葵涌仁立 和 九龍塘宣道

haloha818

Haha咁啱o既，我都係住葵涌，第一輪揀仁立，而我兩個囡都係讀宣道，我就梗係話宣道好啦啱啱舊年中一派位全級一百六十幾人全部都入英中，而仁立就五十幾%，唔計錢o既話，就一定宣道，不過就算收咗個大，係唔包收埋個細。

haloha818

我住大窩口頭站6點7上車，7點5返到學校，放學就尾站3點半落車，如果放學要上興趣班搭第二輪車就5點半落車。

小一有學小提琴，小二就無學，其實學唔學樂器最直接o既講法係會唔會影響成績，答案係會，計音樂考試分，低年級佔十分（無論喺學校定出面學都計，學琴都計，我就係學琴嗰個喇）高年級佔五分，當然你想入樂團就梗係要學啦，因為入樂團又會多五分。

課程唔深考試深，中文同出面一年班一樣，到一年班下學期課文會用普通話，英文教得快教得淺考得深，無書，用reader同worksheet教，reader就快一年（P.1教level 2, P.2教level 3) worksheet功課唔深要識運用，所以考得深，guided writing 上到P.2出面學校要求寫30字，而宣小要求功課60字，考試就80字，數學快1／4個學期，一年班下學期會教2Ao既書，常識分中、英（即係Science)我覺得最難係sci.每年上學期做常識Project,下學期做Sci. Project搜集資料仲要present當然sci. Present 就梗係用英文啦！至於考試聽聞出年會將考試改為三次，如果終期試主科中、英、數求其一科唔合格或者閒科（常識、Science、普通話、聖聖、音樂、體育、視覺藝術）求其兩科唔合格就要留班。P.S. 我大囡小一嗰年有人因為普通話同音樂唔合格都真係要留班。

至於細佬，學校無話包入，因為唔係津校嘛，其實好多都入，我細囡九月都入宣小，只不過我聽我大囡講佢嗰班個同學o既細佬唔入啫 。

有問題再問吖！（漏咗中文作文小二要寫一百字）

haloha818

係100分裡面佔10分，不過如果跟學校o既導師學樂器又會多5分，即100分裏面佔15分

haloha818

Lamb2003:
全對，你o既譬如就同我o既現實一樣的確比小一少5分

haloha818

囝囝爸：
十分認同你o既講法，音樂科嗰5分不算得係好緊要，喺成績表度只不過佔5／16之嘛

haloha818

ChiChiPaPa:
可唔可以分享吓高年班o既課程同學習情況，謝謝！