大埔英藝家長請回應

evachow518

我都係LKB嘅家長，依家我哋都好苦惱，事關學校話下學年(即高班)唔會有AM class (國際班)，我個小朋友要轉讀PM class。由於我從來都唔知道最後一年嘅幼稚園會無AM class，學校由NC to LK (即低班至中班)都無講個以上嘅安排，所以我毫無心理準備，所有計劃都打亂哂！依家我小朋友下午已安排好各種活動比佢參加，如果要讀PM class，又要改時間或放棄參加。事關有D活動係成班一齊上，未必可改時間，而且喺課餘認識嘅小朋友，又因為要轉PM class，令到又無得再一切玩，真係可惜！唉，真煩！！

正如之前個位家長講，我對英藝(Tai Po)都好失望，點解學校嘅安排會咁亂。一學年換3次class teachers，我相信對小朋友嘅學業及心理上都有壞嘅影響。作為家長我只好花更多時間了解子女係學校上課情况，每日必向小朋友查詢今日class teacher 係邊個？or Mr. XXX有無返? or 代課老師係邊個？邊個同你上堂教你嘢？留意小朋友嘅情緒，會唔會唔開心？

上個term連上堂用嘅6本story books都無派，拫據student handbook，小朋友約每3-4weeks會finish reading 1 book，但成個term完哂都無派返比我哋，係家長要打电話問學校先安排派發，個6本書係全新未拆透明包裝紙。我問我個小朋友老師教哂味，答案係no。今個term個6本就派咗，但亦無跟student handbook嘅schedule去教。若果唔教就唔好要我吔買啦，唉！

總括嚟講，係好失望。