學之園之厚多士分享

kissobaby

成日聽人講「谷」、「語境好」、咩commercial 呀等等，太慨括啦。我想分享一下用家既資料。

（1）行政幾好：所有學校通告都upload哂上網，自己login自己個account就可以睇哂，網上reply。不過人有錯手，間唔中會有攪錯。唔出奇

（2）大概每星期都會upload小朋友上堂既相，幾十張到。不另收費!upload相既用意係等父母可以知道小朋友學校做乜，可以多溝通多溫習。

（3）網上有每一星期同大概每四星期既教學內容

（4）課程內容：唔係淨係得中文同英文，仲有數字，番學要做運動訓練大小肌肉，有唱歌，大量美勞，群體遊戲，snack time,toilet time，自由時間。有人話太谷唔平衡？大家自己諗

（5）net: 來自美國，加拿大或英國，口音幾好，唔係識講英文就當net。不過課程設計平均，英文程度不能同國際學校相比

（6）有人話谷到教到學生似robot...oh....我見到小朋友笑到好開心，勁開朗。上堂成日整美勞，有d玩玩具。唔係成日坐定定，雙手擺後面。

（7）規矩：好著重紀律排隊禮貌，同老師校長打招呼要雙手放後面，坐地雙手放大腿。不過係d相睇到，有時小朋友坐得幾hea，不過通常坐定定


待續

kissobaby

（8）德育：有briefing教埋父母點敎小朋友，點樣係屋企配合。例如少d物質，獨立，自理，有德育計劃鼓勵好品德發展。

（9）樸素：學校不准送禮，送食物送蛋糕。snack time 蛋糕係冇cream,只飲水，好鬼簡單。

(10)老師有溫柔既，有個樣惡既。都有愛心起碼我小朋友好鐘意佢地，成日提起。有人話油錯顏色比人喝罵罰企，鬧到個小朋友係學校幾個月都冇講一句説話？um.....如果係咁我小朋友成日油畫油錯色，又坐唔定咪死左？我小朋友仲健在，我見佢d同學仔都仲健在（老師冇鬧喎，有時仲有印仔鼓勵tim）

(11)教學材料自己設計，好齊全，有認字咭，有相應既公仔。有小遊戲材料係家中玩。

（12）PN已教phonics同認字（日常生活會遇到既）例如人日月男女。唔係淨係比你睇個字，push入腦。認一個字有美勞或遊戲去幫助，唔係死記。phonics 用letterland,小朋友勁唱。

（13）收費4xxx,雜費全年1600或3xxx....PN平d。冇乜其他野收錢

（14）課程算深，pn要認中文字，學phonics。學習範圍算闊，做父母要配合溫習,做父母不能太hea

(15)成日有function ,真係父母都忙爆，要有心理準備。

（16）英文程度不是close to native，想訓練自己小朋友變成外國小朋友咁，呢度應該唔得。English as second language，LH屬中上。如果有chinglish ，唔好賴老師啦，d老師都冇chinglish 。放學後自己要多加提點留意。

（17）學校會出notice比家長，通知你邊間小學有開放日，講座亦有面試班。有人覺得太result oriented。面對殘酷既小一面試，其實真係幾有用。鬼叫自己冇錢比佢讀d又free又有創意既國際學校咩

kissobaby

我寫呢篇野係想分享多d資料比大家，其實我小朋友已經讀緊LH，我冇著數。但有時見到一啲以偏概全或好概括既comment真係好想分享第二個角度比大家，等各位父母自己分析選擇，希望有用啦。

kissobaby

Samuelqq 發表於 14-10-17 10:18
謝分享, 請問多數收邊類學生, 我囡係好慢熱. 另外要填埋爸媽既中學小學, 係咪收世襲生多呢? ...

so far....我知道起碼1/2既父母冇出自名校, 咩類型既學生都有,但老實講大多是1-5月出世...6-8月都有...超大B都有

kissobaby

Vickyblah 發表於 14-10-17 10:44
多謝分享。你講得好啱，唔係個個有能力俾小朋友讀又free又有創意嘅國際學校，面對香港殘酷社會，只可以咁樣 ...

