不知所為的聖馬加利

G-Ma

我都覺得應該即刻同學校反映, 始終得一個小朋友乘電梯係好唔安全, 學校應該要注意.

相信學校都係expect小朋友答 "god"已經ok, 我諗係考小朋友反應同轉數je.  我囡囡果年老師比張"仙人掌"圖, 佢都唔識仙人掌點講, 結果佢答"plant", 老師都話good.

G-Ma

每年到收生階段總係有好多惡意批評

G-Ma

citipeggy,

我所講既"惡意批評"並唔係話你講既事件, 睇完你既敘述我都認為學校係有疏忽, 唔應該比小朋友一個人坐電梯.  其實學校原意係唔想小朋友行7層樓梯先比佢地坐電梯, 但安排失當先會有咁既情況出現.  不過我相信每間學校都會有不完善既地方, 重要係學校面對錯誤既態度, smc比我地家長既感覺係好注重家長既意見, 我地提出有問題既地方, 學校真係有認真對待及改善, 所以我相信只要你當時即場有同佢地反映, 下次應該唔會再發生.

我之所以話"惡意批評"係指好多人只抽取視學報告某些較差既部份出嚟講, 但好既地方就唔會提, 其實呢份報告都係兩年前既事, 學校係新辦, 得幾年歷史, 要改進既地方當然一定會有, 呢份報告指出既內容, 例如中文及數學要加強, 其實我地家長呢兩年已經好明顯睇到學校係呢方面有下功夫.  至於話校長, 佢本身要兼顧中小學, 當然係會忙D, 但小學部本身有副校長, 基本上日日都可以見到佢係學校, 全心全意為小學部效力, 我相信好多家長都會感受到佢既熱誠同衝勁.

作為SMC家長, 我唔會認為SMC係一間超級無敵又完美既學校, 有人既地方總會有出錯既機會, 但我會重視學校對處理錯誤事件既態度.

原帖由 citipeggy 於 09-10-29 09:46 發表
G-ma, 你所為的"惡意批評"，我唸你係唔係接受唔到現實囉！ 我唔會咁無"liu"用大半個鍾作咁大段文章係度同大家分享係為咗講大話囉！ 有成幾十個家長都見到，幾十對眼做証！

至於點解我唔同學校 ...

[ 本帖最後由 G-Ma 於 09-10-29 10:48 編輯 ]

G-Ma

Hi spiderlily,

係呀, 呢兩年功課真係多左, 壓力都大左d, 不過坦白講相比其他官津smc仍然叫做唔算多功課.  學校想完全愉快教學都無辦法, 始終外間會介懷個視學報告, 如果學校唔加強, 人地又會覺得你有不足, 所以人在江湖, 唔多唔少都要入鄉隨俗.  

原帖由 spiderlily 於 09-10-29 11:03 發表
G-Ma,

Absolutely correct.  When I compare the P2 this year Vs P2 last year, obviously, the course is more demanding with more projects.

The another thing we really appreciate is that the school woul ...

G-Ma

其實每年都有過千既應考者, 要小心細閱資料, 分析, 挑選, 過程真係需要花好多時間.  而且smc只收80多位學生, 位真係比較少, 所以競爭比較大.

原帖由 Sim 於 09-10-29 15:35 發表
Hi,

Mind me to say a word. SMC is not the only school that didn't send out interview result after 1 month from the 1st Interview lah! I haven't received any letter from my 1st interview school since ...

G-Ma

hi mimi-ma,

唔好咁講, 我好記得幾年前係你好細心解答左我好多問題, 我先夠膽比囡囡入讀smc, 係呢幾年我囡囡有一個好開心又學到野既校園生活, 睇到佢健康快樂咁成長, 都係多得你既熱心及不嫌其煩, 令我覺得smc好似一個大家庭咁.  我只係出左小小力, 見到初小既家長都咁熱心, 我相信你呢個美德一定可以傳承落去.

學校仲新, 好多家長唔認識, 道聽途說好多誤解,亦有d有心人會用smc過往歷史大造文章, 好多時睇左真係覺得好好笑, 都n年前既事, 仲提嚟做咩.  所以唯有我地現任家長多d發表一下意見, 等大家了解下真實既學校情況, 總好過聽人亂講.

原帖由 Mimi_Ma 於 09-10-29 17:14 發表


G-Ma :


你真係好熱心,  比著我就唔得,  學校收生人數少,  靠自己校內家長口碑都唔夠位.  所以係BK的抨擊有時我都唔願解釋.  而且這時是面試時期,  家長帶著小朋友周圍面試,一定會心煩氣燥, (版主都帶著小朋友考 ...

G-Ma

你真係一位好中肯既家長.

