自行不去面試

Soo2011

想問下若自行選左一間學校但冇去面試，但統一派位時又放間學校落去，間學校係统一派位時會不會知我曾經放棄自行面試的機會而將我列入黑名單？

Soo2011

回覆 Fado 的帖子

自行一選左一間1A 中學，自行二選左一間1A尾中學。交表前幾日才知小朋友第二次呈分試排名大躍進，但表已填好所以又照交左。只要第三次呈分冇大退步，小朋友一定屬於係band 1 A ,幾乎都可以肯定就算自行入唔到自行一，統一派位時，將他填入甲乙一，都9成幾機會入到 第一心水。依家驚之前做法太保守，如果自行一入唔到但就被自行二收左，就會錯失了統一派位被派入第一心水的機會。所以依家諗緊可不可以唔去自行二面試，但小朋友又都幾喜歡自行二間學校，真係好矛盾。

Soo2011

多謝大家的回覆。我對升中派位的制度認知不足，好慚愧！依家先知自行不去面試亦有機會被收。

我們所填的自行一同二兩間學校暫時都屬於band 1 A, ，(但自行二係家長心目中可能介乎band 1 A-1B), 只不過交表後同其他家長交流時，他們認為我太保守，(亦可能他們太進取，他們小朋友呈分試排名低過我小朋友，自行二都唔填我們的第二心水中學，他們自行一二都填左口啤不錯的band 1 A 學校），話我個小朋友很大可能自行二會被收左（因為過往兩年，呈分試排全級60的都入到，而我個小朋友依家呈分試全級排18），咁樣會失去大抽獎再博一鋪入第一心水的機會，所以令我們覺得自行果part 做得好似有㸃不妥。
呢兩日同小朋友倾過，其實我個小朋友亦都好喜歡自行二果間學校，甚至多過自行一果間，自行一果間係學術口啤再好d。既然小朋友兩間都喜歡，到時如果有幸是但入到一間，都會欣然接受，順其自然！

Soo2011

係啊，级排60 入band 1A 應該是大抽獎入的，估計自行階段冇乜可能，我上面表達的唔夠清楚，但小朋友間學校過往兩年的確最終每年都有五十幾個學生入band 1 A 中學。學校位於港島區，全級有百幾個學生，邊一個校網就無謂講啦。