兆麟聖彼得堂 06 k1入來傾下丫

luluma

catnapper

卓琳都係咁架, 問親都話唔知架,比佢激死, 我地唯有等佢自已重播先有得睇架咋.....

luluma

hviy

嘩, 如果樣樣都係要我出手, 咁我令願唔比佢參加比賽呀...

luluma

hviy

吓, 咁會唔會攪到第時正式做功課時, 佢又要我同佢一齊做, 咁咪ccc

乜而家小朋友, 樣樣都我地在身邊, 真係名副其實 "倍太子讀書"...     悽涼

luluma

Iris-yu-him

唔該晒呀…我睇左啦, 但無我個女出現呀….

非女

你仔仔會越來越叻叻架, 你放心晒啦….

Shirley

我地唔會參加呀, 因為要照顧個細女, 佢得六個月大咋, 時間好早喎. 但都會捐助少少作支持……年前未有細女時, 一家三口參加左公司攪的”山頂步行賽”, 要九點上到山頂集合, 整個行程用左成粒鐘, 邊行邊抱, 都咪話唔辛苦, 行到成身大汗, 始終小朋友體力係唔及大人的, 抱下都要架…..

Beautymother

你小朋友好叻叻喎.

無呀, 好難得先聽到佢唱 ‘boy boy I am a boy, girl girl I am a girl’ 咋…. 係每晚瞓前睇書時, 佢先會講少少, 發者佢心情好, 會同我講, “Wu An” “Wuan Lao ci”

不過, 昨日佢算叻左, 晚飯時我同佢講, 聽日係開生日會喎, 有生日蛋糕食 (因為佢好鐘意食的), 佢就好開心咁講 “係呀, 老師話唔使帶書包, 淨係帶杯袋至喎”..佢能將老師的話, 講比我聽, 我心好歡喜呀…..所以我打蛇隨x上咁話, “你真係叻叻, 下次老師同你講左的說話, 你都要話比媽媽知喎”, 佢話 “鵝”

luluma

你地有無邊個係今屆家教會候選人啫

luluma

早晨呀, 各位

呢幾日天氣真係好舒服呀   

beautymother

我個女一包都無背過比我聽     我問佢, 佢都唔識背呀....抵打pet pet

luluma

celia-ip

阿女淨係同我講有生日蛋糕食咋, 問左好多次仲有乜野食, 佢都話無呀, 比佢激死

佢同學講玩快樂傘, 我問佢點玩, 佢唔識講, 但做比我睇, 跳跳下, 又就圍走, 我問佢快樂傘係點樣架, 佢話" 一"fec fec" 咁囉.....

ufo

多d一齊入來啦

luluma

哈哈哈哈 :  :

hviy 寫道:
話時話...有次見到個mami帶仔返學,見個男仔同阿女一張枱,以為佢係junejune,咪問佢係咪BK mami....佢    咁嘅表情望住我話: sorry我諗你認錯人    係咪好瘀呢     

luluma

catnapper

我都係唔識唱架, 不過我會用五音不全方法去唱, 卓琳都好開心架.

hviy

係呀, 而家每日都有功課, 女女昨日做完一頁, 都係一齊做, 真係油到成版七色彩虹咁, 因為佢好鐘意調色, 叫佢點沙, 佢每種顏色都點幾點.....個海又藍又綠又紫....真係精彩呀...   

跟住佢話仲要做第二版...我唯有收起, 真係好怕佢今日放學佢自己會唔會做晒全本呀

==

係喎, 你地會叫小朋友等你放工返來先做功課, 定叫佢地放學就自己做先呀......?

luluma

violet_sum

唔好講請教, 分享吓啦...
無乜特別野要準備架, 只係清潔, 整齊就得架啦, 因為無考試面試, 老師唔會問問題架....只係分小組形式, 讓小朋友一齊入課室玩, 從中觀察佢地架咋....之後會有信通知你...希望下年你都入來一齊傾計啦

violet_sum 寫道:
luluma ,

唔好意思,想請教你呀,我個bb 今年報讀st.peter k1 , 請問到時interview 的時候 , 要準備d 咩,及會幾時到會通結果架, 我都好想我個囡囡讀這間學校, 請教一教路.

luluma

今晚放工去睇下先.....
[quote]
catnapper 寫道:
我諗住去吉之島買個電的piano, 我見都係$99.9, 有mic及seat位.

梗係等我地食完飯先做啦, 親子嘛.
[quote]

luluma

早晨呀.......

