「鄰舍輔導會新翠育嬰園」媽媽吹水站

jsbaggio

   welcome back樓主!恭喜你生左個美人兒，6磅幾夠啦，嬌小玲瓏嘛。記住打電話去瀝源健康院預約，越早越好。

聽maman講，多d休息，唔好操勞，有乜家頭細務，等其他人做，自己好好養番身體。而家應該開始上奶，你會谷奶谷得好辛苦，儘量埋身餵呀囡，食唔唒仲谷的話就可泵出來，放入冰箱可存3個月，留番到時如你要去醫院覆診不能埋身餵，等屋企人同你餵。

出院後初期大家未適應，湊女會好辛苦，尤其是得自己1個人湊，會覺得咁大個人竟然連照顧1個小bb都做唔到，好frustrated。所以如果有乜唔開心，記住上黎傾下；當然如果你仲有精神時間的話，隨時上黎報告你的最新消息啦

jsbaggio

winwin815

睇到你咁長篇幅真令人感動   記住休息多ｄ。你聽日返健康院，就算幾唔鐘意最好都叫埋９９去，多個人照應，話唒你而家身體都比較弱需要人幫手。瀝源健康院ｄ姑娘都ｏｋ，會教你點餵，個度仲有地方餵添，不過最好帶定ｄ面包比自己，coz第一次去時間長ｄ。

你而家隔幾耐餵？初初其實可以餵密ｄ，咁咪唔使補奶粉（慳＄外仲慳好多時間　－－　唔使洗�烚奶瓶 。

jsbaggio

winwin815

BB一出世係掛住瞓好少醒，過左幾日先開始冇初生幾天瞓咁多，所以通常係醫院佢到好乖，到幾日後出院時先開始扭計，除因初為人父母唔識湊外，亦因bb開始會扭計，所以通常設到屋企後會覺得bb難湊。

我囡初生2-3weeks時，係feed on demand，每次食成45mins-1hr，通常佢隔約1個多小時就叫，咁咪餵囉。唔知點解，個時我從來冇諗過佢唔飽要補奶粉 ；其實要對自己(包括自己係夠奶的事實: ）有信心 ，唔好以為亞囡喊就等於餓，coz可能係尿濕、扭抱...。盡量少補奶粉，因會令佢習慣知道埋身食後仲有奶飲，而由於飲奶樽相對啜乳頭容易，亞囡會慢慢揀食奶樽。

其實開頭1 week儘量feed on demand，慢慢再調較一個定時的schedule，不過唔使心急，target初頭每隔2小時先再餵，慢慢tune到每餐隔3小時。

E.g.假設你7:00am開始餵，下一餐就約於9:00am再餵，所以呢如每次要食仍成1hr，即食到約8:00am，跟住又換片等，冇乜時間休息好快又食第2餐。

個時我囡就約3weeks開始每餐相隔2-2.5hrs，到佢2個月大時，每餐已可隔3-4hrs了。

jsbaggio

winwin

sorry遲左覆你 睇到你b囡都好標緻喎

好多mama都係左右2邊量唔同，正常的，通常都係右邊奶量多d，唔知係咪大家通常係右邊活動，所以右邊係發達d。

初初餵人奶的階段係好辛苦，可以嘗試訓住餵，咁你餵緊都可以休息下嘛。

我囡初生都係成日鼻塞，望住佢透氣好辛苦，自己都好心痛，第1次好驚仲睇醫生，但卻沒有大幫助。最重要係你通通囡的鼻，等佢可以透氣冇咁辛苦。

唔好太強迫自己，take it easy!

jsbaggio

takr33

agree with maman. bb係需要適應，人同人之間的關係是好微妙的，有時唔係一見面就喏key，聽過好多係有時bb會見到某類型的人會驚d，無特別原因，但適應一段時間就會ok。學maman所講，係學校會成日轉老師(coz升班、轉組等），其實咁樣可以令佢地唔咁怕人，幫佢第時升學interview都好d

另，家長是否申請左資助，對佢地無影響，況且佢地係唔會知道家長是否有資助。

jsbaggio

winwin815

我囡一直都係全人奶，由初生到4mths，幾乎餐餐都有大，仲每日起碼有兩次係痾泡，通常佢一痾泡就喊得好勁，狀似肚仔唔舒服，為此睇過好多醫生、問過唔同人。得出唔同見解：(1)有d人話係人奶便、(2)可能風多or (3)前乳太多。

個人不太認同(1)講法，coz我有朋友都係餵人奶，但佢的b冇呢d情況；至於(2)同(3)都有可能，惟有抱多d亞囡避免佢喊得勁而入風，另外有時間的話會先泵走d前乳，然後才埋身餵。

jsbaggio

yeah,  所以唔好比佢喊咁多！

jsbaggio

對呀，頭一個月係最難湊，滿月後大家先慢慢適應到，到時就ok。係唔好要亞b喊得太多免入風，不過如佢喊得唔係太厲害都可以。

jsbaggio

我囡初生時一直要噯瞓，就算睡著了，一放落床即醒並喊，自己當時都很擔心，驚佢返學唔適應，所以試過1week唔抱train下佢。呢個星期簡直係我的惡夢，因我囡可以一直喊足幾個鐘頭唔停，不單搞到自己都癲左，仲令到佢因入風而肚仔痛，所以最後唯有繼續食完抱、抱住瞓...

