發展遲緩B媽媽(part 1)

jencheng

你個b同我個仔多方面都極類似,除了多笑容外, 我先生初時都是與你先生一樣話佢係懶, 直到照MRI後發覺腦部有問題, 才去積極找訓練課程給他, 你去健康院應該有同你講你小朋友是否發展緩慢的呀?  如果真的有問題就盡早給他訓練啊

原文章由 mabb 於 08-4-8 10:54 發表
阿B今個月已經11個月大, 坐不太隱(成日左右或忽然向後跌), 唔識爬(只係向後 move, 肚仔不離地), 手指拿餅十次得3次得(成日放唔正落口), 當然唔識自己扶住野行啦, 連返身都成6-7個月先似樣D, 老公就話佢只係 LAZY woo ...

jencheng

是磁力共振, 不知是否都叫腦素描, 第一次照是1歲, 個report 寫叫懷疑 cortical dysplasia, 其實個醫生都完全沒解釋, 只是解釋個腦"生得唔靘" 上網找中文名稱大約是大腦皮質發育不良, 腦內甚麼灰白物質不太清晰, 沒有叫做手術, 安排今年5月再照, 你的小朋友又怎樣呢, 為何要時常入院啊.

原文章由 weiwai 於 08-4-11 18:21 發表
MRI是否腦素描呀
我B也做腦素描呀
請問E生發覺腦部有咩問題呀？有冇做手術？
唉，我B最近經常進出E院

jencheng

我仔仔一開始就排期做磁力共振, 沒有做過腦素描, 都沒安排見腦科醫生, 只在屯門醫院定期見兒科醫生, 當初解釋MRI report 都係兒科醫生吧了, 已排期今年5月再照第2次MRI, 但我可能會在聖德肋撤照,不在屯門醫院照了, 因我上次看的私家腦科醫生說聖德肋撒好些, 佢地的report 會寫得詳細清楚些喎,
仔仔都是屯門智能體能中心跟進, 自從5個多月發現發展緩慢健康院已經將小朋友的file改為智能體能中心跟進, 不需再去健康院了. 評估都係話發展緩慢, 但又沒說慢幾多, 不過都自己心中有數. 由於一早由 智能體能中心跟進, 所以排了一個月可在屯門醫院做有物理治療, 6個月開始排早期訓練, 等了一年才排到早期訓練, 可能小朋友各方面都慢, 所以現在早期訓練有提供晒所有訓練給他, 物理治療,職業治療,言論治療,幼兒訓練樣樣齊. 排到政府的服務真的好好, 外面做訓練真的好貴..

原文章由 weiwai 於 08-4-13 01:45 發表
你b一開始就做磁力共振嗎？之前有冇做腦素描？
我b做左腦素描，照左冇野，而家排緊照磁力共振。
也要去腦科覆疹
你b有冇做評估呀？有冇做緊d咩訓練呀？


...

jencheng

咁早排因為5個月已經發展慢了, 唔係好事呀, 唔好恨了, 腦科醫生說越早影響到BB的發展, 叫我有心理準備問題只是冰山一角. 囝囝現已27個月大了, 上咗7個月早期訓練, 進步是有但都係慢, 都係未能自己企,行,及說話..現在排緊特殊幼兒中心, 應該8月可返學, 但仍未通知有位, 由早期訓練到殊幼兒中心都係用你第一次排期的日子, 只是要中間未終斷個訓練. 所以歲半見完智能中心醫生就安排排殊幼兒中心, 當時我的排期日子都差不到, 但因小朋友未到2歲所以再等. 我估到時返全日, 小朋友會進步多些. 另外, 醫生說我可為小朋友申請傷殘準貼,叫幫補下車馬費, 所以見完醫生就安排見醫務社工排排殊幼兒中心及申請傷殘準貼, 你個b 排期幾時呀, BTW, 有沒有比個b 看 flash card, 我呀b雖然唔鍾意玩玩具, 但好鍾意我們show him flash card, 日子有功, 發覺他真的看懂些啊, 你小朋友又幾大啊. 有甚麼特別問題呢

原文章由 weiwai 於 08-4-15 01:12 發表
嘩你b5個月己開始排了？很好呀可以咁早比你排
你b而家幾大呀？返幼兒園未呀？
做左咁耐訓練，追得如果呀？
我b仲未排到政府d訓練呀

