八級鋼琴後課程

音樂人長老

原帖由 JP 於 10-8-23 14:33 發表


bebebe12345,

多謝提供資料！
2009年FTCL piano 得4人 合格，確實好有挑戰性！
唔知多唔多人跟私人老師取得FTCL(=Music conservatoire Post-grad.) 而唔走音樂專業路呢？ ...

都有唔少。我N年前喺音樂系讀書時考咗鋼琴FTCL，再讀咗個鋼琴教學法碩士，之後就無做同音樂有關嘢，而係做其他專業工作。

音樂人長老

原帖由 JP 於 10-8-24 12:23 發表


音樂人長老,

多謝分享！
想八下你之後做左乜其他專業工作？點解而家又做返教琴？
你N年前喺音樂系full time讀書時考鋼琴FTCL，應該容易pass過業餘跟私人老師學琴去考卦？
其實FTCL piano 難係邊方面呢？
Thanks! ...

我好樂意同大家分享，我做同法律有關工作，最近亦考取了法律學位。學琴對我嚟講係一個好經歷，我曾到過歐美學習擴闊自己眼光，其實每個人都可以有多方面才能，年輕時不妨作不同嘗試，而家年紀大亦可以從事音樂教育，將自己學琴心得結合工作多年經歷同後輩交流，我個人覺得人生會豐盛過我一開始就教琴謀生。可能大家會覺得唔啱聽，請見諒。

我個人覺得FTCL唔難考，只要肯花時間練習，反為我覺得而家考試費好貴，唔知會唔會係一個原因令少啲人考，所以少人合格？當年我留學時其他國家同學好多都無考FTCL，因為呢個只係術科考試，真正讀音樂有好多科目要讀，唔會淨係彈琴。

音樂人長老

呢個係我哋教育失敗原因之一，大家一窩峰去讀所謂「前途好」科目，做成好多工作錯配，為咗揾份好工而去讀，做到份工但唔鐘意個工種，又點會喺工作上揾到滿足感，同埋力求進步呢，咁樣香港人競爭力只會更低。