原帖由 IOUbabe 於 09-10-29 17:31 發表
我不是SMC的fans,只是議事論事．　

首先，比個５歲人仔在一個陌生地方自己搭lift又真係唔好．

不過，我覺得樓主本身並不喜歡這所學校，反而係對學校有些偏見（純個人猜測）　

事件本身有問題的是”帶位”的人，　而我相信那人一定不 ...

G-Ma

其實學校位少, 競爭大係必然, 而且學校唔一定係揀最smart既學生(收左佢地最終都未必讀), 佢地都係想搵d最適合學校理念既學生而已(perfect match), 所以無取錄既學生唔一定係佢地表現或者能力差, 只係大家少左d緣份lor.

原帖由 shiuchen 於 09-10-29 16:15 發表
我不可以comment SMC是好還是不好,因為我根本不是家長.她不考慮我的孩子,不等於不好.也不等於我的孩子差,就是不MATCH.
但,真心覺得SMC的家長都很好,很樂於分享,這不是間間學校都有的.
...

G-Ma

視學報告係中肯, 不過係應該全面咁睇, 唔係斷章取義淨係睇幾點閣下認為有問題既地方, 當中亦有好多讚揚SMC及學生既部份.

原帖由 hohoho2003 於 09-10-29 20:42 發表
惡意批評就是批視學報告嗎？教育局視學組是一隊人到達，不是單人匹馬，石而且是分幾次進行，非常專業不存在針對，學術水平問題這點大家更加楚！幾拾年學校經驗都不夠用嗎？報紙、天書廣告平嗎？政府視學平心而論中肯非常。 ...

G-Ma

如果係我地SMC家長咁講可能插得仲甘.

希望樓主明白只係個別事件, 唔洗咁勞氣, 學校係有疏忽, 呢點大家都無話唔係, 只不過唔會因為呢件事就判學校死罪JE.

至於交表係OFFICE HOUR及家長要請假INTERVIEW, 好多學校都係咁架啦, 考得私校同直資大家都預左係要花時間.  學校附近有兩個地鐵, 係要行一段路, 但都未至於無交通工具到, 不過個個家長INTERVIEW前都唔想小朋友事前太操勞, 大多都係揀坐TAXI, 純粹個人意願, 我諗呢D唔應該怪埋學校掛.

原帖由 IOUbabe 於 09-10-30 00:33 發表
一位中肯但比人插得好甘的家長.....哈哈.......無人再敢講野啦!

[ 本帖最後由 G-Ma 於 09-10-30 01:16 編輯 ]

G-Ma

我都同意最好親身去多學校幾次觀察清楚, 親自同家長或學生了解一下係最好.  始終每位家長要求不同, 每間學校亦有不同風格, 有d人可能覺得free 既學校好, 有d人可能鐘意要嚴謹既, 無話邊種係最好, 最緊要適合自己小朋友.

我自己作為smc家長, 我囡囡當年 interview 學校從來無問過佢屋企有無車.  至於話利主席既presentation, 呢份稿佢年年都係咁讀, 我去果年都上左成個鐘英文課, 但我buy佢地係英文方面真係下左好多功夫.  我囡囡呢幾年係學校build up到既英文底子係令我好驚訝, 原來佢不知不覺間學左咁多英文字 (佢地英文功課一d都唔多, 大部份都係堂上做), 學校生活又愉快, 亦有機會參與不同活動同比賽.

祝大家可以入到自己心儀既小學!

G-Ma

其實每年呢個時間都係咁, 特別多新加入既國民, 特別多批評, 往往仲要係因為一D小事, 如果SMC真係差得咁交闗, 現時既家長仲唔轉校咩, 仲肯每個月比學費讀.

G-Ma

沒錯, 我們的小朋友要在這裡念12年的書, 當初我也是很小心選擇.  入了smc後我好開心係囡囡既同學品性都好好, 佢識到一班好朋友, 我相信佢地會係佢一生既好朋友啦!  而我地家長亦相處得好融洽.  仲有係很好感激學校既安排, 令到小女有好多不同發揮的機會, 特別是上一學期那個45周年的英文話劇表演(亞拉丁), 有幸囡囡可以參與, 中小學的同學一起排練了好多個月, 當晚的表演真係令我好感動, 我從來無諗過普通學校既話劇係會咁認真, 無論劇本, 配樂, 燈光, 服裝, 音響, 招呼賓客, 場刊......等等都睇得出佢地真係落左好多好多心機, 而中學既學生亦好照顧小學既學生, 係facebook見到佢地既照片真係好開心打成一遍好似大家庭咁.  我囡囡都係獨女, smc可以比到佢同大哥哥大姐姐一齊成長既經歷.

原帖由 Lynn 於 10-10-22 10:58 發表
我的女也正就讀SMC,也是我們比較過後的決定,我覺得還不錯! 可能也可以說自己讚自己花香!

當初的決定也包括了對其他家長的反應,在BK 或是我曾去校外看過,和我家校車等車的媽媽和工人姐姐談過,當然有些抱怨一些學校行 ...