07-08年宏福幼兒園媽咪繼續入o黎傾~(PART 4)~歡迎新朋友加入

ElainAiolia

Dear all mami,

新年快樂，身體健康，工作如意，心想事成，夫妻和睦，仔女聽教聽話！

ElainAiolia

天藍,
如你所願，希望子聰快D好。

今日子聰會返普通話班，但我已remind佢記得帶口罩，尋晚我仲叫佢講普通話o既1-10及佢個名我聽o忝，好似都幾正咁。

rplyan,
我唔記得放低D相比印印，叫佢今日攞比旻旻o忝，唯有下星期先比la。

ElainAiolia

Dear all mami,
今日我經我家姐D  friend book 機票 (31/3) 比印印返印尼，直航去四水，淨機票 $1,500-，另機場稅約 $220-，唔知抵唔抵呢？點知我 book 完，諗住話比我印印知等佢有心理準備，佢居然問我可唔可以 8/4 先返，其實機票我可以改，方便我攞假
之餘，仲可以就個新印印有機會遲到香港，無人幫我揍子聰o忝，但佢份contract係12/4到期，咁佢遲o左走，唔知果個月我要點樣補錢比佢呢？但我聽日都要問o下8/4 D機票貴唔貴呢？因為近復活節o麻！如果貴，我都會book 31/3比佢走。

天藍,
昊藍真係o力仔，去戲院睇戲唔喊，咁佢有無一邊睇戲一邊食o野？

rplyan,
旻旻果然犀利，可以食到咁多o野，但未至於要減肥，因佢都唔係好肥o者，只不過佢郁動多，先食咁多o野o者。如果係子聰食咁多o野，我o地就驚la，因佢一蝗蟲上身，儲夠糧，佢就會病，所以唔太想佢狂食。

626mama,
你星期日有無去攞o野，記得8/2帶番果D袋去裝o野，因到時無得再派。

ElainAiolia

Dear all mami,
我諗諗o下，諗到我印印點解要8/4走，因我睇佢passport，佢係2005-04-08 o黎，如果8/4走的話，有機會比佢見番當日一齊o黎果班姐妹，雖然我問過好似相差100-200蚊左右，但我仲考慮緊比唔比佢遲走，因佢做o野越來越差，真係谷到一肚氣。

呢排公司勁多o野做，今晚仲做到八點幾o忝，仲要個同事陪我一齊留堂o忝 (因我要做果樣o野，佢比較熟D)，真係有D唔好意思，希望佢唔好介意la。

ElainAiolia

626mama,
原來你31/1及1/2無去到攞o野，早知你一早放低張form係我度，等我幫你攞埋la，你6-7/2去攞好似好趕，佢o地仲有無其他日子攞？

你隻腳仲痛，真係要好好休息o下，揾個好o既跌打睇好佢，因我o地年紀大，復原得慢D，好似我上次整親隻腳咁，都搞o左好耐先好番，最後係要等D筋自己慢慢好，先唔再痛o乍。真係唔得，唔好免強，為有等出年再報過，但你都唔好蝕低，一定要去維園攞o野，因有件跑衫、一個紀念章，都直得儲起。

如果你真係唔想比o左錢唔去咁浪費，我可以陪你行，當參與o下o羅。

你要請工人公司D資料，無問題，我會sent e-mail 比你，再唔清楚打電話比我都得。但你個朋友請果個係o米無做過o野o架？因無做過o野o既印印真係好蠢，聽D人講有D蠢到激鬼C你o忝。

天藍,
我無問過我工人點解要8/4走，佢又『爛』無所謂咁話如果book唔到8/4機票，31/3走都無問題。

ElainAiolia

hongmimi / pcdogxx,
你o地好耐無上o黎，係o米好忙呢？


22/2協康去旅行，你o地交畫班學費時，有無同佢o地講補堂D時間？子聰同昊藍上個月同今個月都有唔同事要請假，所以今個月總共要補4堂，佢o地全部補黏土班，仲要係得佢兩個，時間係星期五普通話之前上，我覺得D時間幾好。其實係Miss Lam特別同佢o地補，因補堂D時間全部都同佢o地畫班、英文班及普通話班撞，所以先就佢o地o乍。

ElainAiolia

Dear all mami,
好開心，仲有半日就收工，可以放四日假，但亦都擔心今晚要收遲工，因有份o野好趕，一定要今日起貨，希望唔洗收遲la。其實聽日上午book o左健康院幫子聰驗眼及check 發展，因滿四歲要返健康院做呢兩樣檢查，你o地到時都要記住book。另外，星期五印印上午又要覆診，我驚佢趕唔切返o黎接子聰放學，再加上子聰下午去check牙，所以先放假o乍，佢check完牙會即刻去上黏土班，應該趕得切o既。

