09年已獲取錄的IK1入黎交流

Michelle_Hung

查實我睇到有些一頭霧水, 好多唔係好明佢想點?? 如書薄費? 係唔係買晒就咁開張$2041支票?? 果度全部書係for IK1?
又好似買校服咁, 都無尺寸, 我點知s, m 定 L呢?? 又無圖樣, 崇真好似得一套好似體育服咁款的校服架咋可?? 一般幾多套先夠呢?
校車又係啦, 無路線架喎, 咁點呢? 我之前問過司機我果度無車去, 咁佢地係唔係睇下今年有咩學生會坐車同住邊先決定路線呢?? 佢地話司機會在開學前三星期contact我地, 但如果最後唔坐要1 Aug 前寫信俾PTA先有得refund deposit, 咁即係點呢?
仲有請問邊張係"orginal registration receipt"??
話時話佢地薄費同文具都幾貴, 請問下學期會唔會又要買過晒?? 都成七百幾蚊喎...我其實唔係好明一個K1學生點用二百幾蚊薄for 一個學期only...有無咁多exercises做呀??
唉...做人呀媽真係唔易...

原帖由 basicjanny 於 09-4-29 00:00 發表
今天收到注冊信啦.

Michelle_Hung

我個仔都係IK1(L)! 好開心呀有同學仔喇!

請加入班別.

小朋友名字.....班別..............性別....................住係邊
Macro.........................M....................Tsuen Wan
Cicy.............................F.................Sham Shui Po
Natalie.........................F.......................Yau Tong
Coby...........................F.....................Yau tong
Bryan..........................M..................Lai King
俊言.............................M...................   Yau Tong
霖霖.............................F....................Tai Kok Tsui
Ian..............................M....................Lam Tin
Harminee........H...........F.....................Tsing Yi
Aster .....................F................. Lam Tin
Hei Hei .................M.............Hunghom
Jasmine ...............F..............Shatin
Astin ...................M................Mei Foo
Anson澤騫............M................Tsing Yi
cash .................. F ...........kwun tong
念童..........L.........F............Lamtin
Elliott (博博).....L..........M..........SheungShui

Michelle_Hung

我囝囝都係IK1(L), 佢叫博博Elliott, 係Panda group, 第一日返學死都唔肯坐仲撞親個頭果個就係佢喇! 激死我..

我都驚個仔唔知返學返成點, 又係問佢咩佢都唔答, 昨日只答我茶點食"triangle", 再問佢就話"bread", 我問佢係唔係食"sandwich"佢又話唔係, 跟住就話俾我知"博博唔食triangle, 喊喊呀"咁, 同埋話俾我知"run, run, run, fall down", 個膝頭有些損o左, 我頭兩日都有打俾班主任, 不過佢地電話好難打, 同埋打得多又驚煩住老師, 好鬼擔心..

原帖由 chris712 於 09-9-9 16:38 發表
hihi,我阿女叫童童呀,係IK1L的,好似這裡冇人同佢同班,呢幾日D校車真係好遲,上車都OK,只係遲左個零字(叫12:55等,1:03左右到),但回程(話0525等,成0550先到...)

希望好快可以改善~

童童係藍田上落,應該都係同你地同一 ...

Michelle_Hung

hi! 我返來喇, 最近忙到嘔, 又要照顧埋個仔返學真係想死! 無錯博博就係返3pm - 4pm 第一日唔肯上堂果個喇, 我有些印象有個媽咪返入來搵廖老師傾偈, 我仲鬼咁唔好意思好似阻住晒咁添~~你囡囡真係好叻呀! 昨日係食星星同飲奶呀, 點解我知呢? 唉, 因為老師昨日五點幾打俾我, 話博博瀨vv同瀨pupu, 唔係第一次喇, 上星期四五都係瀨vv, 問佢係唔係唔識講, 我頭都大埋, 話俾老師聽佢係識講, 仲識忍, 可以忍到幾個火車站車程架, 就係唔知點解在學校同坐校車就唔講, 瀨囉, 我估佢對老師同保母姨姨仲未建立到信任, 唔敢同佢地講, 我老公就擔心佢頭果幾日都無事, 唔知係唔係試過講完無人理佢所以唔講, 我希望唔係啦. 因為佢一路食星星一路瀨pupu, 所以我知昨日係食星星...-_-!

