請問如果邊緣人選基崇好嗎？

Michelle_Hung

回覆 snake666 的帖子

可能無咁快，今日基崇派表俾崇小家長再報名，因為崇小成績頭70%係可以直入基崇，佢應該要睇埋崇小哩轉翻兜有幾多人先知仲有幾多位

Michelle_Hung

回覆 snake666 的帖子

好似27/3 deadline, 唔會 interview 學生，因為成績排頭 70% 正常程序係你肯讀就收唔需要面試，但今次翻兜話會見家長，要家長承諾必定入讀先收，廢事啲人見換校長就襯高興報名，收完佢最後又唔讀。崇小應該有大約80人係有資格直升，但每年都係得二十幾三十人入基崇，今年可能會多咗人揀佢

Michelle_Hung

回覆 CheungAA 的帖子

你會唔會太高估咗崇小? 我作為崇小家長，好清楚崇小學生有幾多 band 1/band 2 甚致 band 3. 崇小嘅細路其實好叻，但學校唔太操練，學生rank order 唔夠出面爭係事實。考到好直資當然有，無著落或拎住個雞肋 offer 嘅都唔少。佢地今日開始呈三，就係考到27/3。估會有人報名先等呈三成績出再作打算。轉校長後有報了沙崇(基本上佢地自行應該無問題)都積極考慮基崇，唔係話無可能，家長有好多其他考慮，唔係盲目追求 banding，加上有部份學生一早打算過幾年就走，都搵間開開心心過幾年就算。好多崇小學生特別國際部係拎外國 passport, 隨時走人。不過我都會叫佢地唔好傻，就算轉校長，學生同學校都唔可能短期內改變好大。
其實我一路都講，今年影響唔會太大，最多有十個八個轉軚 (每班2-3個絕對正常丫)，都無講過學位短缺，只是想講個時間性出來，讓等緊嘅家長唔好日日望住信箱好擔心咁

Michelle_Hung

回覆 hkpapa852 的帖子

實話實說 事實崇小同樓下甚致 TSL 學生整體排名係有分別，無得呃，佢年年都放曬派位派咩學校，主流應該不錯，但講真唔算標青，國際部就真係好一般，同 斷層好大，前面可以好好，後面可能慘不忍睹，無乜中游，不過果啲唔會有人講。我當初揀崇小唔係因為佢成績好，只係喜歡個環境，如果選成績，其實我仔當年自行係入咗循道亦已註冊，我讀崇小俾人鬧到癲咗，但我同小朋友選校係睇邊個環境適合佢，正如現在中學我都放棄基崇一樣