兆麟聖彼得堂 06 k1入來傾下丫

luluma

Catnapper

卓琳又出世到現在, 都係睇新屯門中心商場二樓, 張譜昌醫生, ok啦, 夾阿女囉…..費用約250,  無乜事幹, 少葯就收少d

剛發完燒, 又起, 應該係大菌未清…..又痰, , 呢個醫生, 好着重清痰, 佢話痰清就會快些好喎…..

luluma

係呀, 前排阿女一開學就病, 除睇醫生外, 我另買左多種維他命, 同維他命c給他吃, touch wood暫時都ok, 你地睇下比唔比小朋友食啦....

呢排較忙, 只可以塔兩句就走, 無時間溫習呀....

luluma

各位注意, 好切身的施政報告呀

曾陰權在施政報告內發布, 以學券形式, 由2007年-2008年度起, 每名三至六歲兒童可獲資助幼稚園學位一萬三千元呀, 至2011-2012年度資助額將會增加至每位小童一萬六千元....

即係話下年度, 我地唔使交學費呀.....

very good ar

luluma

我只係睇左brief version, 等我tea time再睇full version, 再話比你地知,

我好興奮呀, 因為佢地資助的年度, 剛好包我細女在內呀.....
            

luluma

有啦, 在新聞處上, 下載 :

資助幼兒教育
43.為改善幼稚園的設施，計劃在本學年撥款約七千萬元，用以發放一筆過的發展津貼，讓幼稚園購買更多圖書、更多元化的教具、電腦及其他教學資源等。津貼額為每個學生五百元，每所幼稚園以十三萬五千元為上限。
44.從支援家庭出發，減輕家長的財政負擔。將以「學券」形式為三至六歲兒童的家長提供學費資助，繼而理順各項現有的資助計劃。由下學年（即二零零七�零八年）起，以提供「學券」予家長為資助方式，每名學生全年的資助額最高為一萬三千元，其中不少於一萬元必須用作減低學費，其餘三千元用以資助教師進修。隨

luluma

所有本地的非牟利幼稚園都有資格, 照睇應該係學校方面去申請, 當政府接受後, 我地受惠....

如學費不能超出二萬四千元, 即係話全日班就唔受惠, 係咪呢?

唔係唔使交學費, 係交少好多,

luluma

各好午安呀.......食完飯未呀

終於可以溫習三大頁la

我都覺得個書包好重呀, 但無計啦, 想帶少本都唔得……..或者咁想啦, 小朋友係要訓導吓, 將來可行的路更遠呀, 我地細個時都係咁架啦….(所以我生得唔高囉)

話時話, 星期二那晚真係叫多功課, 一版耶穌, 一版練習, 仲有一版好似係習作紙….油到手仔都軟, 阿女油到近二樣, 己經開始話好累喎, 我咪唯為鼓勵佢囉….我都唔計佢油得靚唔靚, 要佢油得靚, 真係好難架, 叫佢唔好油過界, 好就偏要過比你睇, 激唔激死呀…..我就抱住, 做晒功課的精神, 至緊要佢願意做, 過程開心咁我都收課lu….

June_june

個牙齒印, 退左未呀…哈哈, 正所謂不打不相識呢…, 好返未呀

Catnapper

碩仔應該可以返學啦, 係嗎 ?

Hviy

嘩, 你真係要介紹多幾款比我地呀, 你講那些, 寶礦力加水,可代替止痛片, 唔講真係唔知 下次一定要試下……

係喎, 那些你介紹的湯水, 不如打個list出來，　得唔得呀，　即係好似食譜名咁呢

係喎, 我個細女得8個月, 佢無乜野, 但一日有一兩聲咳, 同好似有痰咁, 可以食乜野呀?  我試過比佢食猴棗末, 頭一日, 佢大大內有痰, 之後少左, 但還聽到有聽的聲音呀.

Pancy

Welcome, 多些一齊交流呀…..我個女係下幼D呀….

幼兒教育 “學券”

原來, 半日及全日的非牟利幼稚園小童都可以授這優惠, 只要全年學費分別不超過2萬4千元(半日), 同4萬8千(全日), 最少可得全年一萬元或最高達一萬三千元的資助, 咁講法, 我地每月可比少近一千元呀, 真係慳唔少…..咁我地學校合資格有餘啦…..

嘩, 你地估下年度, 申請入學的小朋友會唔會更多LE, 因為在私人幼稚園的小朋友係無得受惠, 可能會多左人轉讀非牟利都唔定喎…

luluma

我自己的做法係

首先, 阿女如無咳, 或己餘下好少咳, 無乜running nose, 痰要無顏色, 即係已消炎, 人要精神如平日般, 開心, 再加上度數在耳探計 37.8以下, 肛探就38.2or3以下…..咁我都未必會再帶佢再睇醫生….除非阿女個樣好累, 眼dup dup咁啦, 有其他地方唔舒服或痛

以我認識, 在可接受的溫度下發燒係對打低細菌好有幫助, 即耳探 38.以下, 或肛探38.5以下, 如無乜唔精神, 少咳, 痰無色, 我都唔會比佢食發燒葯..呢d係我這幾年問過不少醫生及姑娘所知的

通常我會在溫度38.4or5 或以上, 才會考慮給發燒葯...

luluma

hviy

鷓鴣, 水魚係邊到可以買到呢.....平時真係好少會食到這些食物, 咁有益, 真係要多些煲至得

剛入學校網, 多左好多相呀, 見d小朋友好開心咁上堂, 仲有升旗儀式, 嘩, 人頭湧湧呢.......黃老師好認真係個樣

不過我仲未見到阿女在網上出現, 好期待呀.....

