培正interview

lutang

回復 otter 的帖子

我覺得培正確實可以做好d，不過我相信真係唔係一朝一夕既事囉，好多呢類傳統學校都有自己一套做法，要改真係唔易，我都希望佢可以改得更好，只可以講，你揀得佢就要妥協，一味投訴都冇用，佢亦唔迫你揀佢，只係太多家長一邊又要保險，一邊又要要求，我相信冇一間學校係完美既，大家都係各取所需啫！咁呢間學校既優勢就係一條龍囉！你揀佢既一條龍，就唔好介意佢其他野喇！

如你所講，考唔到更好小學既培幼生就要留喺培小，有邊個考到更好既唔會走呢？從來都冇人話培正係一間最top既學校，走都好正常啫，個個都想讀拔x喇x啦，但係咪個個都有能力呢？除非你本身讀緊拔x喇x啫，如果唔係我諗你讀緊任何一間學校，如果喇x拔x收你，你都一定走啦，咁又係咪代表你讀緊嗰間學校好差呢？又未必！況且你考唔到亦代表能力唔夠，咁唔留低仲可以點呢？