中大碩士失業漢，會否令你想起這個症？

charisma07

昨天生果日報頭條「畢業3年　攞綜援年半 中大碩士 200次見工失敗」，報導一位中大統計系碩士生，高學歷，讀書成績好，但人際關係差，記者亦為這位主角進行模擬面試，發現他面試時無眼神接觸，而他自己也說人際關係差，記者同輿論均一面倒說他「高分低能」，網民也狂插他不懂自我反省。但昨為A仔一族的媽媽，大家看完這篇報導，會否覺得他是一個當年未被發現的阿XXX症候者呢？

我當然不敢斷言我的假設正確，但事實上社會上存在許多阿XXX症人士，佢地人際關係差，但學術成績理想，佢地甚至係醫生、專業人士同博士，但社會往往以「高分低能」評撃佢地。作為媽媽的我，很痛心這個社會對這症認識極淺，並以普遍的眼光不停地猛鬧佢地，如果社會知道這些人士係有先天有社交發展障礙，就如同一個弱聽的人不能完全地接收聲音，佢地還能說出這些無知、羞辱而不會憐恤的說話嗎？

charisma07

再講多少少，點解我會post這個topic？係咩事激起我講這麼多？事因我那早上搭車時無意間聽到電台節目廣播，節目主持正正評論這位報章主角，但令我十分憤怒的，那位女主持正不停地羞辱那位主角，還冷言冷語地說給他一個"實際"建議，叫佢"對住D垃圾，咪唔使對人"，意謂唔識見工、唔識自我反省的人讀得書多都無用，不如做清潔啦﹗

我亦不諱言覺得主角需再多努力和自省，但對於傳媒的口如此尖酸刻薄，我真的很嬲﹗那位電台DJ，只看了生果日報俱俱的半版報導，就這樣人生攻擊並煽動聽眾思維，而妄顧其他內情，我覺得她很無知、無良及破壞社會和諧。講真我唔知主角係咪"阿仔"，但我地的囝囡真係"阿仔"，真係有社交障礙，佢這樣任意放箭，令我地的小朋友融入社會難上加難，真的令我很憤慨﹗

事後，我搜尋了那位DJ的資料，發現佢未婚未有兒女，怪不得了，唉~~~

charisma07

看完你們的回應，知道自己解釋得未夠好，想在此講多少少：

- 雖然我以那位失業漢帶出討論，但探討那位失業係咪阿氏並非重點，重點係想帶出我們身邊可能存在許多未被發現的阿氏，而可悲的是社會對自閉/阿氏的認識不足，並以普遍的眼光批評他們。

- 我亦認同你們的，不能就報章的內容，單看幾個行為，就說某人是否阿氏，亦的而且確，先天性格(較孤僻)、環境(港童氾濫)、摘界個案(界乎A與正常之間)等等因素，構成每個人的表現可以不謀而合，容易令人誤會佢係乜症物症。相對亦有些真正A仔，經過父母悉心培育，到長大成人很難看出有何差異。

- 期望: 一方面自己努力教好個囝，希望佢長大後"生生性性"﹔第二方面希望社會的思維進步d，不要求每個人都係社交能手，多接納不同特色的人，唔係單單對A仔憐憫，係真正的接納，做到求同存異。

原帖由 someoneelse 於 11-2-18 21:23 發表
無辦法...大家俾班醫生、導師、甚至書本等洗腦太多...其實只要放眼世界，就會發現人人都有d特別...尤其係細路仔，未有足夠能力時，就會好自然咁用自己所懂的去做事或說話...但咁並唔係有特殊問題嘛....
簡單 d 講，A人或亞人 ...