金巴倫道迦南2011 N class

chanwendy

茶點包括在雜費內???
以往係分開比架喎, 每學期 $900 架.  雜費內包的應該係生日會禮物同生日會的食物啫.
書包已咗入雜費內的學生個人物品.

chanwendy

原帖由 tychu97 於 11-4-14 12:53 發表
我都收到信啦!
阿仔編左(上午D組班)
sat 10:30am 第二次註冊,有無mama會安排小朋友搭校巴,咁細個怕唔怕呢?
有朋友話最好K1(大個小小)先搭校巴好D, 大家點睇呢??
2011-2012 學校話會調整學費,唔知到時會加幾多呢? ...

我諗嗰個只係註冊的分組咋, n1 班係以顏色 (am) 同生果 (pm) 分組的, 應該到家長會時先會知, 因為都未定晒學生, 佢之後應該會 call 返 waiting.
封信唔係已經講咗學費係 $2700 咩, 呢個價錢我大女三年前都係呢個價錢.
我大女 n1 就已經坐校車, 冇擔心過安全問題, 佢地有媬姆跟車, 會確定小朋友扣好安全帶先開車的.

chanwendy

原帖由 tychu97 於 11-4-14 16:13 發表
e+打算開學頭幾個月自己試下接送返學, 如果之後想join 校巴得唔得呢?
係咪註冊時一定要申請埋?

其實你有咩擔心呢, 我唔知其他家長會擔心咩, 我自己就冇呢個問題了.  可能我係住得近啦, 車程只係 15 分鐘, 加上每朝親自送上車, 有保姆幫手接小朋友上車, 肯定大家坐定晒先開車, 細個啲的會同佢地扣安全帶, 大個既好多都識自己扣了, 保姆都會跟一跟的.

你可以 KEEP 住張 FORM, 有需要時先交囉. 你附近有冇同學仔上落車? 你可以試吓去等車, 睇吓上落車情況.

chanwendy

適應班最初係上一個鐘, 之後上兩個鐘. 上兩個鐘的日子先有得坐校車, 收費係半個月價錢, 你自己衡量抵唔抵.

chanwendy

我大女當年上適應班時, 我都以為佢會喊, 點知老師話佢係少數冇喊過的小朋友, 佢只係最後一日適應班時先有少少想喊, 但都冇喊到. 所以真係唔需要太擔心, 你以為佢會喊, 可能最後半滴眼淚都冇都唔出奇.

chanwendy

原帖由 wy1219wy 於 11-4-21 15:33 發表
請教一吓上適應班會做D咩架???如果小朋友唔想,會唔會9月返學時追唔上其他小朋友???你哋係咪全部都返適應班呢?

適應班頭三日需由一位家長陪同, 上一小時, 都係一齊玩吓玩具, 唱吓歌仔, 食茶點, 好似有啲小手工做吓 (我大女已 k2, 所以都唔係好記得). 之後十日八日都係一小時, 但就唔可以陪, 所以都唔知做乜, 怛應該大致都係嗰啲嘢.  最後十日就上兩小時.  頭三日會同你及小朋友影相, 之後會做相架, 最後一日比你拎返屋企.

我嗰陣唔係全班都有上適應班的, 不過唔上的其實好少, 得幾個.  唔上的之後有冇得陪三日就清楚了.