10月6日星期二下午家長座談會會後感

sue_young

10月6日星期二下午家長座談會會後感

相信其他家長都會陸續參加, 坦言參加完呢個座談會後, 一定會俾學校的用心感動!在此分享我的感受!

當日我地有幸參加了一場由神父主持, 為K1, 2學生舉行的祝福禮. 我地十幾個家長, 坐係最後排, 原本我諗咁多班學生(k1x7+K2x6 = 390 kids),場面一定好混亂, 無一個鐘頭都未必完成到, 但係真係好感動, 絕大部分小朋友都好乖咁坐定定, 由Sister Pauline彈結他, 顧主任帶唱歌, 佢地好多都能夠一齊唱, 在唸天主經, 聖母經時, 亦有好多小朋友大聲地唸出.

返了學只係剛剛一個月, 已經可以做到咁, 真係唔容易, 中間有一節,3百幾個小朋友排住隊出去俾神父覆手, 都好有秩序, 成個儀式半小時內完成, 中間一氣呵成, 一d都唔見混亂.

我有些朋友在其他幼稚園工作, 亦不諱言, 如果有學生扭計, 喊, 會將佢放係一邊, 等佢累就會收聲. 但係就當日所見, 確實有一位小朋友扭晒計, 喊晒咁, 趙副校即時放低家長, 走去安撫她, 坐係佢身邊, 呵護佢, 同佢講野, “直至她有足晒安全感, 先至俾佢返課室” (藍色個句係趙副校講既). 自問自己為人母, 如果2個囡一齊扭計的話, 有時都未能夠做到咁, 可況要apply to 咁多學生.

之後我地落返會客室, 吳校長同趙副校同我地家長一齊排排座, 之後2個半小時, 兩位校長好詳盡咁分享了KGT由零開始, 學校開辦的點滴, 當中所肩負的重任, 曾經面對的指責, 各樣各樣, 先不說內容, 直至10月6日下午, 係佢地講的第6場, 每次2.5小時, 加上課前課後接送小朋友的時間, 佢地如果要完成那些行政工作, 每日她們要花幾多時間在工作上?

會上有對大吳校長的離開作解釋及新吳校長的背景交代. 呢d唔多講啦. 雖然新吳校長比較年輕, 年資歷練未及大吳校長even趙副校, 但係佢亦俾我地感受到她的魄力及熱誠. Sister Pauline 亦closely monitor成個運作, 大家唔駛咁擔心.

很喜歡她用種子在不同季節的成長作比喻, 即在合適的時間澆水施肥, 自然能開花結果, 家長不用太過緊張有幾多功課做, 每日識了幾多隻字, 課程的深淺需要一些時間, 讓學校可以因應進度施教. 不過吳校長亦言, 與小學部開會後, 程度會再加深, 小學部Keep住了解KGT學生的程度, 為她們入小學作好準備.

英普方面, 即使本身的班主任老師英文亦可, 但只會讓英普老師教相關的堂, 而其間只會全英或全普與學生交談. 另會再請一個NET(Not ABC)的老師 (But the last candidate declined offer), 需時.

校巴及校服公司, 如校裙上加車一塊布可以方便扣名牌, 布料問題, 校方會一路跟進. 但一些校方的傳統, 亦會堅持(如式樣, 顏色等)

問心, 有幾多間幼稚園可以做到行政如此透明, 學校將所有心路歷程, 困難同家長分享 (通常都係報喜不報憂), 如此關注在座每個家長的提問? (包括網上的投訴,提問, 亦有在會上作出解釋).

一個個人的小提議, 如果不是Critical issue and no urgency for safety 的話, 家長不如停一停, 等一等, 或者寫張便條, 別動輒打電話佢投訴 (如: 點解d下午茶的食物同menu唔同, 呢d可以寫俾條架嗎, 係咪), 佢地得2條線, 如果家長又打, 準考生又打, 又要座談會, 又要答投訴, 如何有時間做好行政, 提升質素? (我囡囡班主住剛剛及上次都係用手提打俾我).

我對佢地有信心, 寫出黎, 係因為通常大家比較會為不滿出聲, 滿意的人, 好多時只放係心而好少出post, 想令無時間親自去了解的家長提供一些資訊.

[ 本帖最後由 sue_young 於 10-10-8 17:02 編輯 ]

sue_young

原帖由 elmolly 於 10-10-8 14:47 發表
今朝到我聽, 我都好appreciate吳校長既effort, 其實佢唔一定要攪呢次既座談會, 但佢選擇左攪去comfort我地d家長, 仲態度好好, let's give her a big hand

Agree, Hazel K1時讀個間學校, 一年轉了3次校長, 2次班主任, 都係得一封通告知會我地jar.

佢地回應的態度, 就係佢地辦好學校的決心!!

sue_young

原帖由 elmolly 於 10-10-8 17:26 發表
btw, k1+k2 pm應該係得210個小朋友(k1x4, k2x3), am係分開祝聖. 今日淨係睇到早會, 有d可惜, 希望遲d真係可以觀課, 好期待

係wor, 得下午班之喎, 心水好清  

sue_young

原帖由 Monkey媽媽 於 10-10-9 01:19 發表
我係禽日下午聽架, 會上我唔敢發言(除左講校車既一個問題外)呀,  唔係怕羞, 係驚呀, 驚自己忍唔住講講下會哭....我好滿意佢地既教學態度, 熱誠, 我好感動; 我禽日只係聽, 我已經流左幾次眼淚(靜靜雞), 所以唔敢再講 ...

你又係坐13號線? 6號下面係13號線壞了車呀, 司機叔叔去了跟維修, 放學時換了一個完全唔識路兼有D耳背的司機...

sue_young

好厲害, 頭先聽到Hazel識念晒成首天主經同聖母經(中文), 跟進又用英文在飯前祈禱及聖號經, 爸爸聽到呆了

sue_young

今日係第一次上興趣班-畫班

老師由點, 線, 面開始教學, 教她們不同的圖案可以利用點, 線, 面組成.

給她們題目但自由創作, 鼓勵創意, Hazel和同學們上了很開心的一課

GoodHope的校園環境真係好優厚, 可以另設畫室, 課室內的空間又大, 今天興趣班老師是用Projector教學的, 2位老師對11位學生!

上課的材料還另有全套Hello kitty圍裙, 護袖及畫袋, 都係校長親自出去挑選(她在課室門口講的), 好細心.

有無家長可以分享一下舞蹈班的情況, 我仍在游說Hazel(She doesn't like dance)試吓, 但今日見到D同學仔好似玩得好開心咁樣呀?

sue_young

原帖由 Monkey媽媽 於 10-10-9 21:19 發表


係呀, 13號車, 6號下午我仲以為係原來既司機叔叔有事要搵人代tim. 係第二日聽到一個媽媽同司機叔叔既對話先知咋.  13號車既司機叔叔平時都ok既, 不過如果佢因為前一日攪得夜好累既話, 佢應該請多一日假lor.  成車 ...

當日個代班的司機叔叔, 都好驚嚇架, 兜錯了幾次路, 以前校車個May EE無做啦! 可能因為太辛苦!返早6, 放晚6, 中間上,下午各有2個小時落場時間

(我好奇)佢地維唔維到成本(因為that's direct related to their services quality), 13號線下午班10個學生, $850 per month = $8500, 1 driver, 1 helper....