天藍,
莫講你見我印印多過我家姐見，連我家姐同佢個工人都覺得我印印懶到C，我家姐個工人直情同我家姐講，話見到我印印好多時無乜點理子聰，再加上子聰越來越瘦，好似好不負責任咁，仲問我家姐我請o左工人未，記得請個好D比子聰，等佢唔使咁瘦o麻。你話我聽到心唔心痛。

仲有一個月仲提乜鬼呀，又唔係無提過，聽先得o架，而家我o米同你12月時o既心態一樣，想快D過埋三月，等佢走o左o米一天都安樂晒。

昊藍整爛o左果隻VCD，我就無乜印象屋企有，但我今晚返屋企揾ｏ下再答你。

ElainAiolia

Dear all mami,
子聰4/2開始返學，夜晚已經話唔返學，唔知係o米放假放得太耐，先至唔想返，但最搞笑係佢居然識講話佢個身同心都唔想返學，希望佢快D無o野la。

今日去健康院 (葛量洪) check 眼及發展，首先去check 眼，我諗果個應該係醫生，一坐低佢就問有無發現小朋友對眼睇o野有問題，其實我o地入去間房之前，我已經幫子聰除o左眼鏡，但我見果個醫生講o野咁誠懇，o米老實話佢知子聰有散光，之後佢問o左好多有關子聰點發現有散光、係邊度驗、邊度配、事後有乜o野要跟進等，之後就好似平時我o地驗眼咁睇遠近公仔、睇大細英文字，最後結果係左眼深過右眼，叫我跟番私家醫生o既覆診日期驗眼就得la，唔需要再返去跟進，但果度唔見有眼鏡舖果D度數眼鏡比小朋友戴。

之後去o左度高磅重 (要除淨底衫同底褲)，佢身高107 cm，即100個同齡小朋友排75咁高，體重16.1 Kg，即100個同齡小朋友排50咁重，姑娘話因為佢高所以影得佢瘦o者，唔使擔心，有關發展，姑娘只係問有無o野令家長覺得子聰有問題，比如話講o野有問題、進度比人慢、學校有無投訴、飲食有無偏食等，傾完之後o米話健康院只係跟進0-6歲o既小朋友，6歲以上，即小一，學校會再有人跟進，但6歲前若遇到小朋友有乜o野問題，都可以隨時打電話番健康院約見醫生。

ElainAiolia

626mama,
尋日軒軒放學左半邊身由低濕到面，濕晒。問佢又唔講，學校又話唔知，原來仲要唔係第一次，學校居然覆你話軒軒去洗手間時整濕，有無搞錯，我o地已經放o左套衫褲係學校 (天藍唔講都唔記得o忝)，就算整濕都應該同佢換先得o架。上次子聰整濕褲，MissKaren都有打番電話比我，話我知無換褲，係因為子聰整濕褲時，校車已到同埋諗住佢係頭站落車，為o左唔阻其他學生放學，先至唔幫佢換。但我問過子聰知唔知軒軒做乜濕晒，佢好似一舊雲咁話唔知，所以幫唔到你。

其實點解你覺得軒軒同你 / 軒爸有隔膜？可能因為你o地以前唔係成日見，反而佢見細EE仲多，變o左佢有乜事都同細EE講，而唔同你o地講，但相信而家一切住後，比多D時間佢會有進展o既。而我同子聰成日都玩到好癲，有時我甚至乎問佢，叫佢估o下D同學mami會唔會同D同學玩到咁癲，佢話應該唔會，除o左玩，佢都會同我傾o下計，好多o野都肯講。希望你遲D可以同軒軒講秘密la。

ElainAiolia

天藍,
4日假期，今日除o左帶子聰去健康院，及約o左以前D同事食lunch外，無乜點做o野已用o左一日，我諗好快會過晒呢4日。

我工人而家有時懶到我真係想鬧佢，不過諗住子聰仲要佢揍，我都算，為有忍o下，我都希望新個工人會好D，同埋到時會睇緊D個新工人。

你老細突然咁好，笑晒比你放假，你真係執到，可以咁順利請到假，簡直開心到痹，有關宏福去旅行D時間及地點，我星期五 / 星期六話你知，但都係暫時 (根據上次報名時的資料)，因學校仲未有再出通告，再有更新消息再話你知。

ElainAiolia

Dear all mami,
協康又舉辦旅行，唔知你o地收唔收到佢o地sent比你o地o既e-mail，你o地睇o下有無興趣。15/3 (星期日)，10:00 a.m. – 5:00 p.m.，曹公潭户外康樂中心，會員價：大人、細路 (3-13歲) $40-HK。

