用梗ENGLISH TIME 既媽咪一齊分享下

ivylai530

係呀, 其實0-3歲既學前教育真係好重要咖, 我都係因為睇左好多書, 解釋學前教育既重要性先下定決心買同用好套教材咋!!!!
其實, 屋企人咁大反應, 可能係佢地未了解到學前教育既重要性, 上一代覺得小朋友係天生天養嘛, 但我地呢一代既媽媽, 有好多渠道可以得到好多資訊, 識到好多媽媽朋友一齊討論分享, CAP你唔駛擔心佢地點諗點講咖, 小笨豬同celialing 講得啱咖, 見到有成績佢地就唔會再話你咖喇!!!! 我女女用左大半年,而家佢13個月大喇, 佢由開始時無咩反應, 到而家睇DVD係度傻笑(以為佢睇緊笑片咖,都唔知佢笑咩? <LEVEL7> ) , 又自己揭下書書咁, 叫佢"KISS MAMA & DADA PLEASE !! 佢又照做, 當然佢唔可以一步登天, 但見佢呢D小進步已經好開心喇!!  你要加油呀!!! 堅持呀!! 努力呀!!!

ivylai530

sorry呀大家, 好耐無入嚟post喇,因為我姐姐生左個女, 要幫手好忙好忙呀!!!

其實MOTHER GOOSE 係一d聽熟能詳既兒歌同埋一set有歌詞既書嚟咖, 可能每期送既野唔一樣啦, 但如果你有sing along CD, 我覺得唔需要另外買喇, 因為好多歌係一樣咖, 同埋我見出面買MOTHER GOOSE好似要成800蚊,唔抵呀!!!!!!!!

ivylai530

係呀, 我係BB展買咖!!!
呢排BB呷醋, 同表妹爭婆婆呀, 佢直情一反常態, 唔比我地抱BB, 好惡死呀, 又大吵大鬧,你地有無方法可以教下我, 點可以安撫到佢, 等佢正常返呀?我媽媽話佢而家唔肯午睡, 又寸步不離咁跟住佢, 攪到我每晚放工返到去,佢已經扭眼瞓, 令到我同DADDY 原本SET好左既每晚ET時間亂曬大龍咁 ,都唔知佢幾時先正常返, 好彩唔係自己生多個咋, 如果唔係都唔知點算呀!!!!最慘係, 佢之前都用得幾好,好順利嘛, 而家...... 都唔知點算, 唔通又要由頭開始?

原文章由 VIOLET媽 於 08-4-2 00:16 發表

大家好,好耐冇見~
SING ALONG CD係有好多兒歌既CD,因為之前BABY PACK冇貨要等,所以先會送,不過mother goose我都冇,請問你係咪係會展買

ivylai530

CAP ,小苯豬
你試下問下顧問啦, 睇下可唔可以補返一樣比你, 雖然果D係以前既兒歌, 但都幾好咖, 因為我地識同佢一齊唱嘛!!!!  

CHEZ,
HI !! 你搵到D資料未呀? 我之前PM左你喇!! 希望幫到你啦!!!!

大家加油呀 !!
我都要加油呀

ivylai530

嘩!! 9折, 慳左好多呀!!!!!

CAP , 我pm左你喇!!!

原文章由 easonkinki 於 08-4-13 18:44 發表
我買果時送左3樣野比我,1set baby school+1 set zing & sweepy手偶公仔連故仔書+1 set較深o既英文書(20本),原價再9折因為我識人所以先咁平

ivylai530

你送左D咩呀? 唔好唔開心啦, 可能每個時期唔同呢!!!!!

其實睇到BB對ET有反應真係最開心咖, 我每次見到佢跳舞呀, 唱歌呀, 睇書.......都不然覺得自己今次無嘥$咖(我平時成日買完D野好後悔咖), 大家真係要努力加油呀!! 我都要正常返咁同BB 用ET先得喇, 之前因為表妹出世攪亂個PLAN !!!

