創價 2008-K1 家長 Part 2

Chickee

各位媽媽:

恭喜發財!祝大人小朋友都身體健康, 萬事如意呀！

天藍:
我地新年都帶左阿仔去睇佢人生第一套戲, 我地睇波兒, 佢都好開心, 不過中段有d緊張位, 佢就有d驚囉, 佢話下次唔入戲院睇, 係屋企電腦睇就得喎! (因我開過d 波兒youtube俾佢睇)。佢而家日日都「波兒波兒波兒肚子漲卜卜....)不離口。

Chickee

天藍, jk923,

我估阿仔都唔係話非常明白波兒個中心主旨, 不過就咁當普通一套卡通黎睇, 我覺都ok既。阿仔好鍾意波兒, 話佢好得意, 又話佢同忠介係好朋友。

我為左投阿仔所好, 背左波兒歌詞唱佢俾聽。唱左兩日, 佢都無咩跟我唱, 點知擒晚佢一口氣唱晒成首, 我好surprise呀！

Chickee

唔好意思, 呢排少上黎, 而家先睇到你個message。

份歌詞我俾埋阿仔一齊睇, 順便教埋佢認字。

原帖由 chy1015 於 09-2-3 14:25 發表


chickee,
唔駛lak,朋友已經俾咗波兒歌詞我lu, thanks anyway!

Chickee

俊豪都係禮貌獎。

原帖由 天藍 於 09-2-4 09:48 發表
昊藍拎個"禮貌獎"
真係唔知係咪個個有獎。

Chickee

我都會帶埋阿仔去！

原帖由 carmenwong0208 於 09-2-4 14:19 發表
我個女尋日話下午班第四組既小象組黎左一個新既同學仔~~ 如果嗰位媽咪見到post, 同你say個hi~~ 我個女都係小象組, welcome呀~~
另外想問家長日有無媽咪會帶小朋友返學校? ...

Chickee

天藍:
多謝你讚佢。阿仔而家開始改歌詞tim, 唔肯正正經經唱啦, 好彩我果日有錄起, 坐車或得閒無事就攞出黎聽下, 呵呵呵, 你唔好笑我咁痴！

波兒我真係覺幾深的, 可能我無留心睇(呵呵呵, 我全場掛住望住阿仔d表情), 特別係最尾, 忠介既媽媽同埋安老院d婆婆落左水底, 係唔係意思係佢地過左身? 但點解之後又可以係水行番出黎? 同埋波兒爸爸開頭係反對波兒變成人的, 點解無端端又唔反對? 你睇左解我知呀！

原帖由 天藍 於 09-2-4 11:15 發表
Chickee,

俊豪真係好叻仔! 唔聲唔聲一口氣唱晒成隻歌,
好記性又叻仔!!!
我同俊豪一樣覺得波兒好得意, 好可愛, 上次
帶完昊藍睇戲, 昊藍好似上隱咁係咁話要
再睇戲, 我想今個星期日帶昊藍睇埋波兒, 所
以問 ...

Chickee

各位媽媽:
近排公司唔多放便上網, 所以好耐都無上黎, 大家好嗎?

我地見家長果日, 老師第一句就話俊豪係屬於比較文靜既小朋友, 之後又讚佢乖呀, 合作呀, 好少同小朋友爭野, 好少推人打人果d事。我同老公聽完, 都忍唔住想笑, 因佢平日同老師形容的, 簡直係兩個人, 佢平日係出名多咀和粗魯的。雖然我地都知有d小朋友在家和在學校可以有完全唔同既表現, 不過老師既形容vs我地平日所見, 真係兩個極端。不過我信阿仔係學校真係會特別乖, 因果日佢自己一個係課室外等, 全程乖乖坐低無離開過, 自己睇書, 如果平日食飯都係坐得咁定就好了。

阿仔12月時打左流感針了。打左流感針唔代表一定唔會傷風感冒, 每年既針, 都係估計當年最大機會流行邊款病毒, 針對性咁做出黎。如果中的是其他病毒, 都會病架。而家咁多唔同款病毒, 估唔中都唔出奇。

唔知下星期去旅行係唔係上下午班一齊出發呢? 我地可以相認下喎！

祝文慧, 昊藍早日康復。

Chickee

天藍:
呵呵呵...我怕你到時見到俊豪個"靚"樣, 會好失望呢！我都會帶粟米呀, 或者雞冀啦, 阿仔鍾意, 或者少少壽司。我打算都係食少少, 解散後先再食lunch。

等老師出左旅行詳細資料後, 我地再約呀！

我無收到老師叫做義工既電話喎。

原帖由 天藍 於 09-2-17 11:47 發表
Chickee,

見到你上o黎好開心呀!!! 好耐無見啦!
昊藍同俊豪都一樣係學校同屋企係兩個人,
但俊豪分別就大d, 屋企好活潑, 係學校好
文靜, 昊藍就係係屋企同學校都係咁多嘴,
唔同既就係係屋企昊藍好有自己既主意好
硬頸 ...

