How about 保良局顏保鈴書院?

YYCPAPA

小女今年就讀 S1. 開學頭2個月，功課多到暈，課外活動又多，非常忙碌，但個女就讀得幾開心。
我由佢暑期班到9月尾都有送佢返學，見d學生及校風都冇問題，可以講幾好添。 而學校都好嚴緊下，規矩多多，比我感覺仲緊過佢小學。之前聽聞的校風問題就唔覺有啦。
出席過幾次家長會，感覺校長及老師都好有心機想做好d。
今年全級大約有成20%-30% Non-Chinese, 多數來自尼泊爾，印度，巴基斯坦，南亞等。我個女同佢地都好 friend 下，英文 尤其oral 進步不少，聽佢講電話，由小六時的唔敢講同而家算流利，實大有進步。
學校的英文程度我覺得算深，小女小學時英文都算可以 8-90分 之間。但剛剛個MID TERM TEST 竟然唔合格，差幾分。阿女話好多Chinese 都肥佬。份卷冇派番，實際有幾深就唔知了。
學校舊年自行收大約60-70人，估計應該是band 1生，放榜後收100人度，大部份應該是band 2。小女都是band 2，因派位唔理想先讀顏寶鈴
小女小學時唔迫佢都唔肯溫書，而家就自動自覺好多，好多時都自動溫書，成績雖然一般，但見佢讀得開心又積極，都有d安慰。六年小學生涯就好似發場夢咁過去了。