聖嘉勒, 高主教和聖心

tungmom

聖心不是英小，但私立部教深一級英文，小三多一科英文教的科學。聖嘉勒是英小，好似有法文學。兩間分別有直屬和一條龍中學，但中學ranking就以SHC好些，不過上中學的競爭比聖嘉勒大。

原帖由 coolchoir 於 11-10-19 18:22 發表
請指教, which one will you choose? 想知道多些, in case到時收咗,想只hold一間, 等自行津小result or knock door.
三間都係英小, 都是傳统學校, 邊間比較free呢, 大家鐘意邊間多D呢?點解?
謝謝! ...

tungmom

我係聖心私小嘅家長，聖心的確較適合自律和專注力強的小朋友，因大多份老師都很著重上堂時的紀律，而且每堂成50分鐘，比起其他小學課堂時間長些。課程亦教得幾快，數學教快三分一學期，英文又讀深一年，所以能力高專注力好的小朋友自然佔優。不過在我做家長義工時接觸到的小朋友，大多聰明活潑。佢地英文堂係用活動教學，不完全跟書本教，數學堂亦有分組活動。至於測考，私小幾年前轉左以進展性評估代替測驗，每科都有兩至三次進評，時間係密但每次就測三至四課，到考試時就冇咁辛苦。主科嘅聽、講亦有進評。進評佔四成，考試佔六成，上下學期分開計算。

聖心係幾重視成績，但我覺得佢地有人情味，十分重視德育。我覺得係因為半日同校舍要同下午校共用，所以令佢地嘅課外活動發展受到限制，令人覺得佢地只重讀書。而且由於直屬中學係band 1A，所以小學課程亦不能太淺方便銜接。去年私小有七成入番中學，有10幾個入左女拔、英華、St Paul Co-edu等。

開唔開心要睇小朋友性格同適應力，我囡囡成績不俗有諗過好冇幫佢轉另一間名女津校讀小二，可以慳番D學費，但佢一聽就堅持唔肯轉，話讀得好開心，當然佢有時都會嗌辛苦。

其實學校網頁內有校務報告，詳列學校自評的優點和缺點，你可以參考下，不要盡信‘印象’和‘聽聞’。

[ 本帖最後由 tungmom 於 11-10-26 11:04 編輯 ]