廖老師仲話博博無最初果幾日咁唔肯上堂, 家陣老師叫小朋友做o既o野佢都會跟住做, 但問題係, 好明顯佢唔係好開心, 唔enjoy, 係"你叫我做牙, 咁未做囉.."果種, 我地問佢返學開唔開心, 佢十次有九次都話唔開心, 姐姐話佢朝朝未返學就同姐姐講"not go to school好唔好呀?" 但佢放學返黎又會變得好開心架喎, 我都唔知佢其實係鍾意返學定係唔鍾意返. 佢就成日話掛住之前playgroup的同學仔囉, 可能佢個人慢熱些掛, 希望遲o的會好o的啦

BTW, 我想問佢地返學係唔係日日都要帶晒所有書呢? Back to School 係唔係教完架喇?? 同埋有無媽咪報o左影子計劃? 我報o左呀, 一來希望學下點樣教導小朋友(同教埋自己), 二來我希望博博可以返到兒童主日學, 因為自己教會的兒童樂園佢唔係咁喜歡, 我希望佢對學校熟悉些會些得好o的!

原帖由 chris712 於 09-9-17 15:23 發表
但係我地下午校車番學,同上午班放學是同一車的,為什麼上午班放學就唔遲,下午班番學就勁遲??已經開左個幾星期,仲係咁...嬤嬤日日都等到傻...又唔敢遲d落去等...





阿女尋日都有收番個手冊功課喎,又有新功課tim~唔 ...

Michelle_Hung

真係要出黎交流下! 我個仔又係十問九唔應, 唯一一樣會答係我問佢返學係唔係要"o者"咭咭佢話係, 問佢點"o者"佢就o係心口扮拎起張咭"o者"俾我睇. 我問佢係唔係有小朋友俾人整到喊喊, 佢又話無, 我再問係唔係有個妹妹俾人整到眼睛喊喊, 佢又話係呀(其實我驚唔知係唔係我個仔整到童童嘛...)我問佢你識唔識童童架, 佢又笑晒話識呀, 問佢鍾唔鍾意童童, 佢又話鍾意呀~ 俾佢激死...

同埋佢學校電話好難打, 成日無人聽or唔通, 又唔知邊o的叫功課, 我以為放在通告袋果o的先係. 前星期有本練習簿, 係平日派返來, 不在通告袋的, 油樹葉果本呢, 我見佢塊葉油得一半, 係真係剛剛一半果邊線, 又唔知咩黎, 未無理佢囉, 點知上星期派返本簿俾老師寫"請完成功課", 真慘, 今次係油自己性別, 我見佢又係油o左架喎, 我都係決定唔理佢, 睇下今次又點!

Michelle_Hung

我orientation果日無去, 得我老公去, 我問返佢, 佢話係呀老師係話一三五會有功課, 星期五會多些, 我話"你唔好出年先講...-_-!" 搞到廖老師星期三打俾我, 話發現博博上星期一三都無交功課, 叫我果日留意下, 我話我已經發現o左, 今個星期一都有交, 幾鬼瘀...

同埋想請問今個weekend個book report其實係睇邊本書做? 係佢地圖書館借果本, 定係"much fun at school"? 因為我果仔本"much fun at school"係放在通告袋的, 而圖書館借果本係單字圖書, 做唔到report架喎!

唉今日去某小學做完個parents talk, 之後同個相熟老師傾了一陣, 佢問開我個仔返學點, 我話我同佢都摸索緊, 日日返屋企飯都未食就要睇通告, 睇下有咩功課, 仲要問下工人佢有無瀨VV, 有無喊, 有無異樣, 又要同廖老師傾下佢返學有咩問題, 仲要搵埋呀仔以前playgroup的老師研究下點幫到佢過度, 真係人都癲, 因為九月開學都係我全年最忙o既時間, 連呀仔1/9開學都差o的去唔到同佢上堂(果日有間學校明明約我一點半到兩點做個短talk, 講到自己班老師兩點要開第二個會我先應承佢, 點知搞到我兩點四都仲在柴灣, 一出門口好彩有的士咋, 剛剛好三點飛到去崇真), 家陣做人呀媽真係唔易呀~ 希望遲o的博博習慣o左學校生活果種會好o的啦, 起碼唔需要擔心佢, 我最希望佢返學日日開開心心就夠架喇!

