招募家長可於9月13日做跟車義工 & 校車問題

monkey妹

因學校剛轉左新校車公司, 我地家教會要協助學校睇下新校車公司對小朋友嘅搭車事項, 如有家長可於9月13日有時間幫手跟車, 跟車時間暫定11-2點左右, 實際時間要待編定再各自通知可幫手義工, 如家長有方便時間做又想多了解子女坐校車情況, 請PM留聯絡給我, 多謝各位幫忙!

[ 本帖最後由 monkey妹 於 10-9-8 09:14 編輯 ]

monkey妹

其實新校車公司有無問題, 我唔識答大家, 始終新開始一定要比時間大家適應, 當中出現問題學校&家教會已好努力同校車公司跟進, 希望能盡快配合到各方要求, 如家長再有上落車時間延誤, 請即時致電跟車姨姨/司機了解, 至於上年舊校車公司都一樣有好多問題出現過, 如果佢地無問題學校亦不需要轉換.

monkey妹

而家仲未開始正式上課時間, 下個星期一正式左先可以作準, 至於車同路線跟以前舊校車公司大致一樣, 我明白作為家長一定想自己小朋友返學唔好太辛苦, 都係果句要比時間大家適應, 如果校車公司都係配合唔到自己需要, 比我都會搵其他保母車, 消費者一定會以自己得益作為消費動力.

原帖由 JJBBCC 於 10-9-6 11:31 發表
我唔明點解上車時間比以前早45mins?
我想是車少站多, 成本可以低D.  苦了孩子!
我都想轉街車.

monkey妹

如果全部都係明白事理的家長, 就一定唔會有問題出現, 以我所知有個別小數家長遲湊小朋友, 仲要姨姨打比家長, 家長先肯落黎, 落黎仲要鬧人話自己早落黎你都未到喇, 講真一個遲二個又遲就會推遲晒後面, 最後上落車果D小朋友同家長就好慘咁呆等, 將心比己, 如果佢前面D家長成日唔合作佢會點囉? 希望果D個別小數家長肯合作配合番大家, 咁校車運作暢順大家都好囉, 仲有, 有時交通路面唔係校車公司可以控制到, 就算講實幾點, 誤差一定無可避免, 如果可以大家方便將就早幾分鐘到, 方便人時亦會方便左自己, 如果有機會校車遲左都希望能諒解司機/校車公司, 可能當中有問題出現先令到遲黎接小朋友, 而家最好快D解決晒問題, 小朋友開心返學就最緊要.

原帖由 金仔 於 10-9-6 11:02 發表
都明白大家一定要時間適應，希望能短時間內解決。
因我小朋友只是K1學生，唔想佢對搭校車返學產生反感。

monkey妹

其實唔怕講埋, 有跟車義工都睇到有個別小數麻煩家長, 知道原來司機/校車公司係好辛苦, 某些麻煩家長要求過份簡直唔合理, 例如有家長突然轉上車地點, 有家長一定要停自己屋企樓下唔肯將就行前小小, 講真好難要司機响個個小朋友屋企樓下接, 某些屋苑要入閘需時好幾分鐘, 如果個個屋苑都要入閘, 無形中拉長左小朋友坐車時間, 咁又話攪到小朋友要坐咁耐車, 只要大家肯就小小就等於方便左自己, 我知有好多家長都肯合作, 不過因為個別小數麻煩家長而令一班合作嘅家長帶黎不便/辛苦, 真係替佢地不值, 講真學校/家教會又唔可以做到D咩, 又唔可以唔比佢地坐車, 學校都有難處, 如果想知更多, 可以跟下車就睇到好多奇怪野.

monkey妹

就係多得呢D自私麻煩家長 攪到你地小朋友要坐咁耐車, D小朋友真係無辜   

原帖由 金仔 於 10-9-6 14:07 發表
想了解，為何又一小時車程才回到家？
是否塞車？遲出車？

回復:
今日已經比平時早10分鐘出車....(下，姐我小朋友唔止坐左一小時)
因我是第9個站，前面的站有姐姐/媽媽遲接小朋友(褓姆打電話佢地先落黎)攪到所有站都延誤。

唉.....我都知校車佢地都唔想，但我小朋友要個多小時才回到家，我心好不絲服呢...

monkey妹

坐校車嘅小朋友放學就落操場等, 基本上D校車响出面, 一架車入完好快又一架, 其實等好短時間可以上到車.

原帖由 金仔 於 10-9-6 14:07 發表
另，想了解學校如果安排小朋友上車？
她們在課室玩住玩具等，或在下面等呢？
代某車號入校，再安排小朋友落去或是小朋友在下面等.才安排上車？因，如果小朋友在操場呆等，車出車入，實在苦了小朋友~

monkey妹

希望如此喇

原帖由 samantha2005 於 10-9-6 14:23 發表
今日比上星期五好好多啦, 雖然校車都係遲左15分鐘, 但個人來說都可以接受, 始終才剛剛上學, 希望一天比一天好

monkey妹

可能個日落雨為小朋友安全迫住一個個慢慢上車, 加上校車公司新未試過落雨天上落車問題, 其實呢D特別情況好少機會再發生架喇.