至於選小學, 現在都未有清晰的決定, 你地講的都好似幾好, 真係要了解下個女的性格同學習態度, 才能選合適佢的學校.....到時一定好頭痛呀  

明白係家教會成立日, 你地會去嗎 ?

不過我一定要去學校, 因為我仲未替阿女的冬季校服試size呀.....(慢百拍)

順道睇吓先.....

celia

芒果都幾好呀, 咁好味 , 我個女係白兔組呀.....

luluma

beautymother, pancy

星期六 試左身la 除校褸外,其他全部中碼, 原來細碼校隻袖都長成二吋呀, 中碼那件, 肩位好似打欖球咁呀.....

hviy

係呀, 綱要上教的故事書, 係咪可以在學校圖書館借到呀一樣?

萬勝節有化妝舞會, 真係好期待呀, 都唔知着乜野好呢,,,,你地往年小朋友會穿那些服式架....係咪乜都得架, 可唔可以比d idea 我地呀.....

luluma

hviy

係中環, 我見到一條紅色裙, 係黑色圓點, 後面有對翼加, 應該係你那條, 幾靚喎

另外又見到另一隻小甲蟲, 係粉紅色的, 只係穿過頭, lup落去就得, 好方便, 仲有個頭cool, 有對圓波波角....仲有南瓜呀....

luluma

Celia-ip

我堂叔仔個女都係鄭任安千希讀呀, 不過未問過佢讀成點, 有幾會問吓先..

你個仔咁醒, 咁快就有個人主見,識得話扒乜野, 真係叻仔, 我個女只係比我舞來舞去, 而家睇緊扒乜好, 做個大南瓜都幾得意喎, 呵 ?

你仔仔k幾呀, 要穿大碼, 係咪應該高級生呀…

Beautymother

係喎, 我都無想過大件d, 可以穿多年添, 只係見到個肩似superboat, 就轉細碼lu…


其他課程

暫時無比阿女讀任何課外課程呀, 等下學期或者下年度先啦…..佢自制能力唔高, 咁快比佢讀, 都係晒錢咋….

你地有無去過jusco四樓個 i-kids land玩過呀, 上星期六去過, 幾好玩啫, 好多小朋友玩呀

luluma

hviy, beautymother
咁我咪好猪猪囉, 校樓仲係細碼添, 激死人啦, 仲以為校樓係會日樓夜樓添, 早知真係買大條d啦, 一定係我無溫習, 連hviy的意見都無留意呀,……唔知有無得換呢……

I-kids land，我都係呢兩個星期先出玩咋, 之前都未去過, 睇幾時有機會會碰到你地先,

Celia

原來係咁, 怪不得你仔仔有兩年經驗啦….

我都無留意到柏麗有得上英文堂呀…..至於學琴, 我同beautymother一樣, 等女女大點, 手指骨發育得好d先, 問過琴行, 佢地話最好係小朋友5-6歲大時才開始學, 仲要佢地喜歡才給她們學….我都唔知阿女喜唔喜歡, 到時要問吓佢…

我就想比阿女學體操, 跳舞同畫畫….可惜要照顧個細女, 時間未係咁配合, 希望下年可以開始啦…..

其實我都唔係好識點樣可以令個女學多點野, 希望可以從大家經驗中學到啦….

Pancy

如果個女發燒, 我都會同你一樣, 成晚唔敢訓睇注佢….做媽媽真係唔容易架…..都唔知點解, 仔女有乜事, 多數都係阿媽緊張多d, 花時間多d…..

luluma

hviy

原來有得換, 咁都好d, 等我睇清楚先

萬勝節化妝會, 小朋友係咪要穿定d衫返學校, 定係回到學校才穿上呢, 玩遊戲時會唔會好論盡架.?? 會係回返學時間進行, 還是在周六或日進行架???   問題媽媽又黎la     

celia, beauty, catnapper etc...

我都已參加做家教會會員, 雖然唔知內容係點, 相信做左會員, 會多點有關小朋友在校的資訊都唔定.....

爸媽學說英文故事, 我都參加左, 要抽籤, 都唔一定有份, 希望抽到我啦....好想阿女有一日, 突然見到我在學校講故事, 我想佢一定會好開心啫.....       

我發覺我對剛要內的肉容越來越唔明, 教材工作紙係乜野呢, 好似唔見有得做, 定係做左我都唔知呢......

好野, 今個星期又係生日會, 又有阿女好喜歡食的生日蛋糕啦   

雖然上個月生日會相片中, 找唔到阿女, 但我都將會部download左, 可以比佢睇吓, (係咪好無聊呀)

luluma

有無小朋友扒迪士尼卡通人物架....我見到有件米妮裙, 好得意呀....不過要成百元, 係咪好貴呀.....

