DSE sba 係咪好大影響? 求意見

熙媽媽

YeeYee01016 發表於 17-1-28 14:04
謝謝大家

咁點解話中英文sba 計入卷三影響冇咁大呢？

其實計入邊卷顯示出黎，抑或獨立顯示出黎並非重點。

以你同youtube講者舉中文為例，請先睇睇評核大綱。2013搵唔到啦！不過2015卷三及卷五仲未合併，分數比例同2013一樣，可作參考：
http://www.hkeaa.edu.hk/DocLibrary/HKDSE/Subject_Information/chi_lang/2015hkdse-c-clang-rev.pdf

youtube講者比較卷五分同卷六分，達致結論就係卷六好緊要，大前提我同意佢提學生要努力，不過個推論過程有少少問題。

1.如果睇睇2013年「評核大綱」，卷五(綜合)佔16%，而卷六(SBA)佔20%。卷六weighted paper mark多過卷五，並非如youtube講者比直接比較56及74可見，畢竟2卷佔分先天已不同。另各科都有自己「評核大綱」，一早寫晒SBA佔分幾多，有興趣可以上HKEAA睇睇，並唔需要自己估估下。(http://www.hkeaa.edu.hk/tc/hkdse/assessment/subject_information/)

2.有時間亦可以上小卒睇睇，你會發現一D有趣嘅現象：
(1)HKEAA會調整考生SBA個分，就好似你段youtube，個個考生由76比HKEAA調到74，減左2分。點調法又唔係咩秘密，HKEAA網都有http://www.hkeaa.edu.hk/tc/sba/introduction/，不過要花時間睇，但係應該唔存在band1因此調高嘅問題。事實上，如果話根banding調，第一屆dse就唔會有咁多名校生中文3唔到，而中文亦唔會比人稱為「死亡之卷」啦！我望過小卒考生嘅分紙，有人比HKEAA調低10分，有人被調高9分。至於點解咁調，HKEAA亦有小冊子說明，之前genpub亦有提到http://www.hkeaa.edu.hk/DocLibrary/SBA/HKDSE/HKDSE-SBA-ModerationBooklet_r.pdf
(2)自修生SBA個位HKEAA都會比個分佢，有時間可以比較下，好有趣。

3.同意中文SBA個分獨立睇好似高過其他卷個weighted paper mark，不過我只想問：當全部考生SBA平均分都有約60，大家都水漲船高，呢份卷個分雖然值得重視，但真係未去到咁神話嘅地步。總之，無論SBA定各卷，都要努力啦！

熙媽媽

YeeYee01016 發表於 17-1-27 12:45


1. 請問sba 是否對dse 整體成績影響很大

阿仔中四，我都睇多左SBA嘅野，個人覺得唔好HEA，但除左SBA佔分多嘅科目(如VA，佔50%，http://www.hkeaa.edu.hk/DocLibrary/HKDSE/Subject_Information/va/2019hkdse-c-va.pdf)，其他科目SBA對整體成績未致影響「好」大。
不過都要努力，唔好HEA。

熙媽媽

lm251099 發表於 17-1-29 15:40
本帖最後由 lm251099 於 17-1-29 15:42 編輯

個人認為在cutoff 位時。有一個級別幫助吾奇。 ...

完全同意

熙媽媽

YeeYee01016 發表於 17-1-27 12:45
3.　sba 大家距離2, 3分是否即是dse 已距離1 個grade?

HAHA，如果去到cut off，唔使2-3分，1分已影響一個GRADE。

事實上，如果去到CUT OFF，邊張卷多1分，都已有以上效果。

熙媽媽

YeeYee01016 發表於 17-1-27 12:45
近來好煩
因為聽聞學校sba 是用來拉低個dse 整體成績

YeeYee01016 ，如果想知多D SBA D 野，可以上HKEAA睇，http://www.hkeaa.edu.hk/tc/sba/。
不過，小朋友大晒囉，應該由佢地緊張，我都係自己睇睇明白就算，都無同佢講我睇左D咩。

BTW , happy new year

熙媽媽

ALAL 發表於 17-1-31 15:44
一線中学sba會高分D，我聽過，無奈。好多学生都|是考試吾叻做project叻 ...

