沙田區, BAND 1C 學生, 可以選擇邊間呢?

tracy668899

原帖由 ada_pmlo 於 13-10-16 發表
林漢光校風好嗎？

住左沙田好多年，林漢光校風一向都非常好，沙田14間英中真係間間都吾差。
其實自行好多家長都會睇高一線，有d進取d會博2間。但如果係我（我仔今年讀緊中一）我會博一間1B，同一間1C，好老實如果入到1B小朋友都一定係比較後一批，會追得好辛苦但吾博就一定吾甘心，如果入都1C啱level又會讀得輕鬆d。
講個case比你聽，我仔同學仔都係1C，佢自行 曾記同呂明才，曾記冇得in，呂有，但吾入，到大抽獎1曾2呂3蘇浙4林裘謀5至8係4間1C，到9係聖若瑟。最後入到聖若瑟，去扣門好老實吾係top既真係0機會，之後而家讀緊聖，但一d都吾輕鬆，谷到爆，日日十幾樣功課又要黙書測驗，要朝早5：30起身溫習，慘到爆。
不過人地話點好點好，希望你自己都親自去了解學校，因為好多學校都要學生參加興趣班，例如培英英文話劇好好，又或者有d劍 擊，舞蹈等等，如果可以有啱你小朋友佢一定會更加鍾意學校同讀得更開心。
吾介意我想再講多小小意見，而家讀書真係好辛苦，小朋友日日要甘辛苦如果返學都令佢討厭就弊啦，吾係話入到邊間勁就好叻，最緊要係量力而為，希望你小朋友能夠入到啱佢既學校，加油!