Ascot HKPS and KLN TONG HKPS

JuliaCKL

火炭n班係三個老師一班

JuliaCKL

原帖由 momotam168 於 13-01-29 發表
HI 我知你既小朋友都係讀ASCOT, 唔知你會想小學選擇咩類型呢>? 直資, 津校or 私校?

...

我係想揀直資/私校！
不過你5駛講到咁嚴重害咗個女，我雖然想揀直資/私校，但如果全軍覆沒，都無辦法要等大抽獎！

JuliaCKL

原帖由 momotam168 於 13-05-22 發表
報左ascot summer course, 比女女早d 適應吓呢間學校

樓主，我諗九龍塘同火炭都係大同小異，最緊要近屋企，火炭比九龍塘個位置有d偏，所以相對報九龍塘嘅人一定多d，但我因為住沙田，我哋可以12：30先出門口，1：00返學！好彩上年報學校時我老公無任何意見，佢都唔知有咩好，但而家入咗去讀，佢就知有幾好！因我仔仔未讀前係全廣東話+睇英文卡通（無任何教材），但收到學校英普班offer, 我初頭都擔心佢聽唔明，但兩三個月後，3個班主任（普x2，英x1）都話佢完全聽得明，而家佢自己玩玩具會同d玩具講好簡單嘅英文，

JuliaCKL

（續）我用普通話講故事再問佢佢都明，知我問咩！我諗語言方面真係唔駛擔心！希望你老公都會慢慢就知係好嘢啦！我都會報暑期班（上午）因好慘地下年要返上午（直升k1的全部係上午），所以返住一個月習慣吓！

JuliaCKL

仲有一樣，樂基係細校，n班收生＜100人（相對大校一級有幾百人真係少好多），學校裏面校長、每個老師，書記姐姐、所有嬸嬸都會記得晒每個小朋友個名，所以每個小朋友都可喺充滿關注嘅環境成長，係好開心嘅（呢個都係我揀樂基嘅重大原因）

JuliaCKL

原帖由 wingchun1083 於 13-05-26 發表
JuliaCKL你小朋友讀下午班時的作息時間是怎樣的呢？

我仔未讀n前都要瞓兩三個鍾晏覺，開學後特登要佢七八點起身，11：00再瞓先返學，但試咗無幾耐發現佢開始瞓唔到晏覺，可以唔瞓，所以而家會10點幾瞓到第二朝9/10點！而且我發現佢嘅男同學多數都開始唔駛瞓覺，可能男仔真係多d精力，反而女同學就多數會瞓，有d女同學會返學前瞓晏覺，有d放學後瞓到6/7點，所以我諗男女有別嘅！不過亦因人而異，因我兩個姨甥女一讀書開始就無瞓晏覺習慣！

JuliaCKL

原帖由 mamath 於 13-05-27 發表
那麼你們interview時是用中或英文才可入英普班呢?

理應用英文考英普班，中文考中英班，但唔知點解我係用廣東話in，最後入咗英普，而我所知有另外一個同學都係咁，可能我哋嗰年多人揀中英班