111都幾頭痕，因為要考筆試同面試，而且000的比起111的，份卷深好多！中丶英丶數都要考。

conniewktang

88881111 發表於 17-7-12 10:36
本帖最後由 88881111 於 17-7-12 10:40 編輯

如果乙一入不到基福號碼唔會太靚，有人乙一旅小入不到，有 ...

本帖最後由 conniewktang 於 17-7-12 10:46 編輯

我都不信乙二可入旅小。乙一好多也不入，要玩叩門，所以PM問我才知。基福仲多位！網上留言，真真假假，自己判斷吧！不用太過認真！

conniewktang

88881111 發表於 17-7-12 11:49
本帖最後由 88881111 於 17-7-12 11:52 編輯

咁如果乙一不入，有冇機會乙二入？

Strongly Agree!

conniewktang

ebuddy 發表於 17-7-12 11:33
如果你只求面試機會，旅港全部會In, 只係非111份券深D，如果你對小朋友有信心，那放D心水係前面博下
...

本帖最後由 conniewktang 於 17-7-12 12:23 編輯



係可以搏下，不過到時玩叩門果時，小孩已有小一丶二水平，或者叩得入旅小！好多111或110一心想入旅小的家長，K2早已為小孩入不了旅小而要叩門入旅小作準備了，K2已做緊小一丶二的補充，真係唔收咁多PM唔知旅小如今咁受歡迎，家長咁心儀學校！仲有啲細路咁勁！
我小孩小二插班入旅小，到K3才完成25本基礎漢字500，K3下學期已看中丶英文童書超過一千本，英文超前所讀年級，我個12月出世超細仔仲要早產一個多月。但睇番現在K2/3想入旅小的，好多學術與閱讀都比我的小孩叻好多！他們仲有好多公開試證書和獎項添！

conniewktang

tenko 發表於 17-7-12 12:13
按教育局既派位機制，無論no 係點都係派曬乙一先到乙二，如果派哂乙一位已經唔夠派，係無可能去到乙二。年 ...

Yes!

conniewktang

patpat904 發表於 17-7-12 13:25
我問了同學的爸爸2次，佢答我甲一乙一基福乙二旅小，入旅小(太太是新移民選校是佢填)，當然我冇睇過佢份表 ...

講開旅小的新移民家長，原來相當高質素，我識果個住四小龍，有二部車（粵港兩地牌），媽媽開車送子女上學，他們做生意的，有學識，又謙虛，有禮貌，樂於助人，孩子成績佳同品行好，所以40網裡新移民都可以好高質，不止41網才有這些家長。

conniewktang

cherrieshum 發表於 17-7-12 14:03
善導派得非常好，我看到數據竟然比荔天更好，升Band 1率有57%。不過我不明白為何善導公佈的數據是2015-201 ...

但我有個表，看落只有四成幾，我pm你。

conniewktang

cherrieshum 發表於 17-7-12 14:03
善導派得非常好，我看到數據竟然比荔天更好，升Band 1率有57%。不過我不明白為何善導公佈的數據是2015-201 ...

2015-2017即小五至小六呈分年度這一屆。

conniewktang

ying8 發表於 17-7-12 15:15
善導應比上年差了少許，計埋瑪中，派B1都係得53人，有4x%，都算幾好了！
http://www.gccps.edu.hk/website ...

本帖最後由 conniewktang 於 17-7-12 20:40 編輯

好多學校升中派位表只列出見得人的學校，差少少就冇出，有水份，所以總人數同實際人數有出入。通常派位靚的學校，會出曬全部人數，幾好幾差果啲都出，好似旅小，b3約只有10％，怕乜列埋出嚟。名校都有b3啦，間間有，只是數目少而已！估唔到旅小同長協b1％咁接近，都話旅小b1主要是老師教出來，不是只收返來或靠家長自己谷出來（要家長幫細路日日狂溫習或預先備課）。
我兒子讀舊校，我就真係成日幫佢溫習或備課，舊校教一課考三課，為應付測考，所以要備課。舊校老師唔知點樣教，上完堂好似老師冇教過咁，要成日溫書，自己谷，煩到我死，本身工作又忙，我以前兒子在舊校，我日日要抽好多時間陪太子讀書。
入了旅小，我都唔使點理佢，佢唔識先問我，邊洗預先備課或成日溫習，學校幫我搞掂，默書同測考先溫，又OK喎，個仔多了好多free time and play time, 所以好開心。另一個由舊校插班進旅小的家長也有同感，這里輕輕鬆鬆，愉快學習，不知不覺被老師谷起來。我又發覺，旅小中文科，正如補習社說，係深過好多學校，好似中作字數，小二已要作200字，一年作16篇作文，連測考果幾篇，成20篇，老師好勤快，批改咁多，真係冇諗過, 孩子不知不覺竟學會作成篇200字的中文作文了！

conniewktang

ying8 發表於 17-7-13 01:58
其實40網有好多媽媽唔上EK，無比較區內學校質素，鍾意揀新校、大校。佢地唔會理升中派位成績。 ...