HI , J.Moreau
其實當初都睇左好多教材先決定買ET咖, 因為我覺得佢比較有系統D, 同身邊多朋友用緊嘛!!!我就比左幾款DEMO BB睇, 睇佢鍾意邊套多D先至再去BB展了解全套教材, 所以到目前為止, BB都好鍾意D人物,  仲每一次都好開心咖!!!分享當然無問題啦, 你多D上嚟呢個TOPIC啦, 佢地個個媽媽用家都好好咖, 一齊研究分享下嘛!!!
我自己有SET TIME TABLE嚟用咖,因為我係在職媽媽, 每日返到屋企都7:30PM喇, 唔SET TIME TABLE, 我就好亂, 好唔夠時間用咖喇, 而顧問都好重要咖, 因為我有問題, 第一時間都係問佢, 佢真係幫左我好多咖, 好NICE(仲好啱傾呀, 好彩當初唔係搵另一個男顧問咋,都女仔啱傾D)!!!至於邊度買平D, 我都唔知道呀, 因為我之前以為係D展覽買最抵咖喇, 但easonkinki 識人有9拆呀, 好抵, 慳左幾千蚊呀!!!   其實, 都係果句啦, 不如你攞隻DEMO睇下, 再約顧問介紹, 睇清楚, 考慮清楚, 畢竟, 每個BB都唔一樣嘛!!!
有問題PM我地吖, 盡量幫你問問吖!!!!

希望幫到你啦!!!

原文章由 catandpig 於 08-4-16 13:29 發表
baby school  係 d 咩黎ga ? 入面有 d 咩 ga ?

zing & sweepy手偶公仔連故仔書 又有d咩 ga ? 同唔同 ET 入面D故事 ga ?

1 set較深o既英文書(20本)  

[ 本文章最後由 ivylai530 於 08-4-16 14:27 編輯 ]

ivylai530

  baby school 同而家ET baby pack d內容好相似呀, 會唔會係新舊版? 但真係好好玩, 我地最鍾意玩著衫衫!!!!!

原文章由 easonkinki 於 08-4-16 22:51 發表

baby school係有玩具&圖書,好好玩,有教好多野,例如教男女身體&衣著o既唔同,教大小,高矮,長短,型狀...等,去小便/食飯前要洗手,有好多日常會發生o既事都有
故事書同et入面內容無關,本書講污染環境

較深o既書就全英文 ...

ivylai530

著衫衫咪BABY PACK其中一本書, 應該係放左最右手邊果格, 每一頁咁揭, 由底底開始, 著衫, 裙, 一路去到鞋仔果本呢? 我地次次玩到碌光豬, 我個女就會勁笑咖喇!! 要即刻揭返轉頭, 幫佢著返D衫, 女仔嘛, 要學識好好保護自己咖!!

原文章由 CAP 於 08-4-17 10:43 發表
真係好似 wor

ivylai530, 你果套有得玩著衫衫咩 ?

easonkinki, 你係唔係買 full set ga ? 咁以前同而家有咩分別呀 ?  你就好啦, 咁抵有 discount

ivylai530

我未開始比BB玩呀, 咁要快D READY 好曬D野先得喇, 唔可以浪費左BB呢個黃金時期咖!! 係呢, 可唔可以分享下你係點分配, 同埋你既用法呢?

原文章由 HWCwing 於 08-4-21 22:51 發表
請問你哋有冇比 bb 玩套 Maths 嘅教材呀? 我之前放埋咗一邊，完來要玩喇!

ivylai530

各位媽媽朋友, PLEASE HELP !!!!
事源我地自新年後, 因為表妹出左世要幫手, 又遇上彤彤豬豬呷醋鬧情緒, 所以手頭上既學習幾乎停頓落嚟, 到今個月, 原以為一切開始回復正常啦, 準備再繼續開始, 點知, 問題就開始出現喇!!!
1. FLASH CARD不知可以從何入手, 比DADA整亂左呀 !! (我係自製咖, 整完佢先至出咋), 有無朋友仔可以分享點用呀, 我之前實在太忙, 錯過左個TALK呀!!!!
2. 唔知點解我有時想播CD比佢聽, 但佢好似唔多高興咁, 一定要播DVD, 你地有無試過呀? 佢而家14個月, 我地之前一直用得都好順利咖, 但而家一用返佢就咁, 都唔知點算好!!!!
3.一攞卡機出嚟佢就搶喇, 又怕佢整爛D卡, 但又想可以一齊玩, 你地點玩卡機咖? 我之前係同佢一齊坐係地度, 我放卡, 佢就睇囉, 但而家......
4. 因為佢開始可以自己行喇, 所以總係坐唔定咁, 唔好話睇書書啦, 連想講故事比佢聽, 都未講到兩頁咋, 佢影都唔見埋呀 !
好苦惱呀, 你地有無一D好既方法呀!!!
THANKS !!!!

ivylai530

WINNIE335506 ,
你好有心機每日咁陪佢學習, 佢一定好快見到成績
我同CAP一樣都要返工, 所以, 每日要好好把握每晚既親子時間, 唉....突然亂曬大龍真係有D灰心咖, 好似之前D努力白費左咁,但係, 正如你地所講, 慢慢嚟啦 !! 又見到你地既分享, 我都要重整旗鼓, 再努力加油先得喇!!!!
FLASH CARD果邊, 其實因為我之前係其他TOPIC同D媽咪分享杜曼, 之後自己睇書同自製FLASH CARD, 所以突然求助無門咁, 但而家好好多喇, 啱啱識左幾個YAHOO BLOG友仔媽咪, 佢地都係自用緊呢個方法教BB, 就好似呢度咁, 大家有咩問題都可以一齊分享下, 互相鼓勵一下,
好彩有一班志同道合既媽咪朋友咋!!!!
大家加油呀!!!!

