請問有無人已收到YORK既通知呢?

vikiepaul

我心儀既2間幼稚園已經全軍覆沒啦, 所以而家好緊張, 好驚小朋友未讀書就無書讀.     

vikiepaul

請問你係打去邊個campus, 有無電話可以俾到我?

唔該晒~~好緊張呀..

vikiepaul

收左啦, 收左啦..好開心呀...

多謝咁多位既 資料 同埋 鼓勵,
雖然呢間唔係我既首選,但係而家我開心到想喊呀..

請大家以後繼續多多指教..

vikiepaul

今日打電話去, 講埋interview 既ref. no., 咁佢就可以幫你check架啦.. 同埋信會係呢1-2日寄出.

vikiepaul

我既首選咪kent & SC 囉, 2間都waiting, 即係無希望架啦.. 算啦..而家都總算有人收佢, 我都安樂架囉...

我都係上星期六去in架.. 26nov囉.. 佢可以check架.. 仲話呢1-2日就出信俾家長叫幾時交留位費咁..

你試下俾埋ref. no. 佢啦..

vikiepaul

bmw,

你個女讀緊邊間 nursery呀?

BMW 寫道:
Me Too!!
好彩亜女仲有間後着,無学校収的話,唯有留番O向依家讀緊O個間Nursery Law!!

vikiepaul

May1217 寫道:
I has received the accepted letter last night

我都仲未收到呀.. 幾時要交留位費, 要幾多錢呀?

vikiepaul

icic.. 唔該晒..

另外, 想問一問呢度咁多位家長係唔係都打算俾你地既仔女入讀呢間學校呢?

同埋, 原來呢間york係舊年開始就停辦左佢地既小學啦.. 我都係昨日先知咋.. 都唔知點算囉..

vikiepaul

我都收到信啦.. 係am class, 咁想請問大家係唔係一定要8號先去俾留位費, 定係8號前去都得架?

vikiepaul

唉~我都好驚揀錯呀.. 聽人講, york係唔會唔收架, 咁我去in果日, 都已經有好多好多人去.. 咁個個都收, 好容易就超額架啦bor..

同埋, 我好唔明白一樣野, 我地而家呢間 約克中英文幼稚園同約克小學暨幼稚園有咩分別? 我昨晚睇返d入學大全, 佢呢2間的確係唔同架喎, 2個地址, 但同一個校長, 而佢而家又無左間小學, 咁做咩佢仲唔改名呢?係唔係有d誤導既成份? 另外, 你地知唔知道第日我地既小朋友會係邊個campus返學架?

BMW 寫道:
May1217,
收左AM Class.
我好Wonder York个个都收AM Class,有無咁多位??

仲有...嗰日校長只係講嗰Set Letterland教材,咁中文,數学,品德方面又点??

上課既流程又係点??

真係驚簡錯学校!!好煩腦呀

vikiepaul

我呀.. 我聽日會去俾啦..

vikiepaul

我打去果時果位小姐都係咁講架, 一模一樣, 又係表現好好, 收左我囡囡.

而係唔係都收呢個問題, 我由呢個thread既開始到而家, 都仲未見到有人話唔收囉.. 不過, 唔知係唔係真呢?唔敢講.

另外, 我今日都去左交留位費囉.. 佢地既service真係認真唔錯, 好有禮貌, 唔似某幾間名kinder咁.. 你對佢尊敬有加佢地都係無乜笑容.. 感覺好好, 係等辦手續期間, 仲有位小姐主動走過黎同我介紹下間學校添.. 又叫我自己隨便行下睇下.. 臨走既時候, 位小姐仲同我個女傾下, 我個女平日都唔係好釆陌生人, 但係, 佢都肯答佢野喎, 證明左佢地既聲調俾小朋友既感覺都唔錯啦..

我個女仲同我講佢鍾意呢間學校, 要返呢度添..

同埋, 提外話, 我覺得佢地d校服, 無論冬季定夏季都好靚~~

leunglokyiu 寫道:
你地打電話去問結果時老師有冇講咩野?
接電話果個老師話睇到結果顯示我囡囡面試表現好好, 得到老師高度評價, 一定會收我囡囡
吾知佢吹水定講真, 傳聞又話佢係人都收?!

vikiepaul

仲有, 交完留位費之後果張receipt已經show埋分班架啦.

我個女係 N1Y - AM

你地呢? 睇下有無機會做同班同學仔?

vikiepaul

今年我唔知呀..但係今朝去睇到佢地05-06年既收費表 , 係咁既:

學費 大約$2300/mth ( 11mth instalment)
茶點 $220/mth
雜費 $800/year

total : $28740 per year ($2395 per mth)

仲有校車, 我係咁易睇到, 最貴好似成800蚊, 最平既500幾蚊一個月.. 因應唔同地區囉.. 我見到九龍塘要$580, 青衣要780, 係大角咀(olympic)果邊要$640