Michelle_Hung

博博係熊貓組, 可能佢特別扭計老師成日叫住佢, 所以瑤瑤記得佢囉~
我o的朋友叫我問老師熊貓組所有小朋友o既名, 叫我返屋企多些同博博講下同學仔o既事, 希望佢可以盡快適應到, 咁我未開始逐個小朋友問下佢囉, 點知博博講來講去都係話"Ethan", 我問"Ethan"係唔係同學仔, 佢話係, 坐o係佢右手邊架, 咁我又問老師係唔係真架, 老師話:"係呀, Ethan坐佢右邊架, 不過佢哩兩個星期去o左澳洲無返學喎..."  但我個仔好堅持佢日日都見到Ethan, 激死我...
同埋我好頭痛, 唔知點解博博返o左學曳o左好多呀 (本來已經唔係乖), 學識玩口水, 同咩都放入口咬, 食食下飯會走去咬檯, 以前話佢佢都會聽架, 家陣話佢佢走o左去, 我同佢Daddy都唔知點算好.
不過佢前日生日會好開心呀, 一返到屋企係咁同工人姐姐同Daddy講, 佢地仲話佢食cake食到成件衫污糟晒, 好搞笑..

原帖由 jollyhome 於 09-10-2 00:22 發表
Chris,

瑤瑤係小白兔組的‧

原來本much fun at school已經用完,咁我都唔再放響瑤瑤書包lu..


博博媽咪,

瑤瑤成日響屋企提起博博個名,話學校有個小朋友叫"X博X"wor,我問佢點解成日講,佢又答我唔到wor~ ...

Michelle_Hung

都唔係成日打, 有需要佢就會打, 開學到現在同佢傾過四五次左右(有一次係我打俾佢), 可能我個仔特別多麻煩事啦(佢最初校車證派錯, 咁我要打俾老師唔係搭錯車就大件事, 順便問下佢返學情況, 跟住就係我個仔不停瀨vv, 又同老師傾了幾次, 最近就生日會搞錯了, 博博係十月生日佢俾o左張叫我買food的notice, 老師就打俾我叫我唔使買). 佢地都幾忙架, 我試過打去學校留了兩次電話都無覆我, 所以如果唔urgent的我會寫在手冊同老師溝通, 都係一個好方法.

原帖由 chris712 於 09-10-5 00:48 發表
愛班媽咪,

你們成日都有收到老師電話的嗎?
um,開學咁耐...老師都只係打過一次黎,話我個女整親眼,我先順口問到幾句...
ms 廖有打比你們嗎?

Michelle_Hung

大家好呀~ 昨日收到通告十月十日開放日係唔係所有小朋友都要返一返學校呢? 因為唔返要寫原因, 我本來唔打算返, 果日有好多事要做, 但睇完通告都想同佢返去玩一陣, 順便睇下佢返到學校係唔係真係佢講到咁"唔開心", 有無話要上午定下午返呢? 我從來唔知果日其實有咩節目, 同埋咩係"learn with fun""大家xx普通話"?? 係唔係小學先有幼稚園無架??
仲有我想問之前見你地話收到冬季校服通告, 我無收過喎, 有無都係IK1(L)媽咪收到呀?? 都真係差不多要買架喇喎, 好忙呀, 晚晚放工返到屋企已經成十一點幾仲要睇通告同追BK, 搞到今朝訓醒一睇鐘已經係九點一, 撞鬼...-_-!!

Michelle_Hung

好彩你提下咋~ 我真係唔記得聽日唔使返學添!! 即刻打返去同工人姐姐講...

深崇我一路都覺得佢好貴架喇, 不過都無辨法啦, 同埋我想問係唔係無男仔學跳舞架??? 其實我好想俾個仔學, 但驚好似好怪咁... 博博逢一二三都上興趣班, 佢上中華小墨寶, 畫出新天地同埋精英小劇院, 有無同學仔一齊上呀?