[ 本文章最後由 ivylai530 於 08-5-7 11:55 編輯 ]

ivylai530

多謝你既鼓勵呀!!! 我會加油咖!!!

係呀, BK都有好多TOPIC講杜曼既FLASH CARD咖,我係自己整咖, 因為之前得GC有得買, 但書講D卡會用得好快, 同埋書入面係建議家長自己整, 咁就會更切合BB既生活環境嘛!!!我而家就係自己寫字卡, 但百科卡我應該會用POWERPOINT喇!!! 有一位媽媽佢好好咖, 佢整左一個WED "開心家庭網", 同大家分享杜曼教育, 仲有好多教材DOWNLOAD, 你可以去睇下!!! http://www.happyfamilynet.com/baby/  
而書就係商務, 三聯....都有 , 書名係 "如何教寶寶數學", "如何教寶寶閱讀","如何教寶寶百科知識", 同""如何教寶寶更聰明" (呢本總括咁介紹曬之前果三本書咖), 希望幫到你啦!!!

原文章由 CAP 於 08-5-7 15:44 發表
你之前用得咁好, 一定可以回復之前咁既.

我見好多人用 flash card 都用得幾好, 都想了解下.
你係自己整d卡定係用 power point ga ? 杜曼 d 書邊度有得買呀 ?  

...

[ 本文章最後由 ivylai530 於 08-5-7 17:22 編輯 ]

ivylai530

  經過左呢個多星期既努力同重整, 一切都重新準備就緒喇!!!!! 星期一我地就可以繼續我地既學習旅程喇, 而且, 我仲重新SET返好個PLAN, 要加埋flash card嘛 , 另外, 我都要開始著手整埋D 英文卡,成日都揸唔定主意, 用返之前準備好既英文字好定同et相關好呢 ? 攪到遲遲都未寫好, 要盡快開始先得喇, SET比自己最遲星期日一定要完成呀!!!  BB已經15個月,遲D又要開始返playgroup,  要把握時間先得喇 !!!:
大家呢排用成點呀?
CAP你搵唔搵到本書呢? 我自己都好認同杜曼閃卡呢個方法咖, 各位媽媽朋友如果有用開都一齊係度分享下吖!!!!!
大家都為左BB而努力, 加油呀 !!!!

ivylai530

多謝你既鼓勵呀, 大家一齊努力加油呀!!!!
你有無用杜曼閃卡呢個方法教BB呀?
我而家努力咁整緊字卡,

同埋將一D時間表, 教學法等......
upload 上 yahoo blog (click "我的網頁" ), 希望大家一齊交流同時分享下嘛!!! 如果你地發現有D咩地方錯左, 記得話我知呀!!!

原文章由 VIOLET媽 於 08-5-17 01:14 發表

HI,ivylai530
     真係個好媽媽,你會做到既,加油

ivylai530

其實閃咭呢個方法幾值得一試咖, 因為佢最終都係希望BB喜歡閱讀, 而我地用ET都係希望培養BB閱讀習慣同對英文既興趣嘛 !!!
我係星期一開始左照返自己既PLANNING 用 ET 加埋閃卡喇!! 雖然要返工, 但時間上都可以控制到, 因為"杜曼"係可以彈性咁控制字卡數量, 只要係BB心情好既時候先同佢玩, 所以暫時都OK呀!!!!!!
如果搵唔到本書, 可以上網SEARCH下, 我都見有好多咖!!!!或者問下教育顧問呢方面既資料,佢地而家出左呢SET字卡, 係呢方面應該都好有認識咖喇 !!! 或者我地大家一齊交流下吖, 不過我自己都係初哥, D字卡仲係自製咖咋!!!