但係唔上網都應該自己多問幾個各校用家，自己比較一下，唔好只追求新校或大校！
學校地方太大，學校睇唔到咁多，有時學生在暗角曳曳都未必有人知有人見。細校都有好處，人少少，老師可以睇緊些，管束學生多些，學生又會乖些，校風自然又會好些。先管後教，學生唔乖的話，成績又點會好呢？！
升中成績好，多人升b1英文中學，不單畢業生讀得上，而且是讀得好。旅小中丶英丶數各科都教學好好！
小學各科教學程度高，學生升中就唔會程度唔銜接，升了英中又唔會太辛苦追唔上。我識的旅小畢業生家長都讚校長好，老師有heart教學，又有愛心，所以學生即使升了b1a中學，食老本都得，再努力就可以在中學考得不錯成績！所以我老遠跨區冇校車都插班旅小，因為小學基礎好重要呀！

conniewktang

thyhma 發表於 17-7-13 11:43
旅小升中派位真係年年有驁喜，運動表現亦一鳴驚人，睇下校網就知，唔係一間死讀書嘅學校。上年EK唔少人話我 ...

話我地吹棒的其實並不是讀旅小的學生家長或並非心儀旅小的，見人哋做得好及家長滿意讚好都唔得。

conniewktang

thyhma 發表於 17-7-13 21:59
回覆 dogkit 的帖子

家長日日接放學，都有睇到！上智去年DSE，好多學科獎，都由旅小畢業生攞曬。但入開平 ...

其實最抵讚的是現任校長詹校長，佢簡直是把旅小起死回生的校長，佢使旅小不斷增值，學生成績不斷創高峰，旅小又越來越hit, 由較弱校變強校，講開又講，佢在旅小勁多家長fans！佢十幾年帶領旅小的功勞，真係抵讚！(emoji)

conniewktang

thyhma 發表於 17-7-13 21:59
回覆 dogkit 的帖子

家長日日接放學，都有睇到！上智去年DSE，好多學科獎，都由旅小畢業生攞曬。但入開平 ...

講開家長日日接放學，我仔同舊校一同學都由葵青跨區小二上同下學期分別插班入旅小，冇校車都讀。

好似我小朋友插班旅小，每天由青衣陪佢坐的士返學，之後我怕遲到再繼續坐的士返工，八五折的士都要＄240（單程），以前我返工坐MTR 。放學孩子又坐的士（＄80內）回家，用了錢但省了時間。我覺得讀這間學校是值得的！
我仔舊校家長（也住葵青），孩子轉校旅小，她早上坐的士送孩子返學，再回家煑午餐，再坐車把午餐送給孩子吃，再回家。放學又坐車到旅小接孩子放學，一日六轉，我真係佩服她。她說孩子讀得不錯，旅小校風好丶教學好、老師又有heart、孩子又愉快學習，好值得喎！佢仲辛苦過我，但每次提起學校都好滿意，多謝我好介紹添！
有時跨唔跨區讀書，都要看讀邊間同值不值得讀。我自己只看校風同教學，校舍大小反而不是問題。

conniewktang

iampizzamum 發表於 17-7-20 02:07
希望到時候有機會認識詹校長！

根據hkpapa852資料，今年40網派位最好是荔天，第二已是旅小，稍微高過長協少少，長協第三！
這是旅小老師教得好的成果！

conniewktang

thyhma 發表於 17-7-20 09:07
旅小真係上緊，對比去年派位，唔單止荔天、長協、善導升B2a-B1中學百比率都下跌，外圍學校普遍都有下跌跡 ...

詹校長真係好得！一間學校好唔好，成績升定跌，同有冇一個英明能幹的校長好有关係！我好幸慶兒子入了旅小，各方面，我可以安心好多了！真的好感恩！