短袖會唔會涼視呢...?????

又想南瓜, 越睇得多, 越心多呀

luluma

你個建議都唔錯, 但如果平日穿就實在太出眾la, 真係心大心細呀.....

仲有d一穿就掂的衫, 好似南瓜衫咁, 剪裁像一個圓圓大南瓜, 底部同頭部都有個大loan, 比頭同腳穿過, 好方便...

甲蟲衫, 又係好似個縠咁, 背部都係有對翼, 好得意
呢d價錢平d, 60元, 不過只可穿一次

但咁比起成過百元一次, 應該抵好多.....

luluma

幣, 唔記得左今日開生日會, 唔使帶書包添, 工人帶左書包同阿女返學, 希望老師見到提佢帶走啦

hviy
10月27日張通告仲未見到呀, 昨晚有張親子旅行通告, 作c咩咁早起身, 阿女平時要10點才起身架…..不過我問佢要好早起身你得唔得, 佢話得, 你係咪好想去旅行呀, 佢話係喎…..

爸爸應該就唔得閒去, 可能得我同阿女去, 等我問吓婆婆有無興趣先.....你地係咪全家都去呀?

吓, 要自已帶野食喎, 咁咪好多野lake囉….    陰功..

依呀, 我都未決定到阿女穿乜野, 不過我問阿女想扮乜野, 原來佢唔知係點玩架, 咁我咪講d不同的名比佢選, 點知佢講左個我無講的扮相..........佢話要扮白兔仔, 唉, 一定係因為佢係白兔組的關係啦.....真係比佢激c.....你話喺邊處有先得架....好高難度呀....

beautymother
係呀, 簡簡單單都得喎, 太貴我都真係唔拾得, 只可穿一次, 即使話有個細女再用, 都係咁話, 到時都唔知是否合細女穿  

我都參加左家教會做會員呀, 可以參加多d活動呀, 今日去交錢, 不過我好大頭蝦, 唔見左張回條, 唯為自己打過一張, 不過都打得似模似樣架....

june-june

造型衫, 我見到jusco有呀, 不過無乜size, 我在中環工作, 發現中環都有得賣, 不過花多眼亂, 有些價錢都幾貴.....

carrie
你好呀, 歡迎你一齊分享呀...

luluma

哈哈, 仲係 "迷人小白兔"添呀.....

celia_ip 寫道:
luluma

你囡囡想扮白兔仔, 不如扮"兔女郎"啦 , 早二年我係尖沙咀見到個鬼妹仔扮"兔女郎", 好cute架, 買條跳芭蕾舞o個d貼身衫連褲, 加條尾巴, 頭cool , 咪得囉.... (可以加埋魚網絲襪喎 )

luluma

蝦佬大家好

休息完兩日, 又要投入五天作戰啦…..

Hviy, Beautymother,

咁, 我都要想想, 帶乜野食物比女女第一次旅行先得……

係播, 真係無鬼用, 點解我想唔倒可以咁樣扮呢……等我仲去左花園街,買左件15蚊的女巫裙添, 係咪好平呢, 嘻嘻….因為間shop清貨啦, 大減價, 話原本要50幾蚊喎….

條裙係好價單的一條紫藍裙, 有袖, 同腰間車左條黑紗腰帶, 仲有一頂女巫帽….好plain, 我買完都想, 無乜特別, 點好呢……後來, 行行吓, 見到有蜘蛛賣, 靈機一觸, 就扮蜘蛛女巫都好喎, 咁我就買左d蜘蛛貼上件衫到, 好在阿女無扭計, 都願做蜘蛛女巫, 我仲提佢之前聽過一條童謠 “蜘蛛上水洰”, 就係呢d啦, 佢好受落, 仲教定佢, 如果老師問你點解做蜘珠女巫, 阿女就會話 “因為我仲意食蚊”….

算啦玩吓啫, 應吓節扮乜都無所謂啦…..白兔仔就留返下次先lu….

我覺得幾好玩, 睇見阿女咁攪笑, 都想一齊玩呀….而家小朋友比我地時返學開心好多呀….


非女, catnapper, Shirley 等等

你地點同小朋友扮呀？

Celia
你個仔穿起巴斯光年, 係咪好有型呀??

可借我要返工, 咪一定可以幫阿女同其他小朋友一齊影多幾張相呀

luluma

catnapper

如果你真係請假影相, 你一定"千萬"記得幫我阿女, 即係"美艷蜘蛛女巫"影張呀, 叫碩仔, 非女個仔等等一齊影呀, 我請唔倒假, 呢次真係走寶呀......

to ALL

好野, 我地"上""下"一齊去旅行, 到時可以見面認, 一齊玩, 真係好開心呀,    

追綜, 讀書時玩過, 好好玩的...

係呢, 那些個小買部, 有乜野食買呀, 咁係咪唔使自己帶咁多呢, 到時買咪得囉, 係咪呢?

希望旅行那日, 天清氣爽