請問有無報左校際音樂節小提琴大家拉成點??

音樂人長老

今年樂曲難度同要求真係高咗，背奏唔容易掌握，準備功夫要多做。如果想做賽前埸地綵排，可以PM我提供資料，需要現埸伴奏可以安排。

音樂人長老

我己PM資料給妳，妳睇下收唔收到，如妳小朋友需要現埸伴奏，煩請預早通知我。

音樂人長老

真係對唔住，我無呢首樂曲的譜和CD，其他家長可否幫忙。

音樂人長老

純粹我個人意見，唔啱聽請見諒。學習係不進則退，希望大家唔會因某啲目的刻意讓小朋友選一首淺易樂曲去參賽，而家小朋友學習的曲目己經太少，白花了練習時間而損失學習新技巧的機會係好可惜呢！

音樂人長老

原帖由 yuki123lam 於 11-1-20 10:16 發表
我小朋友都報左 grade 2, 我想請問大家有冇鋼琴份伴奏譜可以 pm or e-mail 俾我 ? thanks !

比賽伴奏要用原譜，妳借咗譜未或者老師有無？如比賽時發現用副本可能被取消資格的。唔肯定可以借到的話，可以去琴行買，通利大約60幾蚊本，但數量唔多。

音樂人長老

原帖由 yuki123lam 於 11-1-20 17:07 發表
我去過幾間琴行都冇貨, 暫時未買到....因為今個星期六約左個伴奏夾琴, 所以想睇下大家有冇 grade 2 個琴譜用住先.......

妳打去通利或栢斯問下最近妳嗰間有無貨，我見到荃灣通利仲有一本。大琴行會預先收到曲目入定多啲貨，賣完要等有新貨返先有。或者妳可以問下伴奏有無呢份譜，可能佢之前同其他人夾過有都未定呢。

音樂人長老

原帖由 beryl88318 於 11-1-20 17:27 發表
仔仔拉gread 3, 依家仲拉得好差, 又没有心機練....  
我仲末找到伴奏
你地伴奏貴嗎? 有没要求你地一定要伴多少堂?

之前參加過的話揾番上次嗰個或者揾老師幫忙。請恕我直言，大家唔好疏忽同伴奏夾琴練習，學生演奏水準唔穏定，伴奏要令到觀眾唔知佢拉錯(當然評判一定知)，仲難過自己彈獨奏，唔合拍就要練多幾次。

多人學鋼琴以外的樂器，考試同比賽的伴奏就更難揾，快啲揾老師幫手啦。

音樂人長老

嘻嘻，知唔知道伴奏最怕係咩，小朋友要背譜，隨時會唔見咗幾拍，夾多幾次就知道佢通常邊度出錯，臨埸執生都易啲，希望各位都揾到一位好伴奏，唔好忘記合拍程度會影響評分。

音樂人長老

我朋友嗰仔考ABRSM試時嗰位伴奏要我朋友俾的士錢佢去試埸，除非唔考試同比賽，伴奏費無得慳。

音樂人長老

原帖由 lillymarie 於 11-1-21 20:48 發表
我細囝之前考試，老師囡囡（演奏級）本要替他伴奏，夾4次每次收250元。後來撞放榜日，急找到一位資深老師，只夠時間夾了一次就考。收費忘了，但肯定超過400元。 ...

我朋友揾嗰位伴奏係附近鄰居先收佢5百蚊一個鐘，考試嗰日再貴啲同的士費另計，佢考6級要揾資深伴奏先夾得好 。哈哈，我都不如轉做伴奏啦，收到咁貴 。

[ 本帖最後由 音樂人長老 於 11-1-21 22:05 編輯 ]