點解小三成績走一落千丈???

kkhon

基本上小一丶二大部分都係重温幼稚園教的，如果小心好易考得好。小三開始教新野，未咁快吸收到，整體分數比之前低左係正常。要比較的話要睇大圍的成績，有d同學小一丶二未適應hea住讀，小三開始發力追上。到左小四d卷仲會深好多，所以要睇平時做功課或測驗係咪有吾明。我仔學校好多低小考頭十的，到左4，5年级吾知去左邊。所以我好認同d人話到左高小才見真章。

kkhon

我仔學校仲奇，小五中作限160短文+—篇不限字數的實用文，短文毎超10個字扣1分。平時作文功課我仔會作200-300字，考試160字根本寫吾到咩靚文章，只可寫BB文章。而英文就70字或以上，寫得愈多愈好，吾會扣分。

kkhon

回覆 little_yolky 的帖子

我間係津校，小一，二教的英文好淺，中文我仔麻麻所以覺得深，而數學就教快半個學期但都係d簡單野。依家5年级中丶英丶數都好深，尤其今次呈分前的—次期考卷，死好多人，等d人打醒12分精神惡補應付下次呈分。

kkhon

回覆 Yanamami 的帖子

咁又吾係全部top10都係，某3幾個。試過有個學兄小一至小三考頭十，到左4年级連3班精英班都入吾到，到畢業都係考過一佰名，但最後都入banding 1的長天。