聖羅撒書院自行

limehouse

阿女外來生。前年副校見，家長可一齊見，但坐後面，不用答。用英文問小小問題例如興趣係咩、鍾意咩科目……問了一條數學題、粵語又傾一陣，大約15分鐘。

limehouse

ktdanielli 發表於 19-1-6 15:02
想問用家,我想報聖羅撒,小女2次呈分後,平均是级18/126,以往學校數年都有37%~38%是band1, 小學是在荃灣,有 ...

你囡囡成績似乎好好，應該大機會，書院鍾意收英文好嘅女仔(因為學校英文讀早半年、通識用英文敎、亦有英國文學)，英文好會較易適應，所以如果囡囡英文好應該自行入冇問題。其實書院本身收生有客觀困難(佢唔係top女校、沙田好多好嘅B1校、只收女仔、傳聞好嚴好恐怖...)，唔係好多人鍾意揀佢，所以如果本身係B1成績應該唔係咁難入

limehouse

我都覺得樓主自1可試上智

limehouse

所謂Compulsory只有四個星期一次嘅課外活動, 視乎你玩咩(都有制服團隊)，阿女玩English club。 之前有玩籃球隊，一星期一次，後尾drop咗，學校好彈性，冇强制玩咩樂器/體育。

limehouse

lamjane82 發表於 19-1-9 20:00
聖母玫瑰深數,聖羅撒深英文(高1班書),蕭明深中文,3間都有熟人讀過

姪女讀聖羅撒小學,因為住市區,唔想直升 ...

小女宜家响聖羅撒讀中二，剛剛問佢，佢話佢好多同學書包都掛公仔，阿女自己都掛咗隻史迪仔，從來冇出事喎。至於唔比出去食飯，老實講學校附近冇咩好食，第—城又遠。學校其實都安排得唔錯，除咗可訂飯，小食部都有lunch提供，有簡單飯、車仔麺都有，阿女話响學校食，食完同朋友倾下計，做下自己野仲好，好過出去又迫又熱又趕。
反而阿女有時假期前嘅星期五or放半晝時放學都會同ｄclose d嘅同學出去食lunch行—陣街先番屋企，學校亦冇話唔比著住校服周街行。
如果你有去沙田市中心／又—城／第一城，有時都會見到聖羅撒ｄ女仔，完全唔覺佢地係—群被變態學校控制下嘅學生喎，同普通女仔—樣，不過就斯文嘅。

limehouse

gigiyyc 發表於 19-1-9 20:51
我以前個書包都勁多公仔

所以傳聞好可怕

limehouse

417bbs 發表於 19-1-9 07:12
想問學校活動多嗎？會不會只著重讀書？

活動好多，任君選擇，只可以話學校唔太重視學界獎項。

limehouse

真係不吐不快，聖羅撒唔係最好，但我覺得佢絕對係一間好有道義嘅學校，佢—路堅持收番自己八成小學生，即使你係band2成績。上面仁兄個姪女，佢因住址問題，不繼續上書院，轉讀其他中學，之後更上—層樓(恭喜哂)。但，有冇諗過如果你姪女不幸成績只有B2, 聖羅撒係唔會放棄你，會比你上自己書院，會再盡力幫你

limehouse

我掛念嫲嫲 發表於 19-1-9 22:13
請問你囡囡係小學直升定其他小學考/派入去？
知唔知自行上兩年多少一報？
all in 嗎？如b1b-c 成績…無特 ...

阿女係校外生。抱歉，不清楚多小人報。
睇番書院website話會儘量安排所有學生参加面試。
書院自行應該主要睇成績，如英文好就更好，因為佢英文讀早一年，通識用英文敎

limehouse

熱媽 發表於 19-1-9 21:51
回覆 limehouse 的帖子

好鬼贊同你的講法，書院真係唔理你咩B1定B2料，都盡力幫你搶救每一位囡囡。 ...

