今日民x面試不吐不快

kkwish

不知所謂，俾我會即刻走去同個校長投訴，揮袖離開，車，咁既學校，「蟻」我都唔俾個小朋友去讀! 我建議你向傳媒報料，等社會知道呢D所謂名校對小朋友幾有「愛心」

kkwish

同意
先申報，自己冇報呢間學校
但好驚訝有家長原來覺得學校拒絕在門外排隊interview的小朋友借廁所係冇問題!
學你話齋，茶餐廳／小店見到咁嘅情況都借啦，何況是一間所謂名幼稚園?! 而且D小朋友不是路過，而是等候interview。
不過佢當然有權唔借，但誓估唔到竟然有作為家長嘅，會覺得冇問題、為學校辯護、什至支持佢的做法。換著係自己小朋友遭拒絕，難道你們也沒有一點不快，沒有一點覺得學校行政太彊化，太不近人情? 難道你們會覺得學校好好?
坦白講，我覺得心寒。

kkwish

哈哈，我都覺得奇怪，一入咗學校就用得廁所，唔通入咗校門呢個行為就唔影響正在面試的小朋友? 入咗學校門D廁所變近咗

kkwish

Oh 有人出來講事實，學校攪咁大型的interview 竟然唔預來訪者有如廁需要，好唔惦

kkwish

我都覺得猛辯護的家長好奇怪，如果自己小朋友在那裡讀書，乜唔係更應該聽聽外人對學校的意見，有心的更可向學校反映，咁學校先知道自己或許忽略了小朋友的需要，加以改善，其實一味為學校講好說話有咩意義?有好處嗎?

kkwish

小朋友排隊時急尿就叫冇做好本份?

kkwish

我就一早講咗，俾我即投訴跟住走，in都唔鬼in, 但我根本冇報名，因為不想小朋友讀呢類style的幼稚園，各方面對我來講都唔吸引。但好同意樓上講，唔係話讀就要認同學校所做的一切，盲目擁護。睇咗咁多post，我代入樓主的身分，想像自己小朋友in了又收了，本來可能不會為學校這次做法而唔要offer, 但而家睇到學校的fans咁盲目服從權威，又好分彼此，一副民幼生好優越的姿態，俾我有其他學校收就唔要offer了

kkwish

極同意，越辯護越反感!

kkwish

原帖由 lamlamkids 於 13-11-20 發表
本帖最後由 lamlamkids 於 13-11-20 19:13 編輯

既然大家既處事態度不同，再談下去，亦没意思。

我諗下下要講咩個人是否做好準備，真係更冇意思，而家就係發生了事情(小朋友急尿）而去檢討學校的做法。你不停話人哋冇準備冇做本分，都未計個小朋友得2歲，就算係大人也有預計不到的情況，如果有人肚 瀉，痾嘔又如何? 唔通就批評人食錯嘢? 你自己膽小唔敢借廁所是一回事，學校借唔借係另一回事，請別混淆。

kkwish

原帖由 sherry_wong 於 13-11-21 發表
年年同一時間，同一新聞，可信性幾高，大家要諗諗

係咩?年年同一時間都有一樣的投訴? 同一時間可理解，因為係面試先會有咁多外人拜訪學校，但同一事件就真係奇，咁一係學校一路都唔知，一係一路都唔改善囉!
根本學校將「訪客如廁的需要」外判左俾公園已有問題，而家你係主辦單位，遠近一件事，你亦可以向家長解釋如用學校廁所比公園遠，讓家長自行選擇，但唔俾人用就係不負責任，喂，咁啱嗰度有個公共廁所啫，冇又點呢? 或者壞了又點呢? 是公園的責任嗎?咁大大大大間名名名名校攪面試日冇預計來訪者要如廁?
同埋，幼稚園的廁所和洗手盆是設計得特別小，方便小朋友，公園的廁所一定冇咁好，亦冇咁乾淨，我諗如果學校開放廁所，多數家長會去學校「遠D」的廁所，咁學校有冇考慮呢點? 一句叫人去對面公園就算，超hea答覆

kkwish

原帖由 naughtybj 於 13-11-21 發表
其實校方都同意有需要時是會外借給面試人仕，為什麼還有人要如此執着！？
難道真是把事情弄到不可收拾:sick ...

哈哈，究竟這事上誰是「沒有能力的幼弱者」，誰「對沒有能力的幼弱者無動於衷」？

kkwish

咪係，佢嘅答覆已經有其他家長答了，既沒些微歉意，也沒有提改善方法，官腔hea答，一聽就知明年一樣! 但佢哋會care嗎? 有心的教育者一定會，冇心嗰D咪唔會囉，反正唔改善都咁好生意，用最小資源達最佳效率，連廁所都費事洗多幾個，咪就係當辦學係一盤生意來攪囉。

kkwish

哈，咁真係要睇下D老細buy 咩啦，呢間出名考學術，咁佢谷到個個細路D中英數lak lak 聲就自然有客，你睇佢嘅fans根本唔覺得學校唔借廁所有問題，仲話返你冇準備，要用尿片等等，同學校口徑一致!

kkwish

原帖由 marie12345 於 13-11-21 發表
兩年前考K1我也出了同一個post同一間學校同一件事，今日見到上新聞，回想那天，同囝囝學校外排，排第一，排 ...

所以我都話，呢間嘢不是做教育，只係做生意，好似佢啲fans話齋，「借就人情，唔借就道理」咋嗎! 你以為佢掛住幼兒教育個名就有高D的道德標準或體恤你多D? 從阿陳主任的回應，一聽就知唔會啦! 以後年年都一定會有家長不憤上來呻，因為小朋友N班或K1之前未必會來睇呢個板，咁佢D fans就話唉，年年同一時間都有同一投訴，質疑人地另有目的，即酸葡萄的陰謀論。你話幾無稽!

kkwish

再講得清楚D，點解話呢間嘢做生意，做生意梗係講開源節流，講效率，講形象。咁佢借廁所俾你又冇$賺，又要搵人招呼教你點去，仲影響interview (即搵客仔），仲有，借咗俾你你又唔會大字標提多謝佢，一D著數都冇更係唔做啦! 佢理得你瀨又好，去公園痾完重頭排過隊又好，閣下自理。咁遊學團又唔同啦，聽起上來幾勁! 開源工具之一，個團本身一定係賺$架啦，我唔信蝕$攪囉! 咁大間學校一定有資源，問題係佢點用啫，另一個post有D家長話唔明D幼稚園點樣commercial , 呢D咪叫commercial 囉，即係冇著數，冇$賺的，做咗冇credit的，盡量唔做，將D資源放在有回報的投資上，例如谷小朋友參加比賽拿好多好多獎show得出來，去咩英美遊學，分分鐘見埋報上兒童雜誌嗰D活動，多多資源都投落去!

kkwish

千奇唔好將佢同傳統貴族學校相比，問下人哋LaSalle , Maryknoll 等會唔會叫個來interview 嘅學生去公廁! 咁都叫得出口咩?

kkwish

喂，你記唔記得之前有D回應，話我哋呢D要求學校借出廁所的先係怪獸家長呀

kkwish

暴發戶! 形容得好生鬼，個陳主任回應傳媒都仲係叫D人去公廁，乜佢唔覺得肉酸嘅咩?