Join 時下的幼稚園面試班有用嗎?

tongl

Hello, 我囡囡本身係細女, 所以舊年我都好心急想讀面試班.  我建議唔需要上, 因為我個班個個都大B, 所以playgroup老師問問題時, 多數都有問有答, 但我囡囡無乜反應之如, 仲唔肯坐定定, 周圍走, 所以令我非常擔心/心急, 由上堂個moment驚到面試呀, 亦唔覺得有得著.  其實考KG, 來來去去都係問家長幾個問題1) 平時邊個照顧小朋友 2)你每日用幾多時間陪佢, 做D乜 3)放假時, 多數帶小孩去邊 4)點解會讓小朋友讀我地間學校 5)你對佢有乜期望.   而問小朋友的問題1)你叫咩名 2)佢係你邊個(老師指著我) 3)邊個帶你嚟.  而考小朋友 1)疊積木 2)辦別顏色 3)問你圖畫裡的人在做什麼...
現在的KG無監管, 收生好睇老師鍾唔鐘意你, 上面試班最有得著的一樣野, 就係...有一次找了一個在識KG老師, 佢問我地D媽媽問題, 咁Q問我"如果面試完畢, 老師問你有乜想問, 你會點答"  我就話"我個囡OK嗎, 有無機會呀"  怎料, 老師話我大錯特錯, 因為佢地一日見成百個小朋友, 真係好難講, 仲會覺得我好煩添, 老師話佢地會心諗, 收咗你先問啦!!! the correct answer"無啦, 唔該晒老師", 老師話咁會加少少分, 因為知道呢個家長唔煩羅...
以上只是個人睇法

[ 本帖最後由 tongl 於 10-8-26 01:41 編輯 ]