請幫忙...我會感激不盡

KenixSoSum

小朋友有時真係要"氹"下佢地先得, 我囡囡就鍾意人"氹"下嘅, 佢今年讀一年班, 每日有3-5樣功課, 在開學前我已經同佢講放學要自己做功課, 快d做完功課, 咪有多d時間去玩囉, 佢都認同我嘅講法, 於是每日大概都只係用了一個小時做完功課, 次次放功返到屋企,佢一定係度玩緊又或是睇緊卡通片。小朋友要一步一步來, 要慢慢一步步收緊, 等佢慢慢適應。 而我亦冇請補習老師, 亦叫奶奶唔好教佢做功課, 要佢自己做, 除了唔識d字點解外, 所有野唔準問。  咁我發覺其實佢自已都可以完成9成以上的習作, 當然有些會做錯又或是唔識做, 於是我只須要集中教番佢d唔適又或是糾正佢做錯的地方, 都只係用了半個鐘左右, 如果請補習老師, 第一, 我冇能力, 第二, 我可能根本連佢有咩唔識都唔知, 以後好難同佢溫習。

同目前為止, 都幾work下.

原帖由 ydoris 於 10-9-29 09:44 發表
搵人教好過自己教.阿女以前都係咁,依賴晒我,小小難就吾做問我架.而家返左託管,做野快左,溫習埋先返屋企,成績一路咁上緊. 媽咪既角色=工人阿四..可憐..

...

KenixSoSum

囡囡最初寫字都好核突, 但要針對原因。第一1,了解係咪執筆嘅問題 - 如果執筆有問題, 寫字一定唔靚,可以暫時用三角筆或執筆膠幫一幫, 看看有否改善‧ 第二, 寫字時態度的問題 - 有d小朋友真係唔鍾意做功課, 所以會想做快d快d可以去玩, 你可以試下如果佢寫得有進步, 比d獎勵佢, 例如佢鍾意d公仔貼紙, 寫得有進步, 貼一個比佢, 愈多即是愈叻, 小朋友十居其九都鍾意人地讚下。 第三, 寫字時周邊環有冇影響 - 例如, 座椅同桌面高度是否配合小朋友, 又或是做功課時環境是否安靜, 都會令小朋友分心。  

原帖由 pennyma 於 10-10-5 21:23 發表
我小朋友唔係做得慢而係d字寫得超核突,唔係做錯但d字核突而老師要改,有沒有辦法呢?謝謝!