咁啱宜家有條link講緊某校連自己band one成績D女都唔收

limehouse

hkpapa852 發表於 19-1-10 11:53
個間都唔係第一年咁做啦! 近三年都係咁, 所以近年小學部先多人跳船

朋友比我精明，個女又叻，今年考中學全選"神校"，佢都冇揀“個間“，佢話佢哋呢幾年DSE成績都唔太好，我冇特別研究，究竟係咪？

limehouse

hkpapa852 發表於 19-1-10 14:19
個間中學, DSE成績由2014年開始一直下跌, 到今年止跌回升

咁似乎佢哋方針係啱，不過係同“敎會辦學精神”背道而馳，校監係修女，佢仲好“親身”參與，唔係“行嚟行去”。不過D女真係好傷，阿女宜家有個同學係 “受害人”，直言話好憎阿女間小學(因為個間好鍾意收)，令到D細路有D咁嘅心態，真係無言

limehouse

奥脫福 發表於 19-1-10 14:23
偏偏ＥＫ甚多傳聞，仲講到似層層。。。真係外人聽到會嚇死，但
局內人聽到會笑死！

今朝咁啱同奶奶飲茶，聽佢講是非，又話聽阿邊個個邊個講.....d口吻不禁令我諗起EK d 人，心裡暗笑之餘有點無奈。

limehouse

ktdanielli 發表於 19-1-10 15:41
本帖最後由 ktdanielli 於 19-1-10 15:56 編輯

天主教不多真資學校,唔多唔少同佢地起初到港要普羅大眾 ...

啱啱都去睇下佢地website, Sister 原來仲係小學校長(因為之前聽過中學seminar，知係中學校監)，其實佢自己一手培育出嚟嘅學生，唔明點解佢可以咁恨心，如果成績唔得就話啫，人哋明明ok，你都唔要人就真係有D那個！

limehouse

奥脫福 發表於 19-1-10 15:33
咁先至係一間教好 學生 的學校。

其實以我所知書院中段不断有學生讀唔掂離開，今年阿女都話有三個讀完中一走咗(當然亦可能有其他原因)，但起碼比機會佢上中學囉

limehouse

奥脫福 發表於 19-1-10 15:33
咁先至係一間教好 學生 的學校。

“小學部派不入的Ｂ３同學！"唔知同天主教學校是否有關，但中學部確是
十分眷顧小學部上來的同學。
好勇敢亦好欽佩(真心毛筒有點棟一棟，鼻子酸一酸)

limehouse

gigiyyc 發表於 19-1-10 16:55
本帖最後由 gigiyyc 於 19-1-10 16:56 編輯

好奇一問，你女同學係自行定統一派位

我又冇諗到咁詳盡

limehouse

ejb-2007 發表於 19-1-10 16:33
咁學校程度深，有人跟唔上，好正常。
但中學課程同小學分別好大，小朋友也長大了，可能小學的叻豬識應唔到 ...

係吖，其實除非好top嗰班，有時B1/B2一線之差，細路D野好難講

limehouse

真係不吐不快，聖羅撒唔係最好，但我覺得佢絕對係一間好有道義嘅學校，佢—路堅持收番自己八成小學生，即使你係band2成績。上面仁兄個姪女，佢因住址問題，不繼續上書院，轉讀其他中學，之後更上—層樓(恭喜哂)。但，有冇諗過如果你姪女不幸成績只有B2, 聖羅撒係唔會放棄你，會比你上自己書院，會再盡力幫你。


不如睇多次，以免引起誤會

limehouse

Exposure 嘅嘢睇自己，我朋友個女女拔上年做咗狀元入埋牛津大學，佢以前都冇咩exposure, 都係放學放假去補習，比較特别係去讀法文，都係静態D。女拔時已攞scholarship唔使比學費，媽媽話阿女天生鬥心强，自我要求高。
又識兩個朋友，一個協恩，一個鄭榮之，協恩那個硬朗但較自我，鄭榮之個就斯文較親和。兩個都做紀律部隊，一個仲係 Rank and File , 一個已經三粒。
人嘅發展宜家唔係淨係學校，牽涉好多因素，家庭培育都好重要…
王敏德兩個女都係讀傳統天主教瑪利曼，兩個女孩幾洋化！…張寶華讀地區名校聖馬可中學，但都非常硬朗大方…睇過佢D書，佢話係受媽媽影响……
同埋人哋比較緊沙蘇同聖羅撒，點解仁兄又扯到去神校DGS/HYS....
學上面媽咪話齎唔敢高攀....
老實講，我住偏遠地區，阿女成績又唔係super top, 佢幼稚園至小學都未考過全級第一名，又唔鍾意運動，音樂又唔叻，所以讀到聖羅撒已經好開心，最惨又懶又冇鬥心，讀super top校肯定死硬，宜家讀聖羅撒，有學校guide住佢，我就好放心，因為我已經叫唔郁佢，但學校要讀嘅佢就好用心，宜家我冇理佢，唔使因同佢温習傷感情，得閒兩母女食完飯(多數星期五，weekday係比較忙)，出去散步傾下計，放假睇下戲。