今日約了間小學在上水4pm開會, 我估四點半就可以做完, 咁就可以返屋企(我住上水)接博博放學同埋同佢慶祝生日喇!! 終於可以陪下個仔...諗起都開心~~

原帖由 chuchu_ 於 09-10-8 13:23 發表
hebe 媽,

嘩..深崇係深水大鱷, 因為我諗我地去買75元一對, 但無理由佢都要75元, 佢幫學生買咁多可能有批發價tim呀.哈...你話佢仲唔係食水深....好呀, 下次我地真係要夾埋d 媽媽一齊買, 慳家好多呀~~~

聽日唔駛返 ...

Michelle_Hung

蕭蕭你好呀~ 咁好入來睇下我地~ 都未多謝你俾意見我先下定決心揀崇真...

不過我個仔好似返得唔係咁好, 成個半月都係唔肯返學, 成日話唔開心, 話老師唔錫佢(當然我地唔信啦, 因為佢返到學校係肯俾老師抱抱, 同埋見到佢在班房門口貼出來果張相係好開心), 又話同學仔蝦佢, 最近又成日話"媽咪唔要博博", 都唔知點解佢會咁, 照計返學玩點都好過坐o係屋企發呆...

我地返了兩星期影子計劃仲衰, 佢死都唔肯去兒童房, 一定要跟住我地, 唔知係唔係第一次落去果陣有個K2哥哥追住佢黎嚇佢, 博博坐邊佢就坐佢後面搖佢張chair, 博博好驚換了幾次位都係咁, 我就抱起佢去遠o的, 跟住佢就死跟住我唔俾我走, 唉, 我都唔知點算...係唔係應該同老師傾下呢?

BTW, 有無媽咪星期四會返去聽講座同埋家教會大會? 我應該會到~

原帖由 silvia_ng 於 09-10-20 22:40 發表


唔好客氣...教中國舞個周老師都幾嚴架, 佢地k1應該做緊拉根。

崇真感覺...當然係very good啦! 否則我都唔會比埋個細女入黎讀呢 。

Michelle_Hung

哈哈我妗日見到你喇蕭蕭, 不過你見唔到我~ 好彩我早o左上去見老公俾部腦我check email 順便入下BK先見到你個pm, 如果唔係就見你唔到喇~

你講的同老師講一樣, 廖老師昨日見到我同我講停晒博博全部興趣班, 話佢好明顯係要返興趣班果幾日就脾氣好差, 唔使返就會好好多. 我估博博要返的日子係唔夠訓(要比往日早兩個鐘出去, 即係訓少兩個鐘), 咁o岩我又交晒十一月錢, 我諗住試多兩個星期, 但叫姐姐帶佢返去(咁就可以遲一個鐘出去), 唔坐校車, 睇下會唔會好些! 如果唔係我就放棄喇, 報俾佢都係想佢開心玩, 唔開心就唔去喇.

另外昨晚講座好好, 雖然聽到九點勁肚餓但學到好多, 崇真真係幾有心做教育~

原帖由 silvia_ng 於 09-10-21 09:22 發表


哈...唔好客氣! 等我分享下我以前既經驗...

我仔仔剛上k1時, 頭一個月都好乖唔喊。但點知一去到10月, 佢就日日喊, 死都唔肯上校車返學。我都唔明點解...有一日班主任打比我, 同我講,話應該我仔仔唔想上課後活動,  ...

Michelle_Hung

其實有無媽咪知小墨寶同小劇院點好玩法?? 博博一o的都唔肯同我講玩咩, 係早幾日睇到有媽咪話小劇院有個mask叫"丹丹"我先搵返佢果個mask出來問佢係咩黎, 佢講o左少少, 同埋哩幾日成日搵o野扮mic叫我講o野, 我問佢好唔玩, 佢講"好好玩架", 問佢有咩玩架, 老師教咩佢又走o左...

今日開始姐姐會帶佢直接返學, 可以訓多一個鐘, 希望有幫助唔會發脾氣同喊啦..

原帖由 chickenwing2006 於 09-10-27 00:18 發表
仲有呀 .... k 1 中國舞就係舞藝小搖藍 , 不過我同小劇院撞左 , 報唔到 lur


我個次同 miss choy 講, k 1 最開心係中華小墨寶同小劇院 , 不過小墨寶就好多人 , 成 50 人一班 wor   我而家想改都未 ...

