根德園06 K2家長請進 [Part 2]

gracechung

Hi All,
咁你地有冇d咩心水，交流下。

開頭諗住只要間學校學得出好學生，就幾大都博一博，雖然自己家境普通，不過到時教亞仔做人面對現實，腳踏實地，返學係求學問，唔係鬥身家。但e+見過某校的學生，印象麻麻，講真，有自然狀態下，自己眼見的就最真。

我追求的就只係兩樣，學業成績及校風，唔通真係咁難搵個目標？本來SFA係我心目中的首選，可惜聽聞好難考，今年收好少KV。

唉~~

Elsamouse 寫道:
gracechung & argusmum
關於揀小學,講真,我唔敢去高攀呢d貴族學校,但又唔想塞佢入一般傳統津校,我個人睇法,好多津校只顧催谷精英班的小朋友,其他班的就置之不理,我好唔認同呢種有教有類的做法

gracechung

ArgusMum，Elsamouse and 各位媽咪：
咁你地對宣小同九龍塘小學有冇咩評價？請賜教

gracechung

ArgusMum，ELSAMOUSE，nicki，
SFA似乎好恐怖wor，聽你地咁講都攪到我有d
如果宣小功課唔係谷得太盡，但又唔係淺，都幾理想，可惜正如ArgusMum話齋，嫌佢唔係英小囉！so我好想了解下九龍塘小學，佢係英小，但印象上覺得佢專收d入唔到一級學校ge學生咁………

Cyrus123
我有個朋友個仔讀地區band1，係仁立，目標中學係林護。你唔好以為冇咁辛苦，我見佢要不停谷仔做補充至keep得住，因為全級頭30名先有機入林護。我自問真係冇佢咁堅！
呢個朋友個仔都受得住，另一個朋友個仔，同呢個小朋友一班，雖然考頭幾名，但個樣簡直係癡呆樣~~

細路在kv跟得上的話，都証明佢有一定的學習能力。如果橫又谷，掂又谷，不如博入名校，跟唔上至打算。

gracechung

Hi Dear All,
祝大家   新年進步
              仔女聽教聽話
              入到心儀小學
               老公搵多多$，仲要比晒我地


TinaMummy, carriechan,
你地好叻，可以種到開花，"鄧"你地高興
我地唔識種，最後只係買花

gracechung

我剛先同亞仔默書，恐怖囉，唔係漏dd筆劃，就係應該穿頭的唔穿，唔穿的就穿~~
仲等我先前高估左佢，想佢讀SFA，睇怕都係我自己一廂情願囉~~
惟一ok就係計數。[quote]
ArgusMum 寫道:
cyrus ma
我都係由年初一忙到年初三
亞仔呢個假期玩到"創"晒..
每晚成點鐘先訓,第二朝就訓到成一點先起身...
派完school report開始,就日日打機.....
今日hb要返工,我就開始捉佢默下生字...計下數,怕佢放完呢個假返學會夢遊太空      [quote]

gracechung

Sunnie Ma Ma,chansc912:
祝你地的乖乖早日康復，身體健康，快高長大

cyrus123, Argusmum, comet:
我早兩日開始同亞仔串字，默中文，認字卡同埋計下個位加減數。
我個仔個人好蠱惑，放鬆d都唔掂，鬼咁多藉口。近日叫佢溫習，仲識同我講唔夠精神tim 但一放佢玩就鬼打冇咁精神 e+佢咁細就話仲管到佢，真係擔心佢第日唔知點，好鬼激氣~~
我想問下各位，你地d細路會唔會諸多藉口？唔知係我個仔特別早熟，還是所有呢個階段的小朋友都會咁，只不過係我太out
我個仔咪又係唔輸得，乜都要自己贏，輸就
有時同其他小朋友玩玩下，發生爭執，幾唔好意思