好奇妙，亞囡第一天返學（只返2小時），返到屋企將佢放落床，竟然可以自己睡著，對佢係一個好開始，雖然之後都唔係次次可以自己瞓，但返左學後真係可以慢慢tune佢正確的生活習慣。  

jsbaggio

winwin

可以試下用吸鼻管或買d好幼的棉花棒幫佢整出來，咁佢透氣都冇咁辛苦。

jsbaggio

winwin

你可以開始儲奶(我個時就返工前2weeks先開始儲)，通常亞b每次都只食一邊，咁就可泵另一邊，邊食邊泵的話，可泵到多d奶，不過有難度，我個時就亞囡食完先泵。初時可能只泵到1安到，但唔使擔心，慢慢就會多。

最好你就試一餐泵出來餵佢，睇下佢每餐大約食幾多，咁將來你就可以量度每餐份量來儲奶(eg.若佢每餐食4安，咁你就以每4安為1樽，如重泵到奶的話就放落第2樽到）。

儲奶用品
用奶樽儲奶比較side位，初初儲量唔多就ok，到稍後如果你可以泵多d或capable繼續餵人奶的話，就最好用奶袋或avent奶杯(奶袋較平但市面冇乜貨，可到格離"母乳餵哺"個邊睇下有冇人出售)。

另外就要買個冰袋，用來放工運送奶和帶返學校。你可以選擇fridge-to-go(百幾蚊)或買個保溫袋+冰種(十蚊店/jusco有售)。如果你放工後直接湊囡放學，咁你可以每晚將泵出來的奶俾老師，買普通保溫袋都得；but因我唔可以湊囡囡放學，放工時我會用保溫袋裝當日泵的奶(約2-3包)，而每星期2次我會用fridge-to-go帶約10包奶返學(我買個款fridge-to-go係可以裝3枝奶樽，如是奶袋的話，就可以裝到10包，慳好多位）。

如有漏左d未講，隨時問。 :

jsbaggio

winwin

我囡唔係個大食b，個時約食3.5-4安，預多少少會好d，佢初時都有食奶粉，安數同人奶都係一樣。開頭幾次你要試下先，coz個個b唔同，我識有d係已食5安添，初時你試的時候係要side d架。反而如果你知道佢係食4安，而你可以泵到5安的話，多左個1安就放落另一個樽/奶袋到，用黎遲d參奶奶用。

冇話明係保溫袋，我買個隻其實係可以用黎放飯盒，只要你揀隻內層有發泡膠就得，冇記錯呢樣同冰種是係日本城/jusco都有得買。

冇話一定要開始用奶樽餵, 要睇你b需要，個時我囡係埋身同用樽都ok，所以我冇刻意事先train佢用奶樽，反而我覺得佢較prefer用樽，coz容易食d麻！

jsbaggio

hyma

豪豪要保重身體，如果可以的話，可否休息多幾天先返學呀?

jsbaggio

希望各位bb快d好番啦！

winwin
最好係食滿月酒前先餵囡+泵清2邊，另如係book房食飯，可預先叫酒樓預個屏風俾你埋身餵。

jsbaggio

winwin

bb初生階段mama係好快谷奶，有時2-3小時已經谷到有d痛，所以我囡擺滿月酒時我都係揀埋身餵，費時搞到自己辛苦兼無唒mood，有2個方法：

1. 之前所講用屏風遮住，因當晚亞囡係主角，為免失蹤太耐，我會係咁易俾亞囡食15-20mins，等佢有d飽肚的感覺，coz我囡肚餓會喊到拆天，但只要俾佢食少少，填下個肚，就算未飽都ok。咁隔多個幾鐘頭後如未離開，咪再餵多次囉，到返屋企後先再正正經經俾佢食足1餐。

2. 著餵哺衣或用"pei"肩遮住來餵，你又唔使走開，通常初生bb都唔會郁來郁去，肯定定地食。

當然帶奶去座熱都方便，但就辛苦你(因為谷奶真係好唔舒服）。

jsbaggio

winwin
呢個係我自己的經驗，唔知道其他人奶媽係咪都係咁。因bb初生食奶密d，而你又會餵得密d，咁大腦接收左呢個訊息，就會密d製造奶，到你番工後，一天可能只泵到2-3次，加上亞b開始食固體，對奶的需求減少，到時就唔會咁快谷奶。

其實都好矛盾，而家就怕谷奶，但遲d到番工後就發現奶量急降唔谷奶，又會好擔心唔夠亞b食 不過話時話我而家都好少出街，特別係夜街，如果真係要出的話，都一定會帶埋亞囡。

winwin815 寫道:
咩初生bb既mami會快d谷奶架咩, 我開始擔心, 繼續餵人奶既話, 第時既生活會變成點, 3個鐘就要泵/餵一次, 點去街

jsbaggio

hi all

借問聲你地所指的開放日係咪「鄰舍輔導會新翠育嬰園」開放日，上年我唔覺有的 ，可否講多d details.  Thanks.