Chickee

近排真係好多人病呀, 唔好話小朋友, 大人都係, 我部門都有7,8個人打敗仗。希望巧妍和卓樂都快d好番啦！

星期六我打算帶膠台布去坐咋喎, 輕便d嘛！

Chickee

天藍:

多謝你詳細資料呀！

等我都去睇下有無雨衣賣先！

carmenwong0208,
希望你小朋友都快d好番啦！

Chickee

天藍:
果日終於同你相認喇, 真開心！可惜我地果日都要各自招呼我地阿仔, 都無時間同你傾下偈！

All:
睇黎各位星期六都玩得好開心喎！我阿仔就超開心, 其實星期五晚我地已經係家rehearsal, 鋪張地墊係廳扮picnic, 阿仔仲好乖咁答應我早上叫佢起身時唔會扭計, 仲會好合作換衫出門口, 行山時會自己行。結果, 佢全部都做得到, 真係好生性呀！(呵呵呵, 唔好意思, 猛讚自己個仔, 不過佢既表現真係令我喜出望外。)

我地果日帶左炒麵, 壽司, 生果同粟米, 食得好飽呀, 仲食唔晒tim!!

自由活動時, 阿仔搵到幾個同班同學一齊玩, 幾個小朋友玩到癲晒, 後來越來越多同班小朋友”相認”, 仲同薛老師蔡老師影左張小型班相!!

阿仔果日好似大人咁, 係咁介紹我識：「呢個係我個friend。果個又係。」呵呵呵, 搞到好似相識滿天下咁！

Chickee

天藍:

哎呀, 真係心痛喇, 昊藍無事嗎? 我好明白, 揍住個仔, 仲要一抽二”lung”, 忙中有錯就梗有, 我都係成日輪輪盡盡, 連阿仔都話我係”輪盡媽”呀！少少傷唔緊要, 結左焦, 甩左, 就靚仔番喇！

你唔好讚我啦, 我都只係突然心血來潮, 同個仔玩下rehearsal, 其實我仲開心過佢。

原來昊藍鼻敏感發作呀? 而家點呀? 食左藥有無好d? 而家天氣忽冷忽熱, 空氣指數又差, 大人小朋友都要小心呀！

Chickee

天藍:
你覺得阿仔個樣似爸爸呀? 我一定要講俾爸爸知, 佢一定好開心, 因為由細到大, 阿仔都係似我多d, 係過左3歲後先慢慢有人話似爸爸, 爸爸不知幾高興, 佢等左呢日好耐啦！

果件衫爸爸都有一件架, 係太陽圖案, 不過佢果朝唔肯著, 所以只得我同阿仔母子裝。

Chickee

chy1015,
我估大部份媽咪都已交左意見表了, 不如你直接打電話同學校反映啦！

Chickee

zzzlam,
我明白你會唔開心的, 不過唔開心一陣好了, 峻峻需要你既支持同鼓勵, 而首先你一定自己要有信心, 峻峻而家仲好細, 佢一定仲有好多進步空間。雖然前面條路唔易行, 不過事在人為, 我相信你同峻峻都一定可以做到。

有無同學校傾下? 可能老師都可以一齊配合, 事半功倍。

你要加油呀, 得閒多d上黎傾下, 雖然我地唔可以俾d咩專業意見你, 不過大家傾下講下, 起碼可以用一個輕鬆d既心情去面對。

Chickee

有無媽咪今個星期六會回學校聽講座(有關小朋友如何面對壓力), 我有事去唔到, 麻煩有去聽既媽咪之後分享下呀！唔該晒！

Chickee

zzzlam,
唔該晒你既分享呀！

我都係tko之友呀, 可以一齊去黎玩呀！不如近近地寶琳公園呀, 或者大家有咩提議?

all,
交通工具大搜查 -- 乜唔係放easter時做咩? 我見通告寫, 話假期外出時, 記錄下坐過咩車嘛。等我返去再睇清楚先！交玩具就係今個星期交, 我估老師都有同小朋友提過, 因我仔都知有件咁既事。

另外, 我想問, 敬師日既表演, 咪有張通告問會唔會表演既, 我想問, 係唔係只選一項? (即係一係小朋友自己表演, 一係同家長一同親子表演。) 如我選親子表演, 表演內容係我地自己諗, 定係學校會安排架?

Chickee

zzzlam,

好呀, 我等你消息先交表。唔該晒！

我心大心細呀, 如果同阿仔一齊上台表演, 親子嘛, 好似好開心。如俾佢自己同其他小朋友一齊, 又可以俾佢練獨立d。(我仔好痴身架！)

我仲想問下表演項目係唔係要自己諗架? 定係學校會安排? 你幫我問埋呀！thanks!

Chickee

zzzlam,
唔該晒你呀！
我見張回條果度原來有3個選擇的, 親子唱遊, 親子舞蹈, 同埋開幕表演。咁你既意思係唔係全部都需要家長一齊參加?

呵呵呵, 其實我3樣都想參加, 好似好有表演慾咁tim！不過阿仔話佢唔想參加喎, 佢話：「我剩係想睇其他小朋友表演！」咁我是旦tick一項啦！

你鼓勵下老公啦, 到時又唔係得佢倆父子上台, 咁多人一齊上, 唔駛怕喎！

Chickee

Michelmcy,
Please check pm.