有無中文補習是這樣..

alice44

我都係請上門補中文, 由小五下學期開始補, 上堂只會做一至兩篇閱讀理解, 老師會keep佢時間, 另家課會作文一篇+所有語文知識來輪流咁做(包括標點符號, 重組句子, 語文運用等等), 堂上做完閱讀理解後解番比佢聽之後就會對作文(學生做閱讀理解時, 老師就會改作文), 每堂一個鐘, 價錢都係幾十蚊, 阿仔遇到個好老師, 補了之後, 真係睇住個仔進步, 仲係好大進步忝呀!
樓主的要求應該補習社做唔到, 因為咁多人, 解得邊個吖! 最好都係單對單或者一對二嗰d, 你可以問下補習社有無做單對單或者揾上門補嗰d單對單應該會好d, 又可以要求佢點教, 或者有d咩弱項就針對式去補.

alice44

原帖由 TKO2040 於 11-9-2 10:25 發表
alice44

請問老師是大專生嗎? 小5應該是@80/時嗎? 一個半小時補完嗎? 閱讀理解,標點符號, 重組句子, 語文運用是老師自己PRINT制, OR由家長提供出面補充練習樂C, 長河. 1小時收幾十蚊, 如只補一小時, 老師會上門補嗎 ...

1) 老師係大學生(樹仁), 今年剛畢業, 轉了去補習社做補習老師. 我唔會理佢係邊間大學, 最重要係佢中文科高考係攞"A", 所以我揀咗佢. 阿仔好好彩遇到呢個老師, 佢好有責任心, 我完全無要求老師教乜, 只會話比佢知阿仔的弱項, 佢會針對式補, 佢亦有自己一套方法, 我唔需要為要阿仔做乜做乜而費心.
2)小五嗰時, 即是2010年4月開始補, 嗰時收HK$70/一個鐘.  小六開始就HK$80, 一星期一個鐘, 我問老師需唔需要個半鐘, 佢話唔好, 因為小朋友細會眼瞓, 後嗰半個鐘會浪費咗. 所以只補一個鐘.
3)練習係自己買, 不過老師會比意見我買那一種, 我係買樂C(語文方面的+閱讀理解) & 朗X(只買閱讀理解). 作文題材由老師自己出題目.

alice44

仲有呀! 我一直以為重組句子和標點符號係用自己判斷力去做, 唔係請咗呢個補習老師都唔知道原來係有方法去做o家! 佢教了阿仔之後, 語文知識就可以攞到9x分, 因為多數失分都係呢兩部份, 我相信大多小朋友都係咁. 有一次重組句子出深咗, 老師話如果3題都答對嗰個就好叻架啦! 居然阿仔做啱晒.
其實唔一定要介紹我嗰個補習老師比你們, 我相信有好多有hard嘅補習老師, 試下向d家長打聽下, d老師會近你地多d, 肯幫你地補的機會會大d, 可能會攞到個啱嘅老師呢!
阿仔個老師已經正式返工, 阿仔和老師d時間都已經好難就, 因為佢補得好, 所以就下佢我都無所謂, 但再補新的學生, 我估佢唔得閑.

[ 本帖最後由 alice44 於 11-9-2 12:10 編輯 ]

alice44

YUNGLING & external:
Sorry! 阿仔個老師已經正式返工, 依家阿仔和老師d時間都已經好難就, 因為佢補得好, 所以就下佢我都無所謂, 但再補新的學生, 我估佢唔得閑.