gracechung

喂，喂 Cyrus123：
咁你99想你亞仔讀邊間呀？其實從另一個角度睇，你99識教都好呀，好過我99唔識教，淨係識縱，到轉頭仲在亞仔面前話我同HB惡，會嚇親個仔，攪到個仔識扮可憐，實質連老豆的說話都唔聽，你話c5c？So，我盡量唔比佢見我99，你話我衰都係咁話喇！

gracechung

我都同意，KVd功課成日都係counting up/down，原先我仲覺得好鬼無聊，原來係幫d細路識得建立加減的概念。
大約半年前，有次搭MTR，入左$20kum機買小童票，機跌d找錢出來，我一手lor左就走，亞仔問張票幾$，我HB隨口話，比左$20，找回$16，你計到就知幾$。
點知一陣之後，亞仔竟然計到$4。我問佢點計，佢就示範比我睇，就正正用counting down的方法。

近日我無意中發現亞仔識計十位加數，eg. 12+23，佢識拆開10+20，然後2+3，然後再加埋一齊。概念上的理解完全正確，我諗係因為近來學校教十位數(教1-40)，教埋佢地呢種concept，所以亞仔發現左呢種計算方法。

ArgusMum 寫道:
Tiggie
argus係用counting down既方法去計架.
我見佢好似16-3咁,佢會15,14,13咁,知後就會答我13
我唸kv成日要佢地做數學功課都counting up/down,都係想佢地concept好d[quote]
Tiggie 寫道:
ArgusMum,

Argus 真叻仔, 亞仔只懂得用手指計算減數, 所以10以上減數唔識計.

[/quote]

gracechung

我諗d細路只係了解個原理，但操作/運算未係好純熟。
So,要進位應該未得。
不過我覺得KV培養到學生建立概念，的確好了不起

Cyrus123 寫道:
gracechung,bonnieandtung:
勁wor,叻！隨口問,不用列直式嗎    若要進位的,要列直式比阿仔,但心算就 ,等我今晚考下佢先,hehe...[quote]
gracechung 寫道:
.....
近日我無意中發現亞仔識計十位加數，eg. 12+23，佢識拆開10+20，然後2+3，然後再加埋一齊。概念上的理解完全正確，我諗係因為近來學校教十位數(教1-40)，教埋佢地呢種concept，所以亞仔發現左呢種計算方法.

gracechung

由於我平日都有湊仔返學，所以大概在 DEC ，已接獲老師投訴傾計，不過同邊個同學傾就冇講。原來Anson都有份。後來比我keep左一輪，傾計方面都已有小小改善，但心野呢方面就真係好難

gracechung

Cyrus123，
我都唔知點分呀 未必係分數分，我諗係先生內心對小朋友評價分grade掛！不過既然先生咁講，做亞媽冇話唔緊張架嗎！不過亞仔的確心散左，呢點我自己都感覺到。

Btw，Hang's mum，
我頭先問Jeff，係咪成日同Anson傾計，佢話唔係同佢傾，係同Jeffrey, Steve, Justin,林宇成佢地傾wor。c 囉，好痴唔痴，痴埋個Jeffrey度，就係咁就nine野喇

如果情況許可，不如比Anson讀上午班，比個期佢適應，因為小學都要早起。

gracechung

亞仔有講，我問佢開唔開心，點知佢話唔開心，因為舊年K1係第一名wor，e+的同學跑得冇咁叻………

bonnieandtung and all mum,
我問過Ms Poon有關KV會否協助教導學生應付小一面試技巧的問題，佢話雖然不設訓練班，不過除左K3會有一日預試日之外，其實平時會加強問小朋友一些常識問題，eg.陌生人按門鐘你會點做？