...

jencheng

上星期聽了一個Douglas Doman 的seminar, 他們是一個幫助腦傷兒童的非謀利機構, http://www.iahp.org/ , 他們在美國費城當然我地去不到, 但可參考佢地的書去訓練小朋友, 當天Video見到其中一個成功案例, 一個唐氏男仔都可以完成大學課程並已在社會上有份好的工作, 根據他們的理論, 一切發展緩慢,唐氏,自敝,過度活躍,痙攣等等都是屬於腦傷, 你可看看他們的網址呀  

原文章由 catca 於 08-4-15 15:40 發表
各位媽媽好！我bb係唐氏，都係屬於發展遲緩，可以加入傾下嗎？請問一下，發展遲緩的bb係咪智力都會受影響？唐氏bb發展遲緩和智能低是因為染色體多了一條，那其他bb是什麼導致他們發展遲緩呢？
...

jencheng

catca,

Douglas  是 Glenn doman 的兒子, flash card 是幫助bb 閱讀, 另外還要train bb physically 去剌激番個腦, 以我理解是這樣, 你看看他們的 web site

原文章由 catca 於 08-4-17 19:51 發表
jencheng
thank you! Douglas Doman同Glenn Doman係咪親戚黎架？我以前聽過Glenn Doman, 佢用flash cards同數點咭黎train d bb架嘛！Douglas Doman係咪都係用果味野train d brain-damaged children？
...

jencheng

1) & 2) 都會停止, 我小朋友返緊早期, 亦是8月返S斑, 姑娘說7月暑假前就會叫我上去辨退學手續, 我問中心姑娘如果9月才上課, 可否上埋8月, 佢話唔得因為要安排位比下一個e位的小朋友

原文章由 schan 於 08-6-6 17:41 發表
我想問吓咁多位MAMI,我的社工話比我聽我個小朋友8月面試入讀S位的學校,我想問吓:

1) 咁其他本來排咗的小組訓練係咪會取消?

2) 9月約咗言語治療師係咪都會冇埋?

3) 會否以後(半年/一年)會有作進一步的評估?

你們 ...

jencheng

我公司有個同事手腳有些少不靈活,我一直以為他是小兒麻痺所致,當然他智力沒問題啦,有次傾談起他說自己是腦麻痺,一直以為腦麻痺都是嚴重的,但原來同所有腦損一樣,是有輕有重的

原帖由 ndw 於 09-1-25 15:29 發表


Atty,
cp = 腦痲痺 = 腦癱 = Cerebral Palsy
Don't worry.
The degree and area that affect each 腦癱
individual could be different. 腦癱 is only a name for a set of 症状。This is like sneeze or cough, ...

jencheng

我個囝亦是手部很敏感,唔鐘意比人拖著,捉著, 可做多些手部stimulation如刷手,冷暖水交替浸手, 用粗/滑物件交替去輕刷她手等, 有幫助的, 佢唔願意我先生都會捉住他的手說"爸爸一定要拖".. 做了一排浸手, 覺得有改善, 現在都可以捉著他的手仔摸吓擦吓

原帖由 icookies1 於 09-5-10 00:30 發表
多謝各位意見, 我個囡感統有問題, 唔肯比人捉住手仔, 所以都好難幫到佢, 其實之前都幫佢報過協康D感統PLAYGROUP, 但一要佢做時佢反應好大, 係咁扭計, 返左八堂喊足八堂, 不過無計, 都要迫佢返多D呢類既PLAYGROUP, 只 ...

jencheng

Be,

如果你單是發展緩慢, 買醫療保險應該沒問題, 保險份form都唔會問你這問題,  但若曾3年內做過電腦素抽/x光等等就要申報.. 最近我替囝囝買人壽及危疾, 香港人壽就因囝囝是發展緩慢,曾照MRI,雖report 正常但都唔保, aia就要問醫院先取報告才決定, 好彩一早買咗醫療保險,  所以我都建議你越早買醫療越好,

原帖由 be 於 09-8-5 23:47 發表
大家好!我有一問題急欲請教各位
小兒剛足一歲,出生時患先天斜頸,個半月大便接受物理治療,到半歲時斜頸問題基本已康復,但亦開始發現大肌肉的發展落後於正常bb,7個多月才會一邊翻身,9個月才開始會坐穩,至今一歲了,不會 ...