兆麟聖彼得堂 06 k1入來傾下丫

Rion媽咪

你地好呀

我個仔叫比比, 讀上幼a, 大家好

有冇同學仔呀

Rion媽咪

Shriley,

你好呀, 我隻豬都係啤梨組喎

SHRILEY 寫道:
[quote]
Rion媽咪 寫道:
我個仔叫比比, 讀上幼a, 大家好

有冇同學仔呀

有呀, 我個仔仔駿駿都係上幼A呀, 係啤梨組    [/quote]

Rion媽咪

唉, 我都係啱啱先簽完哂d通告咋    

今日比比個老師打比我, 話佢上堂時幫手執玩具, 放學時見枱底有件玩具冇執, 就即刻捐入去, 出黎時撞到個頭, 嚇得我呀, 仲以為好大件事tim, 老師打黎講喎...(以前讀青山村正校都冇嘅), 不過聽到老師話佢冇喊, 即係冇野啦 :wink: 我隻蛇gwee鬼有事仲唔mark大喉嚨喊咩   

Rion媽咪

請大家幫幫手, 我真係咩都唔知, 平時番工婆婆湊, 樣樣都話唔記得 有咩話過我知呀, 唔該哂

其實...聽日洗唔洗帶書架

Rion媽咪

吓??   我諗...我呀比今日咩書都冇帶喎

Rion媽咪

婆婆話比比而家日日一番學就去電腦室玩電腦, 冇同學仔同佢爭野玩, 人家個個掛住玩"真"玩具...

阿仔, 媽咪冇諗住咁快要買電腦比你喎 :flag  :flag  :flag

Rion媽咪

我覺得課室裡面同出面嘅氣溫都差小小架, 小朋友真係要帶定外套呀, 玩到成身汗好易領野...

病病嘅小朋友們, 叻叻快d打低病菌, 番學一齊玩啦 :wink:

Rion媽咪

今日去旅行我個仔好唔開心...

老實, 我覺得學校安排有d混亂...

8:45响課室集合, 幾拾個大人細路哩响課室等到9:15先出課室門口再排隊等, 等到9:30先有得上車!

我都估到仲要等, 所以最後先同比比出課室, 變咗排最後, 但上到車全部剩番哂d單位, 因為通常1個細路, 2個大人, 咁一人3個位咪剩番d單位囉, 咁我冇可能叫比比自己一個同其他人坐一個位, 嗰一刻我expect老師會出面解決, 點知老師只係企响度睇, 其他人又完全冇人讓, 咁我諗緊不如抱比比坐一個位啦, 婆婆坐邊都冇所謂, 呢個時候阿校長又走上車話個老師:你應該知道邊d人最後報名, 邊d人有冇位坐, 老師都唔知點答好...又有d人响度問咩事, 我聽到有人答:唔係冇位坐, 係水都要坐埋一齊姐! 我聽到好唔開心!

最後, 終於有個太太肯起身抱個仔同公公一齊坐, 比比先有位坐, 但坐底之後比比"dump"底頭唔出聲, 我問佢咩事, 佢好唔開心話:媽咪呀, 係咪唔比我地去旅行呀? 點解呀? 我好奇怪點解個仔咁講...佢話:我地冇得去旅行呀, 老師唔比我地上巴士坐呀!  最後我用咗成個車程去同比比解釋唔係唔比我地去旅行!

去到影完相就各自活動, 我由頭到尾都唔知邊d係比比嘅同學, 邊d係教比比嘅老師, 我expect呢個係一個大家互相認識嘅聚會, 但只係自己有自己去悶囉

Rion媽咪

celia,

我都知人多, 咁學校都預計到咁多人, 其實可以分段安排時間集合同上車架, 我見好多大家都抱小朋友抱得好辛苦呀!

唉, 做早操時, 我個仔咪就係仲閙緊情緒囉, 佢企响度咩都唔做呀, 爭在冇喊, 算叻架喇

celia_ip 寫道:
Rion媽咪,

唔好咁唔開心啦, 成千人一齊去旅行, 係咁上下架啦, 一個老師要睇成七,八十人, 都好難照顧得咁全面, 不過係早上等車o既時候真係幾辛苦, 準時八點四十五分到課室集合, 九點二十分先出百佳門口等, 九點四十五分先上車, 足足一個鐘呀
囝囝係咁話要抱, 我地返開下午班o既, 小朋友平時無咁早起身, 真係幾辛苦架~  :tongue:  :tongue:
去到影完團體相就上去一齊做早操, 睇見佢地成班係度跳下跳下,好攪笑    跳左三隻歌跟住就各自活動, 好彩亞囝平時夠八, 自己搵左個同學仔一齊玩, 全日都手拖手, 好恩愛  

Rion媽咪

Hi, Shriley

你好呀, 原來嗰個係你呀!    唔洗唔好意思, 小朋友係咁架啦, 比比都要學吓點樣同小朋友sharing, 佢一時時做到架咋...

我都覺得今次去旅行好悶呀, 我expect係會有自己一班集體活動嘅時間, 等家長同家長/同學仔互相認識吓, 車, 自己去玩, 我洗鬼咁樣去咩, 好辛苦放到日假同個仔去旅行, 連同班家長/同學係邊個都唔知, 冇意義囉!

Rion媽咪

catnapper,

我原本諗住番去慢慢寫, 點知上到車突然話要交, 寫唔到呀, 個仔又扭要抱住訓....

catnapper 寫道:
Rion媽咪,
唔好唔開心, 你有無將你的意見寫在意見表中交給學校等佢地下次可以改善下.

你多d入o黍傾下計丫.

Rion媽咪

accsu118,

係咩? 水喇, 我唔記得tim, 係咪樹下面嗰度呀?  之前嗰晚比比好緊張, 我地猛諗帶咩帶咩, 比比為咗d糖搞到成點幾先訓呀, 我整野食都整到3點幾, 唉, 可能我同個仔都對學校旅行太大祈望, 所以咁唔開心 :cry:

Rion媽咪

我記得喇!      

accsu118 寫道:
rion

c唔識點形容tim, 可能婆婆就會知我係邊個    , 在路口我同個女&同學仔&他mami一共四個人, 預備行去換禮物那條路.    唔知你明唔明, 不要緊我們還有很多機會見面 [quote]
Rion媽咪 寫道:
accsu118,

係咩? 水喇, 我唔記得tim, 係咪樹下面嗰度呀?  之前嗰晚比比好緊張, 我地猛諗帶咩帶咩, 比比為咗d糖搞到成點幾先訓呀, 我整野食都整到3點幾, 唉, 可能我同個仔都對學校旅行太大祈望, 所以咁唔開心 :cry:

[/quote]

Rion媽咪

各位, 又好耐冇見   

我地都抽唔到去旅行呀, 又唔知要火鍋圖片, 點解唔寫响通告架? 上個禮拜又唔記得咗去整溫度計

不過呢, 之前好耐之前咪有個咩身體檢查响qe嘅, 嗰次交咗張相架, 尋日有人打黎話比比入咗全港親子餅印大賽頭20名呀, 10號有得去總決賽呀