跟住Ms Poon就話喇，亞Jeff永遠唔投入，唔舉手答問題，中意冷眼旁觀，你話係咪激c 我！
各位媽咪，如果大家間中打探到小朋友上堂時老師問過d乜野問題，不如post上來，積少成多，用黎訓練下小朋友都好呀！

bonnieandtung 寫道:
gracechung, Hang's mum,,

你們的大少有沒有告訴你知, 昨日運動會k2s體操比賽得了第三, 所以ms.poon送了支筆比佢o地     

gracechung

KAKAMUN

check pm please.[quote]

gracechung

請問係咩會呀 我唔係好明 咁e+交會費得唔得架

Cyrus123 寫道:
Serena:
吓！咁我咪冇得去law,你地入左咩會呀？
我地都幾週冇見啦   或許明天Cyrus會回去,等我confirm下先！ [quote]
serenachan 寫道:
小B維維,

好耐無見!大家都很忙啊!

個講座係咪只比之前巳經交咗會費嘅mami先可以參加?


[quote]
Cyrus123 寫道:
Titi:
一講小一,一有function,又多左mami現身啦！ [quote]
小B維維 寫道:
係呀, 之前同Fanny傾開, 會有一個talk (關於升小一) 俾KV的家長, 日期方面要再同Fanny傾傾, 有資料再通知大家啦!

如大家有興趣, 請pm以下資料俾我啦!
1. bk name
2. 聯絡人
3. 聯絡人電話
4. 聯絡人電郵
5. 關於升小一的問題

[/quote][/quote]

gracechung

死喇，完全冇幫亞仔溫過書tim，近來完全冇理過佢，唔知佢掂唔掂！
老實講，呢輪我個心都屈得好辛苦。我亞妹個b只係出世左兩三個月，我個妹夫竟然出邊有女人，仲要同人地係出邊過夜。可憐我個妹大肚時已經知道，又唔敢同屋企講，因為我個衰老豆又係臨老衰呢辮，攪到我亞媽已經屈出週身病痛，亞妹怕激死亞媽，自己收埋收埋。e+終於爆發出黎，我亞媽當時嚇到暈，e+一日抱住亞b歎氣，亞b 時佢又 。我叫亞妹請假，佢又唔肯，因為現時份工對佢黎講好重要。
呢幾日我地都返左外家幫亞妹搬家，同時又要湊住bb。我個仔又坐唔定，一時又攪bb，一時又阻住晒，所以比我地丙到七彩！
原來KV今日評估，死喇，我冇理亞仔，我真係好內疚！

mcheung 寫道:
yaumother

The assessment will be held on this week (today)!!

gracechung

bonnieandtung,ArgusMum:
多謝你地關心。好彩未考中英！今晚仲有得溫。
真係冇陰功，我亞妹一直都唔出聲，所以果日無端端爆出來，我都好愕然咁 左出黎。
件事都好耐下架啦，由大肚果時發現左到e+，唔足一年都有大半年啦，如果有誠意改過自新，晨早都改左啦，仲點會變本加勵，學人出去過夜？
原來我亞妹大肚果時受左咁多委屈，唔怪得之產檢果時成日話個b太瘦弱啦，又話作小產。等我仲鬧鬼我亞妹唔小心的養胎，好彩後期個胎發育得好好，追得好犀利，但出世時都只係得6磅唔多夠，但我亞妹已經好盡力架啦！
d衰男人真係衰到冇人有

gracechung

各位媽咪，

好多謝你地的關心及支持，我地e+已經安置左妹妹同bb返我亞媽度住，我都會經常返去，有自己屋企人同住，點都好d。為左個b，我亞妹應該會堅強面對，呢d係做亞媽的本能反應。

正如其中一位媽咪講，我都有讚亞妹叻，比多d自信心佢。
事實佢真係叻，為左bb有老豆，一路都沉住氣比機會佢改過，佢拖得就拖，唔改都算，果日仲衰到你估點？真係聞所未聞，見所未見。個cheap女人竟然踩上黎鬧我亞妹唔知羞！正室比cheap女人鬧唔知羞，呢個係咩世界？如果我在場，一定郁手打佢，上差館都係咁話

