好彩今日去了九龍塘的幼稚園拿表, 終於選好想報名的學校

leeyin

今日中午時候去了九龍塘的幼稚園拿表, 有浸幼, 方方, 創價, 國際, 宣道, 除了方方之外, 其他都是我原本心儀的學校,現在只會報2間...

1. 浸幼---周圍太多其他大樓, 而幼稚園附設係大學中只佔3,4樓, 比我感覺唔似一間幼稚園...唔報...

2. 方方---好貴, $3000幾, 感覺好似為錢而開...老師態度亦一般, 唔會報...

3. 創價---似番一間幼稚園, 只準拿表, 到交表日期才可交表申請, 應該會報

4. 國際--- 門口的亞哥同miss態度給我印象一般, 要交齊資料及交款$30, 才可以等信收報名表寄, 覺得好似多此一舉, (唔比表人直接申請, 又要人交齊所有文件) 到收表我都未必會申請...報了未必交申請表...

5. 宣道---門口的女護衛好嚴, 好事, 唔比我入幼稚園拿表, 要我寄信拿表申請, 感覺都幾好,  應該會報名 (不過要行一條長樓梯)

之前上網睇上述呢幾間幼稚園資料, 都幾鐘意佢地d教學概念, 仲諗住報哂甘多間, 現在只會選2間及沙田3間, 5間都唔太多, 開頭仲想見8間, 好彩有去行一次去睇咋

leeyin

其實做媽媽幫仔女搵學校, 我覺得係要親力親為, 唔可以只聽人講口碑或上網或雜誌介紹, 我係會去睇埋間學校係點, 老師係點, 我先幫仔仔報名入學, 唔係面試都浪費時間啦, 又辛苦個小朋友周圍去幼稚園面試...   

leeyin

fionayeung 寫道:
我上年九龍塘都只係報左宣道及創價

fionayeung ,
你仔仔最後讀邊間?

leeyin

Oscar媽,

我都會同個小朋友報聖心, 沙田區好學校不多, 不過聽人講近呢幾年既聖心無以前甘好, 同好嚴, 如果創價同聖心都收我個仔, 我應該都會同你一樣的選擇

另外我想問創價唔係基督教幼稚園, 上課時候會唔會用其他宗教信念教學   

Oscar媽 寫道:
leeyin,

我上年九龍區只係報左創價,培正,民生
沙田區報左大圍聖心

創價,聖心都有收我仔仔..我選擇左創價..
我真係冇同仔仔揀錯學校,開左學 3 星期,仔仔每天放學都話好開心,仲自立左好多...因為創價唔只重視書本常識,仲會重視小朋友既品德,德育,會令每一個小朋友好開心.好有自信...

你 click 入去睇下-係創價家長義工 post 出黎架!!

leeyin

fionayeung,

我都係拿了創價d入學資料, 先知道創價原來唔係基督教學校, 我亦都鐘意基督教既幼稚園多d, 希望宣道會收我個仔啦

fionayeung 寫道:
leeyin,

最終我選了宣道, 不過其實創價我都好鍾意, 但係我想係基督教的學校, 所以選了宣道.

leeyin

tiggger,

唔知係米佢地覺得自己係名校, 所以態度上唔夠其他唔出名既幼稚園好, 不過d老師態度點都好過方方既  

[quote]
tiggger 寫道:
近年有不少家長都和你一樣,對sc望門輕嘆,但甚少是發生在公佈結果前!

leeyin

fat,

d老師話佢地上緊課同已經過了參觀日, 無比我入去睇, 剛去到見到一班小朋友係處玩, 都幾開心甘, 不過真係唔似一所幼稚園, 可能太多其他課程同大樓, 好多唔同背景既人出入...

fat 寫道:
leeyin,

妳去浸幼時，佢地有比妳入去參觀

leeyin

fyeung,

甘又係, 還掂都比了$30報名費, 試試無妨, 面試埋考到先再諗未遲啦, d老師態度同方方比起來, 都唔算差   

fyeung 寫道:
我上年都係同你一樣諗法,好似真係麻煩左D.不過呢間係心儀學校,都去試下啦.囡囡而家讀左都好開心.考左到時再比較都未遲.

leeyin 寫道:
4. 國際--- 門口的亞哥同miss態度給我印象一般, 要交齊資料及交款$30, 才可以等信收報名表寄, 覺得好似多此一舉, (唔比表人直接申請, 又要人交齊所有文件) 到收表我都未必會申請...報了未必交申請表...