昨晚, 我背那首唐詩, 睇吓阿女有乜反應啦, 佢真係識呀, 原來有動昨邊講邊做架....不過佢背那首唐詩, 跟綱要有點出入, 大家一齊來聽聽 :

阿女版:
白日依山上, "婆婆"入海遊, "六同"千里目, 更上一層樓      

阿女噚日放學後, 訓左成兩個鐘, 夜晚兩點先訓, 我而家坐住都訓等着呀...

係喎, 你地係咪買crayon比小朋友做功課架.....

hviy

係呢, 時間表列出的, 音樂, 係咪即係唱綱要內的歌仔呀....咁識數係在那些課堂內教架 ?

dolphin

叻叻仔

catnapper
昨晚, 無去睇添

luluma

Catnapper

碩仔似乎很愛返學喎... 好事呀..

係呀, 老師話過, 有發燒唔可以返學架....
我淨係知:
99.0f = 37.2c
99.5F = 37.5C
100.0F = 37.8C
101.0f = 38.3c

luluma

hviy

係呀, 收貨架na我, 好難得到佢講架, 又有動作跟, 要鼓勵吓先得架....

阿女又係一樣, 枝枝顏色筆都油到斷, 昨晚功課咪同星期一那份一樣啦, 心想佢會畫好d, 點知仲厲害, 佢用啡色筆狂素, 海連天連沙都係啡色, 又右上角素到左下角, 我同佢講"嘩, 係咪, 落雨呀, 點解d雨會啡色既?" 女話"係咁架", 真係無佢乎.....但爸爸話佢好有創意喎, 油得佢喜歡點畫就點畫喎, 吓, 都唔知老師睇見會唔會嚇暈左

beautymother

阿女未開始呀, 打算下個月才開始, 坐校車返屋企, 返學由姐姐送.....不過睇吓點先, 而家姐姐接送都ok..我始終都係擔心, 放學時, 如天氣涼左, 佢自己唔識加衫點算..

係喎, 咁你個女有痰, 你會唔會同佢睇醫生架? 定係食猴棗散呀?

catnapper

醫生有無話碩仔乜事發燒呀.?

我問卓琳, 碩仔發燒無返學喎, 係咪呀? 傻女佢話碩仔有返學喎...吓, 佢有幻覺呀...

celia

我都覺得茶點都幾好.....之前阿返playgroup時, 老師比茶點佢食, 佢有時食, 有時唔食, 而家日日問佢, 都話有食, 做食晒...我將茶點紙印出來, 貼起, 日日都話佢知明白食乜, 等佢好期待返學食呀  

luluma

乜真係呀, 願來阿女好正常架.....

catnapper 寫道:
因為喉嚨發炎引至發燒.

另外昨天碩仔係有返到學校o家, 不過一陣就被姐姐接走o左姐, 所以佢都有新功課做.

[quote]
luluma 寫道:
catnapper

醫生有無話碩仔乜事發燒呀.?

我問卓琳, 碩仔發燒無返學喎, 係咪呀? 傻女佢話碩仔有返學喎...吓, 佢有幻覺呀...

[/quote]

luluma

係呀, 放完假三日, 好唔想返工呀.....

浸溫泉咁正

我地就同阿女去ocean park, 走時開始夜場 helloween night，好多鬼靈精 , 阿女話好多壞人喎, d壞人個樣好核突...

luluma

紅色圖片, 我找唔到呀, 未做呀, 幣加火

luluma

非女

我卓琳都係下d班喎, 咁那些小朋友坐那行架, 會唔會係我個女都有份呢.....如果真係咁, 我都會投訴佢喎....

你地話係咪呀.....

luluma

補充:
不過我自已都覺得兩個老師幾好的, 佢有乜野都會打電話同我講, 我個女都很喜歡佢, 返學見到佢會笑.  希望係小誤會啦....

=
我無參加健康比賽呀..
=
冬天校服表, 我未得閒填, 呢幾日好鬼忙, 係喎, 唔知應該乜野size呢...?
=
我唔識在網上找圖書目錄呀, 點樣開出來睇呀....???
=
阿女尋日話, 嫦娥一個人, 偷左藥, 比人話, 好悶喎.

luluma

我都祝大家中秋快快樂樂, 咪食到制左呀

今晚返阿媽處食飯

陣間四點可以收工, 早點返屋企.....

學校送比阿女個燈籠幾靚喎, 真係好了, 我地唔使另買比佢....