自此之後，我亞妹可能感到絕望，就抱亞b返外家求助囉！e+安頓在外家，點都好過佢在出邊亂諗野！原本佢話要搵屋搬出去，我驚佢太大壓力，死都唔比佢走。

我諗e+比早幾日已經好起來，再一次多謝大家的鼓勵！
Thank you.

gracechung

係呀，我都贊成抽默，我中英文都抽默架。抽默至可以check清楚究竟個小朋友係咪真係識寫。

ArgusMum 寫道:
elsamouse
唔好比佢地死記呀
我次次同argus默書,都會抽樣同佢默,唔比佢自己順序寫出黎架
如果唔係..佢地只會死記左個字既位置係邊.....到日後單字問佢地.佢地可能會唔記得架
[quote]
Elsamouse 寫道:
顧問
請問知唔知老師有冇係學校要求小朋友背星簿的中文字次序?

我聽到遠孜係度背:人工口大回田....背左好多好多行   

就係因為咁,我同佢溫中文,佢自己寫個人字,跟住教我填"工"字,我糾正佢應該係工人,跟住佢揭星簿俾我睇,話佢自己冇錯

[/quote]

gracechung

Cyrus123,
真係多謝你報料，如果唔係我都完全唔知個仔在學校發生過咩事，雖然授課內容未必班班一樣，不過我估同一學校講的常識主題都有機會相同掛！

我個仔返到黎乜都唔講，問佢都唔講，都唔知佢係唔想講，定係唔識講，定係返左屋企乜都唔記得晒，攪到我開始覺得佢好似好蠢咁

你話佢蠢咩，佢又好中意數理架wor，失驚無神問我在地球上的三種物質，陸地、水和空氣係點得黎？舊年，佢走去問science workshop個先生，comet係唔係其中一種rock？後來個先生話查証下，下星期答你。後來先生show左本書出黎，圖文並茂，答案出乎我(理科白癡)意料之外，原來果d comet係一連串的冰塊！呢樣野我到e+都唔係好明

但係佢對日常生活的野就攪唔清，比錢佢入豬仔，6元同6毫都攪唔清，教左佢幾百次，乜野係中西餐，然之後問佢去茶樓飲茶係中/西？佢又"ee我我"答唔出 過左聖誕冇耐，問返佢聖誕係咩季？佢話係夏天 再問佢幾時玩燈籠？佢話夜晚 再問咩節日玩燈籠？佢就話"節日？"然後，靜默唔識答！唉！我都谷到一肚

上次家長日，Miss Poon都有話KV會係平日加插多d時事常識比學生，並多d問下佢地問題，算係幫助加強孩子小一面試的能力，但睇黎我個仔都係受惠唔到..........
佢咁鬼蠢，真係蠢到我自己都叫救命，我好擔心佢都唔知點考小學

PS. 請大家如果收到風，先生上課講過咩話題，麻煩上黎通報下個仔咁鬼蠢，惟有自己在家再跟進 啦！

gracechung

亞桐真係好叻女，幾乎可以將學校的生活點滴活生生咁描述比你知，我個仔乜都冇講，你話係咪激死？
果次我帶仔返學，遇見桐，佢仲行過黎叫我ee添呀，真係好有禮貌好醒呀 ，你話幾抵錫呢    

bonnieandtung 寫道:
Hang'sMum, gracechung & 各k2s媽咪 :

係呀! 桐於幾日前已叫我找有關熊貓的圖片, 她說ms.poon話要玩個遊戲就是要每人都要帶熊貓圖片, 如帶了大象,長頸鹿及其他動物的圖片就當輸! 所以桐好緊張話一定要星期一攜帶熊貓圖片

另剛剛(是幾日前, 我忘了桐對我講幾時啦!)轉了位, 桐現在是藍組 [quote]
Hang'sMum 寫道:
各K2S 媽咪

是否要找熊貓的資料 ? 是否何時也可給MS POON ?

[/quote]