收到啟基取錄通知

cherithlai

今日好高興收到啟基取錄信。今個星期頭至SECOND IN，估唔到咁快就有好消息。自行公布後，得兩日時間(11月24&25號)交留位費。

cherithlai

THANK YOU.

封信既日期係11月17日。之前學校冇打過電話來通知取錄，只係收到信至知。我估校長應該係呢個星期完成INTERVIEW，至一次過出信卦。

佢地自行放榜之後至要人交留位費都好既，咁自行派得好既人唔去註冊，佢地就即刻有位多出來，可以CALL WAITING LIST。

希望有去SECOND IN既都好快收到好消息啦。

cherithlai

啟基都算caring，interview前會打來提你，另加sms再提。今日學校又打來，問我收唔收到取錄信。我諗冇幾多間學校會咁做，你來就來，唔來就算。

我諗啟思上啟基機會係大d，但唔係必收。因為都有朋友個細路啟思，但1st in之後叫收waiting信，冇得second in。

揀啟基係因為我唔中意催谷細路，希望佢可以愉快學習，中意番學，我相信咁樣學習起上來會更入腦(揀啟思亦因為呢個原因)。去完簡介會後，覺得校長辦學好有熱誠，同埋學生多表演機會，培養到佢地既膽量同自信，呢份禮物對個小朋友會終身受用(因我仔較怕醜)。有自信的話，第時考中學去INTERVIEW都較有優勢。

另外活動教學亦會較適合我個仔，佢覺得上課好玩的話，會更加比心機學。同埋我個仔怕老師，佢去一D老師有愛心既學校會較適合同讀得有心機，啟基小班教學亦會令佢得到更多關注。

cherithlai

我寄左回條啦，因為今個星期五deadline. 莫校長響信度表示好想家長去晒所有活動，等家長對學校有多d認識，不過又冇話強迫人去。佢地俾左offer至叫人參加活動，咁樣我覺得好過某間直資既安排，先俾conditional offer，跟住每個月搞一個講座，要家長出席至少75%至會俾offer。

cherithlai

我冇交portfolio，只係按申請表上寫既要求交左張k2成績表。

如果讀緊啟思幼稚園，九月開學冇耐，學校會派啟基既申請表，然後將填妥既申請表收集埋一齊，經幼稚園交去啟基，唔駛自己交。

1st in當日，小朋友會分組跟老師上課室玩遊戲(即係group interview)。當日要自己帶埋一本圖書去。家長就響禮堂聽簡介會。之後去課室接番小朋友，然後可以參觀學校。

如果有幸call到2nd in(1st in後約一個月內會通知)，就會係一家三口一齊入房見校長，都係要帶本圖書。校長同小朋友傾下計，跟住又同父母傾下計咁，氣氛輕鬆。所有interview都係用廣東話，亦冇考學術上既野。

cherithlai

我地2nd in時都有按指示帶圖書去，但入到去校長冇叫我仔講故事，大家傾左15分鐘就in完。我估係帶定去，等校長視乎情況，睇下有冇需要叫個小朋友講故事卦。

我識得兩個啟思家長，一個1st in完後收到waiting信，一個second in見完校長都係waiting.  反而早前響bk呢度見過有家長話佢地既小朋友唔係讀啟思，但都收到second in既call。

cherithlai

JHsbb 發表於 11-12-30 01:36
我想問如果大仔收左, 細女都未必收呢.....我依傢諗緊喇...

係呀，依家好多人報直資私校，學校有大把學生揀，就算有阿哥家姐讀緊，都唔一定收番細佬妹，主要睇細佬妹自己既表現多過靠兄姊關係收生。

啟基收生簡介會當日，都有家長擔心個大既讀緊，但唔收個細既，所以向莫校長提出呢個問題。莫校長當眾應承家長，如果有大既讀緊，家長對啟基咁有信心，送個細既來讀，就一定會收番個細既。只要first in就得(淨係in小朋友)，免左家長參加second in果part。除非個細既有特別問題，就會搵家長傾傾。另外，簡介會上有家長上台分享，佢四個仔女都響啟基讀過或讀緊。

依家啟基收左我個大仔出年小一，加上莫校長既承諾，第日我個細仔都會有著落，真係令我個心定好多。

cherithlai

簡介會上，莫校長話鼓勵學生8:30上床瞓覺。基本上學生響學校都做晒功課，所以有小一家長話真係做得到8:30瞓覺。亦有家長話功課量唔多，所以夜晚響屋企有時間睇課外書，對通識有幫助。