點解個個都爭名校,有冇了解間學校適合自己的小朋友嗎?

G-Ma

傳統家長都係以名牌效應掛帥, 最緊要考到間名校就覺得一了百了, 踏上青雲路.  我自己就覺得小朋友適唔適合該校先係最重要因素, 世界無一條一定成功既公式, 入到名校亦唔係個個都平步青雲, 最緊要量力而為.

不過係bk我都見到好多媽咪都有同我一樣想法, 始終大家都係想小朋友好.

G-Ma

其實選學校就真係靠家長多d去學校參觀, 返學放學時間同該校家長, 學生傾多d, 大致上都會有多d資料去考慮.  真係要花時間花心機先得.  當然bk都係一個渠道, 但要自己分辨邊d資料係正確.

至於小朋友既能力, 我相信睇佢係幼稚園既學習情況, 都會對佢性格有概括了解, 例如佢係咪專心, 做事係咪認真果種, 定係活潑好動, 坐唔定, 古靈精怪果種.  再帶佢去考多幾間私校同直資, 係考既過程就會更清楚知道小朋友既能力, 例如佢會唔會怕羞, 表達能力, 應便能力如何等等.  

始終父母係最清楚小朋友既能力, 選擇適合佢既小學都係要靠父母幫佢搵.

[ 本帖最後由 G-Ma 於 08-9-10 15:24 編輯 ]

G-Ma

小甜甜都係用a貨咋, 但邊有人敢話佢係用a貨.  所以只要個人有能力, 你用咩袋都一樣咁好招呼.

原帖由 rohoy2k 於 08-9-10 15:12 發表
師奶甲: 點解人人都要買個LB袋?有無諗清楚係唔係適合自己?
師奶乙: 有能力就買個試試,唔試過又點知唔啱?
師奶甲: 你付出咁多去試, 唔啱時賣二手又要蝕入肉.......
師奶乙: 咁多人買, 有買貴, 無買錯嘅....
師奶甲:  ...

[ 本帖最後由 G-Ma 於 08-9-10 15:38 編輯 ]

G-Ma

唔係吓嘛, 法國買唔啱東南亞用, 咁都講得出, 我幾年前係法國買既lb仲好ok哦, 果邊溫差咁大, 質料應該仲要好d啦.

原帖由 catcatmom 於 08-9-10 15:44 發表
我老公之前, 買大笨象時 $140, 都講過"有買貴, 無買錯"!哈!哈!

其實有好多食力股, 值得去投資, 唔一定要買大藍丑.

講起Lb 就火都離埋! 用四次就爛.平衡用一次千幾蚊.  
半島個sale仲講: 你係法 ...

G-Ma

好同意leschelems歸納出呢幾點, 名校有一定好處大家都認同, 但係一定要量力而為, 了解小朋友既能力, 了解自己可以付出既時間, 盡可能搵一間大家都可以適應到既學校先係最重要.  每個小朋友資質,個性唔同, 家庭背景唔同, 所以好多別人口中頂瓜瓜既名校, 唔一定適合所有小朋友, 盲目跟從可能只會令大人同小朋友辛苦.

要入一間好既大學(名牌大學)係重要, 但就唔一定要係名小學或名中學出嚟先一定入到既, 條條大路通羅馬, 唔係只得一條路.  

原帖由 leschelems 於 08-9-11 07:41 發表
我認為 patpat234 為子女找學校的看法很有參考價值。

第一，由家庭經濟出發，既然經濟不許可，無謂找私立／直資學校。

第二，由子女的能力和學習進度出發，先了解子女的程度，免得入到學校「執底」而影響自信心。

第三，對學校的 ...

G-Ma

明白明白, 個個後生都有呢個心態, 宜家有咗小朋友, 所有野都以佢為重啦!!

原帖由 catcatmom 於 08-9-11 12:15 發表
G-Ma

N年前有款LB, Linning 係pvc, 顏色係Ivory,甘我間唔中用, 因好大隻, 買後覺得唔多好用. 但用親呢個手袋,當年 我有個channel永不磨損型粉合(價值千多元),放埋係LB手袋後, 都癡左d, 好似粉既野!
o甘我望吓Linni ...

G-Ma

其實宜家好多直資學校都用英文開周會, 早會, 甚至家長會(因為家長有外藉人士), 不過我都幾好奇傳統名校有邊間用英文開家長會?

G-Ma

catcatmom,

我個囡果間邊係名校呀, 同d親戚朋友講親都唔係好多人識, 名咩鬼呀.  男女拔, 喇小, st paul co, 港島St. Joseph's, 紅磚仔呢d先係傳統名校嘛.

原帖由 catcatmom 於 08-9-16 11:02 發表
G-Ma

名校邊度有分"傳統名校"與"非傳統名校"? 係bk所謂名校來來去去都係 : 男女拔, 喇小, st paul co, 港島St. Joseph's, 紅磚仔同佢果間姊妹學校等......... 我都有朋友讀以上其中小學, 但無聽過用全英開家長會.（我 ...