全軍覆沒的家長互勉區

giannapoon

樓主嘅遭遇，本人感同身受！不過我有啲嘢唔係好認同。樓主無疑係一個好爸爸，但我覺得因為個女考唔到小學而痛哭又真係。。。！聽樓主自己講已經係某大公司嘅高層了，應該見慣世面，明白到有好多事唔係必然嘅，又或者可能樓主一向一帆風順未遇過風浪?我識有好多朋友兩夫婦都係在誇國大公司身居要位，投放係個寳貝仔女嘅資源亦唔會少，琴棋書畫游水跳舞樣樣皆能，私人補習中英數常識，公開試公開獎都攞唔少，信心爆燈，以為咁樣要入名校就一定無問題，sure win, 結果同樓主一樣，全部考唔到。我唔知樓主報乜學校，但我知有好多家長只係報一線名校，認為自己家庭背景同小朋友實力，非一線莫屬，其實咁好斃，報小學都要有策略。一線名校要報但唔好寄厚望，二，三線嘅學校都要報，要分散投資。係香港神級一線名校眼中，樓主呢類家庭背景只屬普通中產，小朋友嘅實力只屬基本，除非小朋友IQ高達130否則全部只係屬正常級別。而且神級名校收生標準已經唔係小朋友叻就得，佢哋會考慮好多嘢，父母揾幾多，專業人士佢哋唔多稀旱，屋企盤生意賺幾多先係佢哋想睇嘅，另類佢哋無耐要收嘅係，得罪講句，平民階層！所以，樓主係呢個時候就痛哭，幾時哭到你個女大學畢業?堅強啲啦香港人！我明每個小朋友都係父母心目中嘅掌上明珠，但入唔到私小或直資唔等如個寶貝無晒前途，做家長咁易放棄咁易被打沉，咁點教出一個抗疫能力高，生存能強嘅小朋友？係香港淨係讀書叻唔夠架，EQ高都好重要！好多津校都好好，到出年大抽獎後扣門都唔成功先再另謀出路啦！我信個天自有安排，放鬆啲啦!

giannapoon

giannapoon

giannapoon

哈哈，我年年都係咁同身邊想幫仔女考神級名校嘅朋友講人哋嘅遊戲規則，佢哋第一時間嘅反應同你一樣：你亂噏，你唔掋得人啫！我無話神級名校唔收普通家庭背景嘅小朋友，而係人哋個遊戲規則係可以講係好唔公平。不過你當我發噏瘋啦，哈哈！

giannapoon

原帖由 momama 於 12-10-27 發表
其實你係咪講緊我？？？因為睇返轉頭可能有誤會。阿女係考咗SFA，自行放榜後幾日SFA先出信，並唔係走後門入 ...

我點會係寫緊你呢?我都唔識你！請不要太敏感，係呢個平台我只係新仔，如果唔係個女出年讀小一，我都好少可入嚟chat，事關全職媽媽忙到飛起。我只係想將我所知又可以係度同大家分享嘅同大家交流下，如果覺得唔啱聽大可當我發噏瘋㗎，我諗我都係

giannapoon

原帖由 momama 於 12-10-27 發表
原來又係一場誤會！我最近曰日上，因為下年細女考小一，都冇時間理佢……



  ...

放鬆啲啦!咁樣好易神經衰弱！咁樣安慰人好似好行貨咁，但呢個係事實，唔到你緊張！你可以做嘅適量哋train up你嘅小朋友，唔使琴棋書畫游水打波樣樣精，但開始時真係要樣樣比佢試下，因為你唔知小朋友天份係邊，揾到樣啱小朋友性格而佢又想學嘅，到K3時keep一，兩樣繼續學就得！我比小朋友學課外活動係長線嘅，唔會為咗考小一而谷佢學呢樣學嗰樣。至於面試班呀各式各樣我都唔會比我小朋友去，因為想佢哋留住童真！至於乜嘢學校收佢，就睇佢到時臨場發揮，我信一切自有安排。我都仲有兩個細嘅，所以我好明白你嘅心情

giannapoon

大家要記住，係呢幾年，千其唔好用考小學嘅得失去量自己小朋友叻定唔叻，因為世界變咗，有好多學校已經唔係單憑小朋友嘅表現而嚟作取錄決定！我成日教個女,Everyone is a special one，千其唔好同人比較，而我哋做家長嘅，要盡力發掘小朋友嘅才能加以培育再加上適當嘅指導，讓小朋友身與心都能健康地成長。讀書係長線嘅，慢慢嚟啦!

giannapoon

睇嚟有幾位朋友對我嘅睇法好有興趣！其實我只係普通C9,係大學時成績只屬中間，幸好人緣好，識得一班來自五湖四海唔同階層嘅朋友，又咁啱今時今日呢班朋友當中有幾個係教育界又有啲地位，又有啲本身就係名校出身，佢哋啲屋企人係校董會成員，我嘅另類資料就係咁嚟！我講得同分享得嘅已經講晒，要尊重比資料我嘅人，講太多唔得㗎！

giannapoon

我都打定輸數，預咗下星期收reject信。唯有寄望大抽獎阿女有幸福之神眷顧，抽到間好嘅可以帶埋兩個孖生細佬入，如果唔得，就真係要執包袱返老家。宜家有兩個工人幫手，返老家邊請得起工人，叫佢哋做多陣都告鬼人！唉!到時老公分分鐘要揸成鐘個車先放到工，到時一個湊三個點搞?我仲諗住三姊弟係香港打好個低到中學先返老家讀，睇嚟我呢個如意算盤打唔嚮囉！