調分機制係用「公開試成績」調SBA成績，應該唔會純粹因為BAND 1 ，所以SBA分高。
應該係BAND 1學生係公開試有一定表現，可能平均成績高於全港水平，以致SBA分就會高於全港水平。

BTW, 上面「機制」本書都講左，係用全間學校「公開試成績」調SBA分，所以係學校SBA條隊個排位都重要，都唔好HEA做。
個人覺得，唔好HEA做SBA，但亦唔應該花太多時間做，畢竟除VA外，SBA只係佔成個公開試成績15-20%，仲有80-85%要努力。

熙媽媽

YeeYee01016 發表於 17-1-30 15:07
我唔知我有冇get 錯： 即係sba 係可以影響dse 1 個grade
是嗎？

如果小朋友已經好緊張，就唔好再同佢咁講啦！

「我唔知我有冇get 錯： 即係sba 係可以影響dse 1 個grade，是嗎？」太簡化左個問題，對小朋友無好處，仲有少少愚民。

其實我覺得GENPUB解釋得好好，你試下想想呀！

或者咁講，假設學校合格分為50，而某科考分由5份卷組成，
考生A計完weighted paper mark，
10(卷一)+10(卷二)+10(卷三)+10(卷四)+9(卷五)=49
差1分先合格(用你說法「影響 1 個grade」)，你覺得邊份卷多1分weighted paper mark就可以發揮到呢個作用？

答案係各份卷都得。就正如係DSE度，如果個考生成績近CUTOFF，邊份卷多1分都會影響個GRADE。

但係考生B計完weighted paper mark，
9(卷一)+9(卷二)+9(卷三)+9(卷四)+9(卷五)=45
如果比呢個考生某一卷多左2-3分將有咩效果？由於CUTOFF係50，比多3分呢個考生佢都係得48，無助於提升一個GRADE。

如果小朋友已經好緊張，佢應該自己了解一下。而我則反而覺得唔應該將SBA講到咁神化，唔好HEA做，亦唔好犧牲其他卷/科目嘅時間去做。

熙媽媽

YeeYee01016 發表於 17-1-30 15:07
多謝大家既意見
我家細佬就係好緊張
我又唔識

仔仔中四啦，或者可以叫仔仔了解一下"cutoff"。

中文上年總分約499，上年拎275-300分都係level 4。
如果你只得275，比多24分你，你都升唔到1個GRADE。(不過無嗱嗱點會有張卷可以拎多25分，等你高1個GRADE，SBA都無可能。)
不過如果你已經有300分，比多1分你，你就LEVEL 5 啦！


所以問題重點在於你係CUTOFF邊個位，多於係SBA係咪多2-3分。

熙媽媽

ALAL 發表於 17-2-1 11:14
請問自修生的SBA怎樣計算?

HAHA，我只係普通媽媽，HKEAA咁深嘅數真係唔識計。
我只係係小卒度睇到自修生分紙，SBA個位HKEAA都會有個分比佢，你有興趣可以上小卒睇睇。


以上年為例，係小卒有4張中文科自修生分紙：
考生A：249(卷一至四得分)+77(卷五：HKEAA比個SBA分個考生)=326(5*)
考生B：215(卷一至四得分)+68(卷五：HKEAA比個SBA分個考生)=283(4等)
考生C：212(卷一至四得分)+67(卷五：HKEAA比個SBA分個考生)=279(4等)
考生D：205(卷一至四得分)+66(卷五：HKEAA比個SBA分個考生)=271(3等)

唔識點計，不過睇到卷一至四得分愈高，HKEAA比個SBA分就愈高。
而SBA個分亦有唔同比例：
考生A：77/249=0.309
考生B：68/215=0.316
考生C：67/212=0.316
考生D：66/205=0.322
呢個令我想起中學時老師教嘅stdev，幾有趣。
如果有心機睇多幾年，你會發現每年比個分都有少少唔同，我估應該同整體考生SBA分有關。

熙媽媽

LingChiBaBa 發表於 17-2-1 21:47
回覆 熙媽媽 的帖子

THX

都明白自修生係唔需要做SBA，只好奇HKEAA點用全科成績計出黎。

熙媽媽

ALAL 發表於 17-2-3 13:27
想問下有可能重讀中六;,轉校讀, 那SBA 點計?謝謝

重讀生及轉校生的評核要求

學校重讀生是指以往曾經參加香港中學文憑考試，且於本學年入讀學校中六年級，並以學校考生身分重新應考的學生。一般來說，所有學校重讀生必須參加校本評核。在核心科目，他們在重讀中六時須重新接受評核，並完成相關的校本評核要求。他們以往在公開考試所取得的校本評核成績不會被計算。

轉校生是指從另一所學校完成中五課程後轉至現時的學校修讀中六課程，且屬首次應考香港中學文憑考試的學生。轉校生只須提交中六學年校本評核分數，他們在之前一所學校所取得的中五學年校本評核成績不會被計算。轉校生須向現時就讀的學校提供在前一所學校修讀中五學年中國語文科的資料，包括已完成的有關評核，供教師參考。

http://www.hkeaa.edu.hk/DocLibrary/SBA/HKDSE/SBAhandbook-2019-CHI.pdf
第8頁