另有關子聰唔想返學果度，MissKaren暫停揾到個原因出o黎，但唔肯定係o米真，就係佢果班有個同學叫Hilton，佢經常只會同番自己果group人玩，再加上佢成日行路啞啞喳喳、同埋個人比較粗魯(以上兩句出自Miss Karen口)，老師又經常叫佢唔好曳，所以相信子聰已標簽o左佢係個壞學生，據Miss Karen講子聰話驚Hilton會蝦班中另一小朋友(該小朋友年紀比較細，係N1又同子聰同班，再加上子聰好照顧呢個小朋友)，但子聰又從未見過Hilton蝦呢個一小朋友，我o地覺得佢呢個諗法好奇怪，但唔否定我o地以上推測有機會o岩。

ElainAiolia

天藍 / pcdogxx,
有關宏福旅行D資料，已經sent o左比你o地，請check e-mail。

天藍,
真係快樂不知時日過，話咁快又過o左4日，真係想唔做o野淨係揍子聰，可惜發夢就有我份。

626mama,
放係學校果套夏季衫褲，已經係1月份，退回比我o地及叫我o地攞番套冬季衫褲返去o羅。

有關整濕褲果度，我諗你試o下同Miss Sally講o下，或者有用呢？

「油牆」假期所安排o既行情，真係緊湊到飛起，但無返工o既壓力，已經抵番。

8/2，你有無去到渣打10公里賽事？我本來15、16去唔去，但後尾都去o左，天氣好好，唔太凍，又有少少風，最重要係我今年行比跑o既時間多，所以最後到終點o既時間比舊年慢。

ElainAiolia

rplyan,
今日又會咁o岩撞到你o地，真有緣la。

hongmimi,
由你老公口中得知佢就o黎轉工作環境，希望佢OK，因個返工時間o岩晒你心水la。

ElainAiolia

626mama,
有關換夏季衫褲係學校主動叫換，會唔會係你o地放係學校套衫褲，係長衫長褲，所以佢o地無叫你o地換o乍。

8/2，我有同事同我一齊去，不過係佢有佢跑，我有我行o者，只不過大家約係終點等，之後一齊走o羅。

ElainAiolia

626mama / pcdogxx,
你o地講果D櫈仔，其實我都有興趣買，不過我見子聰每次去廁所開大大時，佢都唔需要用o野幫助，就可以好安全咁坐係上面，反而佢企係宜家o既圓櫈仔上面就跌o左好多次係地下 (因為佢企係上面刷牙)，唔知你o地講果隻櫈仔企係上面，夠唔夠高企係上面刷牙呢？

hongmimi,
我都覺得匡匡「文曾」好多，果日佢仲經常性係課室o益出o黎問匡爸o野呢，再加上佢果班同一時間走晒D同學，難免有D失落，希望佢只不過呢排心情唔好，相信好快無事。

22/2，我無記錯有我、626mama及pcdogxx，都有參加，我諗應該去得成o卦。

匡爸轉工作環境，除o左係得快樂時且快樂外，亦有助佢未來發展，我完全贊成，記得第二時升o左，唔好唔記得我呢個小小小下屬，多多關照我兩公婆呀，哈哈！

ElainAiolia

天藍,
昊藍生日會你暫時預我o地兩大一小先，因唔知聰爸有無假放。

宜家好似沙田 / 九龍灣比較近。

ElainAiolia

rplyan / 626mama / 天藍,
莫講你o地無記性，我都係，我雖然係順產，但因以前做過2次婦科手術，全身麻醉，所以記性超級勁差。

天藍,
昊藍病o左，真係要多D休息，而家D病菌咁犀利，一定要睇醫生先安心。希望昊藍快D好番可以一齊去旅行la。

ElainAiolia

天藍,
宏福今日派o左旅行通告，14/2，上午9時係青衣綜合大樓在旁邊之球場集合，你跟我架車，「6」號車，車程約一小時，地點係保良局北潭涌渡假村，下午3:15 p.m. 集合離開上址，當日朝早集合時，每人會派一張label，憑呢張label可到飯堂用膳 (即包lunch)。

ElainAiolia

Dear all mami,
尋日我o地玩得好開心，尤其係D小朋友走晒去吹bubble o既時候，簡直好似我o地自己搞去旅行一樣，美中不足就緊係無o左昊藍係度la，希望下次再有機會。

rplyan,
果日聽完你講有關interviewD o野，真係收的話，好有壓力，但繼續係到讀，又擔心，真係難為你作出選擇。

天藍,
昊藍休息o左咁多日，好D未？

我sent o左e-mail比你，你check o下。

ElainAiolia

626mama,
果日旅行下午，因落雨關係，我o地係食飯樓下買o左個樽入彩沙，後o黎分開玩，表姐去o左同pcdogxx佢o地踩單車，子聰去o左玩跳彈床、roller、之後去番朝早個空地度玩放飛機，同埋周圍跑，本來我o地都想去玩水上單車，但又係聽人講話唔夠時間，所以無玩到。