怎樣令小朋友做數小心D呢?

Flying-Man

如果數感超差又可以點攪?教個女數學教到嘔血都唔識,我真係覺得個女好鈍,佢對前後,先後,左右之類嘅感覺好差,又大意,可以直式計啱答案,但橫式錯,或掉轉.

有無家長 d 小朋友低年級時 d 數好差而到高年班時 d 數好好嫁?請分享吓!

Flying-Man

winniecarson,

我個囡囡現 p.1 ,兩樣都係:
1) 對新教嘅 concepts 唔容易掌握
2) 對已掌握的 concepts 唔小心做,大意做錯

例如有兩題數,其中一題是問,一架車四個轆,六架車幾個轆?佢識寫 4x6 = 24, 但係最後答案佢居然寫 28 !! 我叫佢睇吓有咩唔妥,睇咗好耐都睇唔到有唔妥,最後我要指住錯的地方,佢就晃然大悟,將 28 改反 24.

另一題是問7架三輪車幾個轆?我見佢自己做寫咗 7x7 = 49, 而最後答案佢寫 49.於是我問佢三輪車有幾個轆,佢識答三個轆,咁我問佢應點寫呀條式,佢居然寫來寫去都寫唔出,我叫佢你睇反上一題點做嫁,我當時已興到爆,同佢講上題一架車四個轆,六架車就 4x6, 而家一架車三個轆,七架車咁應點寫條式,佢竟然都唔識.最後佢答倒啦,話應是 3x7, 但佢只將 7x7 = 49 改為 3x7 = 49, 我話你睇吓有無問題,睇吓睇吓佢又將 3x7 = 49 改回 7x7 = 49, 佢開始唔耐煩同無心機,我就更加興到爆炸.最終磨咗好耐佢先寫倒 3x7 = 21.

另外最近學校教 time,只是教正點 o'clock, half past, nearly xx o'clock, just past xx o'clock, nearly half past xx, just past half past xx 幾個 concepts,佢對 o'clock & half past 很快掌握,但對 nearly, just past 就教極都唔識,連 daddy 都落埋手都教佢唔掂,由 quiz 前十幾日教到 quiz 前一晚都唔識,問佢佢明咩,佢話呢 d 好難,最後佢份卷 time 嘅部份錯好多,我用份卷問反佢, guided 住問佢,佢對呢 d concepts 好似比之前明咗好多.死得啦!佢 d 數要考完試先掌握倒,慢人成拍,都無眼睇!!

又另兩題,我估佢成日形住 7+4 = 10, 咁啱份 quiz 出兩條有 7+4, 所以兩條都被扣分.我攞份卷又叫佢再睇清楚,佢又計反啱.

再有一題問日期,佢在個 calendar 上指啱個日期,應是 Tuesday 6th of June,但佢居然可以寫 Thursday 6th of June, 而個Thursday (我當佢唔識串Tuesday & Thursday 呢兩個字) 根本係第二個 column, 佢點可以抄錯????  　

我個囡囡 d 數感真係好差,個仔仔 d 數感則好好多,一點就明,仲會自己去理解,去問有 sense 嘅問題,所以我的感覺很大,亦因為教個女數教到同佢 d 關係差咗,自己亦時時好掹,諗到 p.1 d 數已攪成咁, p.2 打後佢點 handle 倒, 時分秒,除數,份數,小數,負數.....真係好擔心.