培正幼稚園家長-----請進

smilies

babyhin,
我的仔仔今年會入讀培正, 舊年報考培正時, 都有你呢個疑問,
我都係抱住儘管試0下啦, 但唔係好有期望, 但仔仔得0左!

我0地完全無背景, 無關係, 亦唔係舊生, 所以你可放心喇!

smilies

babyhin,
我仔仔冇讀過預備班或者PLAYGROUP, 佢係歲幾時仲係好bb,所以冇同佢報, 到兩歲時突然之間好似好大個仔,但已冇得報, 咪隨遇而安.
但在仔仔仍是bb時, 我每日都會推佢出公園, 平台花園, 介紹四周物件名稱, 係屋企咪俾佢睇適合的兒童節目(有線兒童台, 下午明珠台同國際台) 玩益智遊戲, 當係家庭預備班.
佢可能冇讀過預備班或者PLAYGROUP, 佢見到陌生人會好慢熱,  我0地都好擔心佢面試時由頭到尾都一言不發, 所以我都周圍取經, 縱合後選出適合仔仔性格的方法:
父母衣著最好唔好咁前衛, 帶定0的糖果係身, 同仔仔講帶佢去學校玩, 好好玩0架!
我,仔仔,仔仔爹地早兩小時出門口, 先去麥當奴食開心樂園餐,佢好開心佢最鍾意食薯條,又有禮物. 跟住早一小時到學校, 帶佢四維睇下, 熟悉環境先, 我走去排隊, 佢爹地帶佢玩, 係學校裏面遊戲設施, 佢好開心, 到夠鐘叫佢返入學校裏面玩, 考試時都好快投入, 出來後佢都仲好開心問"媽咪我地第日又<玩學校>囉"    
秘訣: 令仔仔開心,開心,好開心!

打0左咁耐, (我打字好鬼慢) 最後都係祝你好運!  

smilies

babyhin,
我仔仔都係五月出世, 佢一過0左兩歲之後, 突然間好似大個仔0左好多, 你唔使緊張, 引導你仔仔多講話就得啦.

至於你問考0左幾多間幼稚園, 我仔仔考左四間分別係:
1.啟思小學朁幼稚園 (活動教學)
2.根德園 (英文為主)
3.培正 (一條龍)
4.民生 (一條龍)
我唸住不同形式, 睇仔仔係哪類學校會考到(阿仔好慢熱見到陌生人唔出聲, 曾聽我妹說過小朋友同一表現, 係唔同學校, 有唔同睇法), 邊間收就讀邊間, 最早考根德園, 但啟思最早收到信通知考到0個刻, 個心即刻定哂, 起碼以後幾間如考唔到都冇問題,
跟住考培正, 最後係民生.
結果: 仔仔俾左個好大難題我0地----四間學校唔知簡邊間?
最後結論同彥彥媽媽差不多, 所以簡左培正.

kk & 彥彥媽媽,
我仔仔讀上午班, 希望可繼續係度同你地交流, 分享仔仔返學後情形.

smilies

各位媽咪, 我係上個星期尾收到信, 但我想問下要預備幾多套校服呢? 唔該哂!

smilies

彥彥媽咪
恭喜你成功轉到上午班, 我都dun你開心, 話唔定我仔仔同你仔仔同班. 我仔仔無返幼兒班, 但佢成日問我:"媽咪, 我係咪就唻返學啦!"
你話:"希望到時見到大家可以認識一下以後可以多ｄ交流啦．．！！"  嘻嘻! 我都係0敢話!

smilies

hello! 各培正家長：

正如彥彥媽咪所講, 我只做CD-ROM, 因我打字好慢, 但我每天都要上來睇下, 已經成為習慣, 早排唔知點解上極都上唔到來, 令我若有所失, 好彩現在又無事, 可以睇到其他媽咪的經驗.

仔仔返學以來都好鍾意學校的生活, 亦好喜歡老師, 又成日講有邊個邊個同學, 睇佢好開心, 連星期六都話想返學
    

我都有報名做義工, 到時有機會遇到你們喇!

smilies

各位家長,

我仔仔編0左係"愛"班, 希望新學期仔仔可以好似上年度一樣咁開心.

smilies

helloruby :

真係唔好意思, 我和仔仔去旅行回來, 所以現在才覆你, 我仔仔升K2  ,上年度佢返學好開心, 所以好希望佢新班主任都一樣咁好.

祝各位小朋友開開心心上學去!