原帖由 金仔 於 10-9-6 14:36 發表


因，真的比上星期五(落雨天)既時間嚇怕...

[ 本帖最後由 monkey妹 於 10-9-6 14:51 編輯 ]

monkey妹

呢樣要睇你前面D家長合唔合作喇

原帖由 金仔 於 10-9-6 14:34 發表
好擔心下星期開始放12:00，希望真的一天比一天好...
我唔介意早點落樓，最怕係車程太耐，苦了小朋友~

monkey妹

我會提下校車公司.

原帖由 金仔 於 10-9-6 15:03 發表
初初得Ｋ１上學，校車褓姆會同小朋友放好書包細心地扣好安全帶。。。

由３／９開始，共有２位小朋友上車，上到車褓姆仍同小朋友放好書包扣上安全帶。。。但問題就係，未安頓好２位小朋友就開車。。。的確有點危險。。。

monkey妹

唔好介意我直D講句: 褓姆要幫小朋友穿外套唔係佢地職責, 不過我都知有褓姆好好人, 見小朋友細個唔識分凍唔凍, 亦會自動幫佢地穿外套, 不過唔係個個褓姆姨姨咁好人囉, 就算你叫左褓姆幫, 佢都未必會做, 如果你真係驚呀囡凍, 接近上車時幫呀囡穿上外套先, 咁自己會放心D架..

原帖由 金仔 於 10-9-6 15:03 發表
我依位煩麻媽媽，會吩咐褓姆上車後替女兒穿外套，當然我係希望佢安頓好晒再幫忙女兒～

monkey妹

我都係在職媽媽, 家教會委員係兩年一任, 我做左一屆(07-09年), 而家做緊第二屆 (09-11年), 如你想做, 可以下年參選做委員, 職務都係幫手攪下活動, 一個月開一次會傾下安排活動問題, 可能我份工唔忙, 可以抽小小時間做, 其實肯出下力就得架, 我都好開心幫到手, 同其他委員合作又好開心, 雖然我呀囡畢左業, 我都好樂意繼續幫手埋呢一年.

原帖由 金仔 於 10-9-6 15:29 發表

我只是一位在職媽媽，如何能成為家教會成員呢？同埋做ｄ咩架？請賜教！謝～

monkey妹

到你呀囡K2學期頭會有家教會改選通告, 歡迎你到時參選加上家教會做委員, 其實做左委員, 會多左機會認識學校都幾好架, 我個囡一知道我要返學校開會, 佢就好開心話要跟埋我一齊, 所以間唔中都有帶埋一齊開會

原帖由 金仔 於 10-9-6 15:59 發表
有機會我都想參與。。。。
ｔｈｘ～

monkey妹

真係好希望果D家長肯合作, 唔好再拖累其他合作的家長及小朋友, 佢地好慘架

原帖由 fongmy 於 10-9-7 10:52 發表
同時, 希望d家長可以幫忙早5~10分鐘落樓接小朋友或者就一下上落地點, 等校車的路線可以暢順一D.
如果換轉等個個係你或者尾站係你ga小朋友.  

monkey妹

以我所知係得4條校車線有問題, 唔好彩你個囡果條線係囉 真係'鄧'你小朋友同奶奶辛苦

原帖由 fongmy 於 10-9-7 10:52 發表
我囡囡搭9號車係美孚西鐵站落車, 原本校車確實放學後35分鐘到, 但係日日都遲最少15mins . 嫲嫲一早就出門口成日驚自己遲到, 攪到嫲嫲成日等成個鐘先接到佢, 又唔知發生咩事. :( 希望校車可以確實一吓個落車時間,  ...

monkey妹

唔好POST自己電話出黎, DEL左個電話先, 我會聯絡你先生, 唔該晒你地嘅幫忙

原帖由 ericalui18 於 10-9-7 11:20 發表
我先生可以做義工, 若有需要可致電XXX馮生

monkey妹

呢樣我地會同校車公司反應番, 始終好多野係要多方面配合, 當然一定要以安全,準時,合理坐車時間為大前提.

原帖由 momama 於 10-9-7 11:26 發表
我知道有唔少家長利用今次機會多多要求, 若校巴公司搞唔掂就唔好應承, 搞到咁大鑊

monkey妹

你按'編輯'果個ICON入番去DEL再按'發表回復'就OK.

原帖由 ericalui18 於 10-9-7 11:30 發表
我是想pm資料畀你, 但手快快send左, 點樣可以刪除到呀, 麻煩告知. 謝謝!

monkey妹

我意思係好嚴重果隻

原帖由 momama 於 10-9-7 11:29 發表
王姑娘話大部份唔掂喎