學琴問題

音樂人長老

原帖由 Sweet321 於 10-8-4 19:00 發表
我o係某forum見到有老師教學生彈琴手腕要轉。但我小朋友的老師無咁講過, 夠竟邊個岩?? 如果長時間手腕轉, 唔怕會學壞手勢咩??

仲有老師話一個grade 的琴書10-20本,未彈哂都唔可以輕易升級, 唔係ar ma??

...

對唔住唔明手腕要轉點解，個forum 有無講幾時或咩情況下轉？

我有個轉來學學生兩年考咗Grade 5，照咁講佢應該彈咗50-100本琴書，但事實就無囉，除咗考試書外，佢彈咗唔超過10本書(包括初學用)，而家要幫佢補底。

音樂人長老

我有個疑問，如果每首歌都係誇張地轉，唔會肌肉疲勞咩，仲點放鬆呢？

音樂人長老

你個老師好特別，可能要瞓覺時練最好，因為嗰時個腦最無意識。其實人行路時手腕會放鬆，搞咁多嘢我覺得仲唔自然啦，純粹我個人意見，請大家見諒。

音樂人長老

原帖由 katherinelam825 於 10-8-10 11:11 發表
"特別" ?? 我都未講到戲肉。佢都預左佢ge教學法話左俾人知人地會鬧佢or 批評佢。佢都預左我一定會周圍challenge佢, 講佢"壞話"。同埋佢已經唔係我老師。

我只可以話這個是個abnormal的老師(同多數人唔同)。

至於, ...

Sorry ，我寫錯咗應該寫以前老師至啱，大人有大量，請原諒我一時大意。

音樂人長老

原帖由 katherinelam825 於 10-8-10 21:28 發表
傻啦! 我都唔係真係咁小器既 。況且, 我o係度講得佢, 我覺得係對事唔係對人。 係事實就唔怕講啦!上yahoo仲見到人問點先可以跟佢學琴

多謝哂，我想問喺Yahoo邊度可以睇到，我都想學吓嘢 。

音樂人長老

原帖由 katherinelam825 於 10-8-12 00:31 發表
ummm....abrsm呢 part b 首pieces 經常出現一個音樂專有名詞既。你打果個字就搵到佢d教學文章

你都真係要學下佢, 事關問親佢教琴既野佢第一句都話"無唔好既學生, 只有唔好既老師"。不過佢既教學法show哂出黎都未必 ...

係咪R字頭？話自己唔得閒可以跟佢啲學生學嗰個？

音樂人長老

原帖由 katherinelam825 於 10-8-12 15:50 發表


唔知wor, 尾係o字, 睇完話我知學左d咩

好嘢！估中咗，不過無獎。佢好識宣傳囉，信者得救。

音樂人長老

原帖由 katherinelam825 於 10-8-12 19:53 發表


係呀, 我睇法同佢唔同佢就會話我亂話佢。表面話就唔mind 人同佢有唔同ge想法叫我可以隨便批評, 其實我話佢mind到爆。佢試過o係我面前好認真話佢一個學生"佢傻嫁, 成日o係出面亂話我"

呢個老師怪怪地, 我覺得佢唔 ...

我覺得佢個人問題多啲，聖經教人要愛你仇人。小心眼人又點會彈出好音樂 。

音樂人長老

原帖由 katherinelam825 於 10-8-13 12:04 發表


搶板?? 唔係話緊呀 yau sir 呀

唔係，R字頭o字尾中文翻繹先係搶板。唔同人嚟。

音樂人長老

原帖由 katherinelam825 於 10-8-14 08:26 發表
蔡崇力係呢個老師個鋼琴老師。呢個老師好受佢影響

我想問蔡生係咪上堂成日講個心純唔純同個心正唔正。佢話郎朗個心彈極都就無李雲迪咁純...佢對佢d學生都係成日講個心點點點....

佢話鋼琴係隨心之音, 個人係點彈出 ...

吓，佢咪應該講心唔講金，有無收妳平啲？

音樂人長老

原帖由 katherinelam825 於 10-8-14 13:00 發表

我唔覺有收平, 不過佢話收平左喇wor, 學費係睇學生家境收wor~佢話佢d學費貴在有服侍人ge心。

我話佢講心右講金, 扮到好清高咁, 其實同普通人一樣

仲話自己係鋼琴家, 人品好好, 普通我地有佢3成(including 人品) ...

歪理變成真理，點解咁似寶藥黨。我真係甘拜下風，學唔嚟。

音樂人長老

原帖由 katherinelam825 於 10-8-14 19:08 發表


係喎~ 我都真係唔明。我都唔明點解佢個個學生都勁respect佢, 就連學生既學生都一樣超級respect佢。我知佢有個學生o係佢個choir 當中博左佢一句, 走既時候就俾佢學生個學生話"我覺得你唔似幼稚園老師, 就算係都係會 ...