Michelle_Hung

hello各位,

博博昨日無返學, 唔知昨日有無通告關於明天旅行呢? 我之前收到通告話小朋友要穿校服, 咁要唔要帶書包? 同埋係唔係話要自己準備食物?? 死啦我無準備呀, 仲有咩要帶架? 唉我今日好多o野做唔會好早有得走, 聽朝又要七點三出門口, 一家三口實變晒大熊貓~~

原帖由 曦Hei媽 於 09-11-5 09:05 發表
Hebe Ma,

尋日咪同miss choy講番，咁比埋picnic資料比我，我明天都去，明天見。

至於件校褸真係好細，我要換番m size lu。運動衫都要換番大碼，我買中碼好似都係啱啱好咋！我想問係咪要自己去番校務處換呢？

改番興趣班hebe開 ...

Michelle_Hung

係呀, 小朋友要著整齊校服+白波鞋, 但就無講要唔要帶埋書包, 我諗住唔帶喇, 因為完O左可能帶博博去玩~ anyway, 聽日見喇各位!

原帖由 靚太太 於 09-11-5 21:44 發表
唔好意思呀！請問乜去旅行唔係著便服架咩！！因為通告無寫唔講真係唔知道呀？？

Michelle_Hung

我有書喎, Phonic同學校果兩本英文普通話兒歌都有.
題外話, 我想問今個星期五Party係唔係都唔需要穿校服, 好似生日會咁?
唉..我仲未有校褸, 冬季校服都係得一套... 好彩返埋今個week就放假..

Michelle_Hung

星期五party應該係正常返學時間, 但之前交了$20係for禮物包, Jeff媽最好都問問老師(因為可以交可以唔交架好似, 交就有禮物唔交就無)
另外博博話昨日同今日都無茶點食, 我見佢隻杯又真係一點用過的痕跡也沒有, 你地小朋友有無講呢??

[ 本帖最後由 Michelle_Hung 於 09-12-15 19:17 編輯 ]

Michelle_Hung

各位好呀! 聖誕快樂完祝大家有Happy New Year!! 我就放三日假病了兩日半, 無乜心機陪博博, 不過聽日要返工已經好唔捨得個仔喇!!

Michelle_Hung

博博星期五放學返來(果日應該係生日會), 心口多了兩個牙齒印, 紅晒, 有血痕, 我問佢咩事, 佢話XXX咬佢, 佢話好驚, 由於博博坐街車返學, 我反覆問o左佢好多次係"校車"小朋友咬佢, 定係IK1(L)小朋友咬佢, 佢話係學校, 係IK1(L), 我問佢XXX係唔係 chicken group, 佢又答到我話唔係, 係hippo group. 我問佢廖老師見唔見到, 佢一時又話見唔到, 一時又話見到, 老師仲鬧小朋友, 但老師就無打過電話俾我. 如果真係在學校發生都幾驚, 因為個牙印在心口, 要好大動作同好用力先可以咬到咁樣, 真係無咩理由兩個老師都見唔到, 你地覺得我係唔係要同老師傾傾? 我又驚個仔唔知邊句先真...

Michelle_Hung

hello! 學期尾啦, 咁快又一年, 祝各位小朋友開開心心, 學業進步! 又講下上次話博博疑似被咬事件. 果次個傷口好返少少, 消了腫後, 我就見到好清楚係兩隻手指甲"咪"落去整到的傷口(諗起都心痛). 咁我同廖老師講開電話就話俾佢知有件咁o既事, 佢話會問下小朋友. 跟住上星期見家長, 廖老師就話俾我知問了博博係唔係XXX "篤"佢, 佢話係, 老師又去問XXX, XXX 都答話係, 跟住老師就望住我同老公, 無講o野喇, 咁我等了幾秒, 話, 哦, 都唔緊要啦, 過o左咁耐, 不過真係要小心些, 因為無咩理由我個仔俾人掀起件衫到心口仲要俾人篤到流血都無老師睇到. 雖然話好可能是在洗手間發生.

另外, 大家係唔係都會去23/6個performance day?? 好似好得意咁, 博博日日返來都跳果隻舞, 真係好想睇!