我有錢都唔會讀國際學校,我覺得中文好緊要

kissobaby

學校唔係完美架，可能有人有小許不同既經驗。我覺得可以分享，但唔好為左支持自己既論點，睇唔到其他野，唔好一味攻擊數臭。咁，對任何一間學校都唔公平！一年有一千幾百個application ,攪錯野真係可以明白。但一句行政混亂，真係白費學校既心機。亦誤導左有興趣既家長。

如果覺得課程緊密或其他原因就斷定學校係push d 野入腦，忘記左學校做左好多野令學習有趣味。真係好唔公道！

學校可能唔適合自己既小朋友，但keep住去誇張詆毀，我覺得唔係一個好榜樣

kissobaby

原帖由 nic_bb 於 14-10-17 發表
是否報pn已要選定英普或英粵？

PN 全英粵，K1就3班英普，1班英粵

kissobaby

原帖由 DevilPig 於 14-10-17 發表
我初頭以為係，但學校其實 like 主動唔怕羞型

以我觀察，有主動有怕羞既，但學習能力都好

kissobaby

原帖由 QABABY 於 14-10-17 發表
請問邊間分校呀

凱帆，但除左老師校舍唔同，其他野大致一樣

kissobaby

原帖由 C.Humphrey 於 14-10-17 發表
LH pn係咪直升k1?

係

kissobaby

samchan2179 發表於 14-10-18 11:54
我朋友個女就唔太想返學，太多功課，因人而異啦

Agreed!!真係因人而異,選自己覺得合適...就OK...

kissobaby

原帖由 Penipony 於 14-10-17 發表
可以分享多D德育果部份嗎？謝謝

自理，獨立都係個d啦。有樣野幾想分享下係樸素：食品係最簡單既水，餅，冇cream蛋糕，keep住提家長唔好送禮物，唔好送蛋糕，唔好送小禮物比同學或老師。鼓勵物品再用。唔鼓勵太多物質獎品或享受。

學校去旅行，全家人包車，午飯同入埸費只係幾百蚊內攪掂，而且冇收多錢當生意咁做。學校冇乜野叫你買。校服全set幾百，我讀過一間要2000，LH平好多。

有不同既party都唔會另收費，亦都唔會有d fancy活動，同學之間少比較。

LH叫家長放學唔好迫自己小朋友上d唔鐘意既Playgroup ,真係好意外。有d名幼開到聲叫你放學進補。

kissobaby

原帖由 moonzinc 於 14-10-19 發表
你可以說這學校沒太多額外劏家長收費，但以他們學費水平，我不認為屬於樸素。



  ...

冇政府資助，要請net，要交租，全都要錢的。我唔係比較學費，但係沒有其他學習以外既「花臣」野，鼓勵生活簡單，少物質，教小朋友來講係樸素既。

再講，父母用錢提高學習質素同內容，唔代表學校教育唔可以樸素。

kissobaby

原帖由 lambeanmama 於 14-10-20 發表
非常感謝樓主無私的分享。
我仔是12蛇b, 也決定遲一年才考LH, 希望成功啦。
另外，我也有朋友用家，同意校 ...

Agreed!

kissobaby

原帖由 maylulu 於 14-10-23 發表
哇 不怪得佢升小一勁啦 真係好落本同心思 哩家辦學機構好識辦學，或者應該係好識做生意



  ...

做生意？我之前都以為係，但而家就知佢地有d傻。電腦接放學咭，每週upload學生相，開生日會，啓迪班不另收費。

好啦，旅行全家3口連交通入場午餐只係300，如果識賺，收你1000我聽唔少。校服連書包只係幾百，雜費加茶點加書薄只係千幾一年。大把學校千幾唔夠交雜費。

聽過有名幼，生日party唔比錢唔比你個仔食蛋糕未？！得閒叫你買呢樣買個樣。

LH咁多野都唔識收錢，真係唔知點講好。

不過學費唔算平但私校來講，不太過吧。

kissobaby

原帖由 jjson 於 14-10-24 發表
本帖最後由 jjson 於 14-10-24 09:35 編輯

Agreed! 就係唔明點解d非用家出來指指點點。唔係話非用家唔可以comment...但講野要有support，唔係隨囗噏。LH 有咁多野可以收你錢，但又唔收，算係咁啦！

kissobaby

原帖由 yeungsyj 於 14-11-18 發表
相問如果有家姐哥哥在讀，收細佬妹機會高麻？定都係睇表現收生？

聽講而家冇著數

kissobaby

原帖由 stacyhw 於 14-11-25 發表
想問下PN 一班大約幾多個小朋友,上下午加埋收幾多班. PN 係咪冇8 月或更細BB? 謝謝! ...

PN AM 同PM各2班，每班28人
8月b應該冇

kissobaby

原帖由 Ms_Phoebe 於 14-11-25 發表
請問依間讀左PN 是直升K1 嗎？升小一多數入到邊颣型學校呢？

直升k1