ivylai530

cap
係呀, 書都建議自製卡, 因為應該由BB四周既事同物問始教, BB會易D學同接受嘛!!!!但係剛剛開始, 一次過要整咁多卡真係有一D吃力咖, 但整完就好有滿足感,如果到時你要訂紙你話我知吖, 我之前係BK有另一個媽媽幫大家訂D啱 SIZE既紙, 我有KEEP住張單, 有間公司電話, 價錢都OK咖!!! 而市面上既卡, 我之前都有睇過, GC應該係最平, 或者有一D媽媽會集體印卡, 都唔貴(我都有一D資料), 會慳返唔小時間,容易起步好多咖!!!!但到後期, 始終都要自製卡, 因為好快會教完唔夠用咖
其實DADDY唔高興或者唔支持, 可能係佢地暫時未太了解BB學習發展, 同學前教育既重要 ,始終我地上一代既爸爸媽媽唔明白學前教育, 會覺得我地亂洗錢,但呢度都有好多DADDY一齊分享咖, 放心啦, 只要你努力, BB會幫你証明你既選擇係啱咖!!!加油呀!!!!
講返我彤彤呢, 加入埋閃卡之後, 個D時間緊迫左好多呀 , 有時未必flash 到3次,或者未必玩到卡機, 或者未必講到床邊故事, 但, 順其自然啦, 抱住心情輕鬆咁同BB玩, 唔當係一件工作, 我覺得會開心好多同無咁大壓力呀, 但我會KEEP住每日一定睇到一PART DVD囉!!!!
你地進展成點呀?
有無上PLAYGROUP呀? 我都差唔多要問定喇!
另外, 我打算報7月果個教材應用工作坊, 想重溫多次睇下有咩問題, 可以即時發問嘛!!我覺得呢個TALK 真係好好咖!!!!

[ 本文章最後由 ivylai530 於 08-5-27 22:59 編輯 ]

ivylai530

唔好咁客氣啦, 大家都有一個共同目標, 就係為左BB既將來好!!!
有咩問題 , 一齊分享研究下啦 !!
唔好比咁大壓力自己, 迫自己一家要跟足咁教, 因為放左工, D時間所餘未幾喇, 除左想教好BB之外, 最緊要係享受同BB相處既時間嘛!!! BB好叻咖, 如果心情唔好, BB係FEEL到咖!!!
尋日放左一日假係屋企陪亞女, 見到佢而家識行, 覺得時間過得真係好快呀, 咁就15個月大喇, 記得25個月前有左佢果時, 仲諗住從此被困, 渡日如年! 但而家又驚BB好快大個唔痴我地喇!!!
做人亞媽真係矛盾!!!

原文章由 CAP 於 08-6-4 00:36 發表
hi ivylai530,

我上星期終於係三聯搵到杜曼既書喇, 而家努力"砲"書, 希望快d睇完教我囡啦, 我有唔明再請教你呀, 真係唔該哂.

我而家都唔理我老公鍾唔鍾意, 反正都買左 lor , 目前只係諗住點教個囡.

我 ...

ivylai530

hihi !!! 我都打算報今次呢個呀, 到時睇下有無機會相認先!!!

原文章由 sin_928 於 08-6-6 15:07 發表
hello everyone,

long long time no see, cos im being lazy
i book the class on the 15 July, hope can get some idea n get back on track la, dont want to waste the material !!!
is anyone going  ...

ivylai530

amis1573
吓 !! 可唔可以透露係邊位顧問咁可惡呀?? 我都用左9個月喇, 好彩個顧問都好好, 有問題佢都好快覆到我, 之前要換DVD佢好快就跟進左喇, 但PLAYGROUP我亞女就未開始上呀, 因為要bb OVER 18個月先可以報嘛!!! 但見到你既POST, 都有小小擔心呀!!!!
咁你而家用成點呀??? 我地有幾位mama都打算去7月既工作坊呀, 不如一齊去啦, 順便可以到時問問有無咩方法幫到你嘛, 唔好咁勞氣啦, 咁貴買套教材, 咁既服務又真係過份, 但無謂因為一個不負責任既顧問, 而嘥左你D錢嘛!!!!

ivylai530

  HI HI , 大家呢排用成點呀?? 呢排靜左好多呀!!! 就快又到8月bb展喇, 大家會唔會去呢?? 我要去買玩具比彤彤呀, 睇嚟到時又要同人迫喇!!!!
轉下眼, 就用左10個月喇, 雖然中途因為表妹出世, 彤彤停左一個月有多, 但總括嚟講, 佢既進度都理想咖, 見佢每次睇dvd時會唱歌跳舞(雖然我唔知佢唱咩 ) , 又會自己攞書書咁, 又聽得明一d簡單既指令, 我都覺得好開心呀 !!! 你地呢?
我已經BOOK左15/7既工作坊喇, 大家係度傾左咁耐計, 記得如果到時有去, 一定要相認返呀 ,好期待呀 !!! (相認記號: me: 5尺6/7高, 肥媽嚟咖(今日開始減喇 ), 長曲髮, 同4眼肥DADDY一齊去咖!!!!! )