自行15分誇區揀華仁定聖若瑟

lugano

要自行華仁或聖約瑟呢對孖寶，15 分一定冇計仔 。20 分兩間都難過登天，除非老豆係張智霖或陳奕迅, 另加天主教洗禮紙乙張, 咁就好穩陣 (純講笑 )


中肯地建議等明年一月大抽獎。 早兩年當聖約瑟仍然收 8 班半日制小一的時候，機會比現在多 (學位數目上，比同門喇沙小學 6 班全日制小一更多位)，再加上灣仔區 3 間吸飛大熱只能選 1 間作首選，所以當年抽入聖約瑟的機會率相對高一點。


但現在聖約瑟改收 5 班全日制小一，再加上出生率每年增加，機會一定細左。不過華仁或聖約瑟兩間都好難，平常心吧。