leeyin

Oscar媽,

其實創價整體比我感覺真係幾好, 我見到佢比我d幼稚園資料, 寫是伄(罰)教, 我以為會教d伄經咋, 如果唔係, 甘我覺得創價真係好值得仔仔去報名, 不過只怕多人考, 未必考到   

係呢, 其實面試時有咩要留意? 又會問d咩呢?   thx

[quote]
Oscar媽 寫道:
leeyin,

創價幼稚園係沒有宗教,小朋友唔會有宗教架...

leeyin

bigbighei,

你記得去完番來話比我地你會選邊間喎, 同埋覺得d幼稚園如何, 我都想知其他d幼稚園同老師係點

[quote]
bigbighei 寫道:
leeyin,

係好勁呀! 好多謝你既comment, 我下個星期都約咗去參觀學校,都會順到睇埋他學校先! [quote]

leeyin

fionayeung,

聽你講完我對創價同宣道真係好有信心, 不過聽人講好難考, 100個位成仟人去考, 我都好擔心仔仔會考唔到呢2間既其中1間, 其實面試時有咩要留意, 同會考咩呢, 係米父母同行會好d, 請指教   

leeyin

fyeung,

其實我一直只從網上既資料, 同bk既媽媽口中話國際幾好, 課程又深, 會跟到小學, 我先諗住去間幼稚園睇睇, 可能同我接觸個位老師態度一般, 又未至於差既...所以先無令我有好大決心同仔仔報名, 不過既然都比齊資料, 如果時間許可, 又唔同其他幼稚園d面試日期一樣, 我都會同個仔去面試既

[quote]
fyeung 寫道:
leeyin,

雖然打電話去問報名表,只有預錄好的message.去到interview時又唔比玩玩具,其他幼稚園可以比玩.不過囡囡返左學之後,我同老師接觸過,老師好nice(當然我唔可以說所有老師,至少我囡囡兩個老師好nice).

囡囡無讀過方方,所以no comment.

有時可以走上K1的topic,而家有mommy都係上黎check,大家知道課程進度如何?

leeyin

R&Sbb,

其實我都好想幫仔仔報埋培正, 可惜培正只收大仔, 而我個仔係04年10生日, 我又唔想佢遲讀一年上學, 到時培正又未必收, 所以先無報埋咋

leeyin

fionayeung & Oscar媽,

睇完你2個對學校甘高評價, 哈哈, 真係好想比個仔即時入學, 不過自己個仔說話方面唔係甘叻, 見到陌生人又唔講野, 真係好擔人面試表現

leeyin

bigbighei,

d幼稚園老師係唔會比你周圍睇, 亦唔會介紹間學校, 有d仲比完表你拿拿聲送你出門口, 可能怕影響d小朋友上課, 不過都應該係甘2介紹都好, 有d老師仲係你問佢拿簡介先會比 :tongue:

leeyin

bigbighei,

你去參觀d幼稚園參觀成點?   睇到你係 St.Catherines 留言10號面試, 原來我個仔細你個仔1個月, 所以遲你1日面試, 不過我無信心架, 諗住試試當經驗咋

我已經收到3間幼稚園面試信, 3間之中已經有2間同一日, 好彩唔同時間, 希望可以同時見埋啦

leeyin

hi bigbighei & all,

我都寄信創價啦, 遲d報埋沙田聖心同宣道, 就等面試啦, 呢個月我開始要面試偉華中心2間幼稚園, 佢地唔同幼稚園居然都要同一日面試, 好似有心甘 一v一"

到11月又要見ST.Cat, 心情越來越緊張, 我3間都無信心架, 我個仔對其他人只識同人玩及笑, 到現在只識叫爸媽, 奶奶, 狗狗, 我諗住順其自然咋, 每間名校都幾仟人報考, 根本有好運氣就贏到有好學校收  

我最心儀個2間都未面試, 希望到時其中一間收, 我都開心到咩甘啦     

希望我個仔同你個仔做到同學仔啦  

leeyin

fionayeung,

又會甘岩既, 你3間幼稚園裡面結果選擇了宣道?

3間既幼稚園面試形式係米好唔同?

fionayeung 寫道:
leeyin,

我上年同仔仔都係報左大圍聖心, 創價及宣道

leeyin

甘即係點, 意思係d貴幼稚園會好難做嗎?

係米1年唔過$24000既幼稚園先做到?