數學老師你想點?

崆峒絕學

同意首先要睇清楚題目嘅要求。之後要睇要思考題目想問乜，呢一樣嘢最難。


例如要小六學生列方程計：姐姐有10元，買了一杯汽水之後，餘下3元。一杯汽水要多少元？
唔用方程計，一定無分。


設一杯汽水要X元
X=10-3
X=7
答：一杯汽水要7元


咁計，已經會俾人扣分。可以上Google search 下 TSA過去試卷嘅答題要求。當年，有因為呢題問老師點解扣分。


三角形，可以用邊去分類：等邊三角形、等腰三角形，仲有一些人分出不等邊三角形、任意三角形、不規則三角形。
三角形，可以用角去分類：直角三角形、銳角三角形、鈍角三角形。有時，會分埋等腰三角形等。
又有直角，又有兩條邊長度相等，一係叫直角等腰三角形，又或叫等腰直角三角形。


係小學，如果我無記錯(已係幾年前嘅事)，會教：
等邊三角形、等腰三角形、直角三角形、直角等腰三角形(或等腰直角三角形)。


所以樓主呢一條，我都係建議樓主直接問個數學老師。


至於， "寫出一個比六分四小, 但比六分一大的分數"，二分一嘅值的確係正確。不過，小學三年級只係學同分母分數，如果學生寫 "123/247"，答案嘅值的確正確，但老師好難判斷學生係識定係撞。
如果話 "題目又無要求一定要用同分母"，可以理解。因為本書或練習嘅設計只係俾一般程度嘅學生，如果學生寫 "1.5/6"，個分數值係正確，而且題目亦無寫 "唔俾用小數"。寫繁分數 "一又二分之一 分之 二分之五"，個分數值又係正確。


如果樓主個小朋友已經超越一般程度，建議下次寫埋 "三年級程度嘅答案"， "1/2=3/6"，咁就無敵，仲可以令老師多點留意下自己個小朋友，唔好淨係俾一般程度嘅工作紙佢做，免得小朋友上上下堂覺得悶，嘥咗學習時間。


回想條方程俾人扣分，就諗其實係小二程度嘅數學題。題目咁淺，迫人用方程，但又唔可以 X=10-3......

崆峒絕學

以下內容，其實我喺係朋友聚會聽到。朋友中，有中學老師、有小學老師、有副校長、有普通老師、有大學高中時修數學。當佢哋討論太激烈時，我一係避避風頭，一係打圓場轉轉話題。

如果三角形嘅分類，可以由邊長去分，或可以由角去分，咁不等邊三角形的確可以有直角，又可以無直角。
如果樓主個小朋友畫不等邊三角形時，畫埋個直角符號而俾老師當錯。可以理解個老師點解當錯。
不過，我都係建議樓主聯絡老師了解下，因為我只係向好嗰一方面假設。

964=__+__+__
呢一條應該係二、三年級嘅題目。
題目想考乜，一如我之前嘅回覆，係最難知道。分分鐘出卷嗰一個都唔知。
964=__+__+__，應該係考學生兩樣嘢，各數字所代表嘅值，仲有讀法。

因為考各數字所代表嘅值，所以不可能寫成964=962+1+1，
因為考讀法，所以964=900+60+4(讀數，由左向右的讀)。

964=4+60+900，雖然根據加法交換性質而成立，但因為唔符合原本要求，所以會當錯。問題係學校係平時嘅功課有無呢種要求(寫明)。或有無訓練，即係學生一寫900=4+60+900，老師就會要求呢啲學生更正。

至於方程，原本定義係：一條包含未知數(代數符號)的等式。
X=10-3，有代數符號，又係等式，無錯喎！而且，

X=10-3
X=7

根本無可能有步驟。如果小朋友以下計法，我仲擔心個小朋友...俾人教蠢咗

X=10-3
X+3=10-3+3
X+3=10
X+3-3=10-3
X=7
不過老師話因為無用乜乜原理(個名我忘記了，只知即係中學教嘅消項化)，所以要扣分。

我當時心諗「咁係四年級時，做乜又迫個小朋友記住：長方形的長=周界/2-闊」？

崆峒絕學

little_yolky 發表於 15-4-30 17:09
問題係學校係平時嘅功課有無呢種要求(寫明)。或有無訓練

分數、教漏、教錯，通常發生兩樣，經電話聯絡個老師，但佢嘅回覆牽強，再啱啱遇着我得閒，我多數怪獸上身。

平時無教過，點可能期望個學生啱？學校嗰啲所謂嘅艱辛題、深奧題、高階題、思考題，大部份都係將已學過嘅概念延伸、混合運用。964=__+__+__，無學過，點延伸？

如果有教過，俾我發現佢曾經改錯過，我實搵校長聯絡下。

阿女下一次識做，阿女叻係阿女本事，但阿女無義務每一次學新嘢，第一次就要送幾分俾學校。呈分試更無妥協空間，因為阿女無義務因學校嘅錯誤編排而失分。而且，阿女之前嘅學兄學姊，係小六Pre S1因學校嘅錯誤編排而失分，係會好影響之後幾屆學弟學妹嘅升中派位，亦即係Band 1位嘅數目。

964=__+__+_係好基本嘅小二小三題目。基本嘢都出錯，咁深嘅嘢咪仲易錯！

我實問高年級嘅家長借佢哋嘅功課睇，因為我要有兩手準備------轉校！