靈糧堂升小

poodlema

回覆 babypig2017 的帖子

識得幾個叩唔到門, 派得差, 考唔到學校, 播道都收咗, 校長同播道關係好好, 畢業禮由播道校長頒畢業證書, 睇你接唔接受這間小學。

poodlema

我認唔住分享, 我人生最啱O既決定之一是比小朋友讀靈糧, 不過你要預學術要自己出面補底, 因為學校重要不是著重學術的, 而你係CHART度見到派得好, 其實係因為好多都是名校舊生, 夠分收了, 很多舊生自己小時都是讀靈糧, 又比返自己小朋友讀返靈糧, 不斷循環。
真心講叩門, 考小學, 靈糧學生是比較洩底的, 因為多數小學都是現實, 會睇學術先; 另外學校都鐘意收較成熟學生, 靈糧學生是比較天真活潑的，不過好乖。講叩門, 校長同播道好熟, 我見幾個派得差O既最後去播道都收了。
同埋最重要一樣野, 你要接受小朋友K2, K3是學緊英文大小階, 你會好驚點解遲咁多? 功課又無乜? 到小一、小二時老本可能唔夠其他幼稚園多, 會考得麻麻, 不過係老師聽返, 多數係小三、小四開始當大家見真章時, 靈糧學生就會追上返晒嚟, 有D返來同老師講佢地考第一, 當然亦親身見有D本身是叻O既, 一上小學就讀得好好啦。INTERVIEW時, 靈糧學生乜野最叻? 靈糧學生最叻係舉手, 識唔識佢地都會舉手, 因為佢地有自信...
讀得靈糧, 要家校合作, 家長要陪小朋友睇多D書, 從中學習, 如果唔得閒, 都要外補, 才能涵接小一，其實讀靈糧，谷是家長自己谷，所以家長要接受哩點。

poodlema

剛小一家長日，現實用家開心share:

小朋友讀靈糧，回想開學啲小學家長一聽到就一句：happy school...
剛開學，係秩序上要train,小朋友不知什麼是秩序，亦因幼稚園老師好關愛，唔明為什麼要有訓導老師⋯
到上學期考試，因幼稚園無乜功課，亦無考試測試，所以寫字做功課幾慢，且盲字也不懂個，其他同學都有老本食⋯
到出分，其他人8、9十，當然亦有啲同學更差啦，小朋友連閱讀理解，comprehension都覺乏力，有7、8十分到，當時是班上中游我們已欣慰⋯
到下學期，我發覺小朋友已適應了，像脫胎換骨一樣，當時發覺原來讀happy school與普通幼稚園、大細仔已無分別！

poodlema

Continue.....
老師亦比了很多職務做，小朋友仲考得算ok,升上上游位置，排名就在叩門生之後⋯幾個一齊上的幼稚園同學都拎到進步獎，很感恩！
到哩刻，小朋友仲很掛念幼稚園，成日話想返去做小老師～再揀都會揀靈糧⋯
利申在名津讀，just happy sharings, please don’t pm!