哎呀，妳一早講我就打死都唔估佢係邊個，而家連唔學琴都知道佢啲野，死梗啦 ，都係自己衰，早知PM問妳啦。唔知樓主可唔可以刪去我啲留言？我仲想喺度同大家Chat，鳴鳴。

音樂人長老

不如轉下話題啦，都係有啲驚驚地。

我發覺近年學生水準不斷下降，連出年校際音樂節都改例，獨奏參賽者要背譜彈，可想而知評判都頂唔順啦。

有家長同我講，有啲小朋友上台後一個音都彈唔出，有啲彈到甩哂，喺台上重覆又重覆，全場人士要留堂等佢彈到為止。

所以我同啲考試學生講，考試官都唔想扣你分，但你要幫下手俾心機彈準啲先得。

音樂人長老

非常同意 ，學琴可以成為一種親子活動，與其家長埋怨仔女唔練琴，點解唔建立一個學習環境俾佢，同仔女一齊做手指運動，佢練琴時跟住歌詞唱或一齊數拍子咁(好多初級琴書都有歌詞俾學生跟住唱)，唔係我哋老師推卸責任，而係家長好似局外人咁，淨係催佢練練練，啲小朋友又點會聽話，我有個5歲小朋友家長話佢個仔直情同佢講妳識咩，搞到佢幾唔開心。

未來我會減少教學生，將時間用來設計啲實用工作坊，例如點樣可以將音階練習趣味化，有idea記住話我知等我做好啲。

教琴老師多如天上星星，少我一個唔會少，我只係希望令多啲人明白，學琴唔係人學我又學，或者只係考名校一樣工具，其實都有好多好處。我又喺度發埋啲謬論，請大家原諒。

音樂人長老

學音樂人直覺唔錯 。

其實老師夾喺小朋友同家長中間都好難做，有啲小朋友鐘意彈簡單兒歌，啲巴哈呀莫札特呀完全唔識欣賞又點肯同妳練？但俾錢嗰個係家長喎，老師唔教呢啲又點對得住佢哋？練琴就變成一場三方面耐力戰。

我有個好開通家長，無迫我幫佢囡囡考試，仲俾我用兒歌+古典歌教，佢話我知而家唔使三催四請叫個囡練琴，連8度都肯去彈(梗係啦，佢最鐘意嗰首兒歌要彈喎)。我都好安慰，但呢啲家長真係唔多囉。

[ 本帖最後由 音樂人長老 於 10-8-15 20:26 編輯 ]

音樂人長老

講到呢度，就諗到嗰位劉大師，為咗爭番啲錢，每次都搞到報警上港聞版，佢哋有無諗過學生感受，家長又點樣解釋俾小朋友知發生咩事呢？

其實劉大師而家生活得好好，我不知幾恨好似佢可以淨係彈琴唔使為生活奔波，點解唔可以放低怨氣，唔係彈幾多莫札特都補唔番。我唔係識揾大錢琴老師，無資格講大師，我只想講錢夠使就得啦，嬲一個人好辛苦。

音樂人長老

原帖由 A+BJ 於 10-8-15 23:44 發表
話時話我想問大家一些問題,我讓自己小朋友去參加一些鋼琴比賽,我見同一首歌也會有不同的演亦方式,有些小朋友真的好誇張,身體左右郁動或手提得非常高再放下,但老師沒有教我小朋友一些肢體郁動或一些提高手的誇張動作, ...

請問妳所講係咩比賽呢？如果係校際音樂節應該唔會咁，通常無咩錯漏先可以高分，得個樣係呃唔到評判喎。

我曾經遇過一個女仔彈For Elise，佢就好似某啲演奏家動作大大，睇到妳眼花撩亂，之後我叫佢唔好用踏板再彈一次，佢完全彈唔到。佢嗰套彈法要郁手郁腳至得，唔用踏板就等如廢咗佢武功，呢啲學生我真係唔識教。

音樂人長老

原帖由 katherinelam825 於 10-8-16 18:53 發表


可能只係d老師招生技倆je, or 家長誤會, d人招生同埋宣傳方法層出不窮

我見到有個唔知教咩既女仔寫埋自己樣子甜美, 能琴善舞

有無話要有埋「事業線」先可以教，笑死我 。其實會唔會個老師自己都賣埋琴書，所以叫學生彈多啲書呢？

大家分享真係千奇百趣，我開始都有啲語無倫次啦，請見諒。

音樂人長老

講得好好，考試係人哋對你要求，彈得好係自己對自己要求。

每一級考試其實係俾你知道嗰一級應有水平，而家好多學生係報完考試先去練嗰一級彈奏技巧。我形容呢啲做「速食文化」，但家長buy呀。

有時學生本應彈得好只係人散漫，我都會同家長講俾佢考試，但更多時我會安排佢哋參加校際音樂節攞個經驗。我知道有家長會催你快啲幫佢個小朋友考完，好似了咗件事咁，你唔肯，有大把人肯喎，老師有生活負擔話就要接受現實 。

音樂人長老

琴行就一定會，我做嗰間佢哋有內部評核，就算唔考琴試都可以加學費，我只係俾過一個學生做過，因為佢一彈就知無可能仲係一級，佢哋遲早炒我。其他唔想批評。